إللي عندها أي استفسار بخصوص الديكورات والبناء تتفضل ( للفائده فقط )

[tattoma]

شلونج حبيبتي اسماء
بغيت اسالج شرايج بالشفاط المركزي حق الحمامات تكرمين
ايهوالاحسن العادي والا المركزي

هلا والله بخير الله يسلمج

الصراحة أنا شغلي تصميم ديكور داخلي وما أعرف بالأمور التقنية

 

[tattoma]

قووووة يا عمري...انا ساكنه فبيت حمولتي و بيتهم ما فيه عوازل..فلو يتحجون بالتلفون تحت اسمعهم و انا فوق....شنو الحل؟؟

الله يقويج يا هلا
للأسف العوازل تنحط بالبنيان بين الطوف والحل الوحيد وهو غير عملي انج تلبسين كل الطوف جبس بورد عازل بس ما أضمن ينعدم الصوت لأن السقف يوصل

 

[دلوعت مودها]

بليز بنزل شقه يديده وبالصبغ الصاله اخترت لون والصباغ كلش ماضبطه تكفون انقذوني ابي لون جديد وصبغ حلو واذا عندكم رقم صباغ شاطر دلوني عليه،...والصاله كبرها 7*4

 

[الكوويت]

يعطيج العافيه يا قلبي ....
انا ساكنه شقتي صارلي سنتين ونص ومليت من اثاث الصاله وودي اغيره بس زوجي كلش رافض ومو راضي وقلت بغير بالالوان وابي شورج ........انا صالتي القعدات لونها ذهبي بني والستاير بنيه وخاطري اسوي تنجيد للكنب واحط احمر واصبغ طوفه وحده عنابيه والباقي بيج شرايج وصالتي مساحتها 7في 5

 

[ريما يا دنيا]

ابي مشورتك بغرفة الطعام ...
هي مساحتها تقريبا 6 في 5 وتكفي ل10 كراسي
وابيها اصبغها بيس ابي شي جديد
فكرت اسوي رسم بجدار واحد وباقي الجدران ساده ..
او اصبغ جدار زيبرا والباقي لون واحد واخلي كراسي الطاوله من قماش الزيبرا
اذا عندك صور ساعديني

 

[أغلى حبيبه]

باااارك الله فييج حبيبتي ع الاجوبه

 

[كاجووول]

حبيبتي الله يبارك لك في كل عمل تسوينه على ماتبذلينه من جهد ....

بسألك بس ابغى شرح وافي وياليت بالصور لاني مو مره في الاثاث ما اعرف انسق احب قص ولصق هههههههههههه

عندي سيب اول ما ندخل من باب الشقه مستطيل صغير وعلى اليسار مجلس الرجال كبير بس مافيه زوايد بس شبابيك وبيبان وفيه باب يفتح على البلكونه ؟؟؟


ابغى تصميم فخم للسيب والمجلس من سقف وبويه واثاث وباب البلكونه ايش احط نوع مايخرب شكل المجلس ؟؟؟ ابغى الوان جديده


الله يوفقك في كل امورك ؟؟؟؟؟​

 

[ســتارز]

شلونج حبيبتي اسماء

بغيت اسالج شرايج بالشفاط المركزي حق الحمامات تكرمين

ايهوالاحسن العادي والا المركزي

الاثنين ياقلبي لهم محاسن ومساوئ بس المركزي افضل انه بالسقف

لكن صوته شوي مزعج

 

[دمي خفيف]

السلام عليكم
يعطيج العافيه اختي
اول مره اشوف الموضع وادخله ..
بس حسافه شفته متأخر
انا الحين خلصت شقتي تقريبا

باقي الصبغ وتركيب السيراميك والتأثيث اللي خلصنا من اختياره بعد عناء طويل وتعب وحيره في الالوان خصوصا ان هذي اول تجربة لي ولزوجي وكنا وايد محتارين كوم هالشقه راح تصير شقة العمر يعني بقعد فيها وايد ومانبي نحط شي ع الماشي

الخلاصه
انا محتاره باختيار الستائر حق غرفة النوم والمكتب وغرفه كبتات والاستقبال
طبعا غرفة النوم نظامها مخلوط بين المودرن والكلاسيك
والاستقبال كلاسيك
وافضل ان الستاير تكون بسيطه وناعمه ومافيها وايد شغل تدرين حق التنظيف والغبار صعب تنظيفه

باجر باذن الله راح ادور اقمشه للستائر ياريت تساعديني شلون اقدر اختار الاقمشه .. وشنو الموديلات الدارجه في هذي السنه
بحط لج بعض الموديلات اللي شفتها بالنت وعجبتني وتناسب ستايلي

هذي وايد حبيتها حق غرفة النوم قلت بسويها لون البرتقالي الفاتح والسجاد بيج والستاره قلت بيج او البرتقالي الفاتح المايل للبيج

هذي تصلح للاستقبال ؟؟

يعني هذا استايلي الناعم والبسيط .
اتمنى تساعديني بالموديلات الدارجه والمناسبه لكل غرفه

ويعطيج الف عافيه حبيبتي

 

[asOola_21]

السلام عليكم ويعطيج العافية عالموضوع

انا باجر انشالله بروح انقي سيراميك ومحتارة شنو اخذ خاصة ان صالتي مو وايد كبيرة ! ومابي نوع يبقع او يبين فيه الوصخ بسرعة :/ وحبيت اسالج حق غرفة اليهال ودي احط باركيه جنه اسمه اللي يصير جنه خشب ، تنصحيني فيه والا مو عملي ؟!

 

[بنت السليل]

جنااااااااااااااااااااااااااااان

 

[كوووين]

مرحباا اختى شلونج حبيبت اخذ رايج انة برمم شقتى وعندى سيراااميك قديم والصراحة مابى ابدل السيراميك وحط شى يديد لانة بكون غالى ومكلف وانة قعدتى ماقت شرايج ببالبراكية يصلح للصالة وغرف النوم وماايب حشرات نفس مايقولون الناس وشكراا

 

[SHiKhaH]

السلام عليكم وحمة الله وبركاته

صباح / مساء الخيـر حبيبتـي " tattoma "

أولاً : يعطيج العافيه علي المجهود الرائع ومساعدة خواتج بالديكورات وتنسيق الالوان ,,

ثانياً : أخوي راح يتزوج ونبي نعدل شقته ومحتارين فيها التصميم وتنسيق الالوان

والشقه كالتالي //

لأن قرأءة احد ردودج بأن اللون الازرق يخفف النظر

ملاحظه ( الباب الخارجي يطل علي الحديقه وشقته وبابها بروحه مو مع البيت )


جزاج الله الف علي مساعداتج حبيبتي

مودتـي شيوخه

 

[برد ذهب]

مرحبا ،، اشكرج عالموضوع والفكرة الرائعه وجهودج معانا،،،،،، بصراحة بغير اثاث صالتي وشريت قعدة مودرن لونها برونز مايل للذهبي اكثر خامتة شامواه ودي ادخل معاه الوان ثانية غير البني والاسود والبيج ياليت تعطيني رايج شنو ممكن ادخل لون ثاني للطاولات والكواشي والستاير ،،،، وبنفس الوقت راح يكون في ركن لطاولة طعام فشرايج اي لون ممكن ااخذ ،،،،،، وشكرا

 

[برد ذهب]

سوري بس ياليت توضحين لي بالصور اذا ممكن ،،،،

 

[••SôFt G!rL‏‏ღ]

السلااام

ششلونج ,,
الله يعطييج الف عافية حيآتي ماشاءالله عليج مبدعة بتنسييق

انزين الحين بدخل بموضوعي لووووووووووووول
انا عمري تقريبا 17 سنة وهذه اخر سنة لي بالمدرسة
وودي اضبط غرفتي واسنعها وانا احب الالوان الوردي والرمادي وورق الجدران اموووت فيه
بسس مااعرف انسسق ومساحة الغرفة 5/4 وانا ودي احط مكتب بعد اعتقد ماتكفي المساحة
ايي صح واحب الاشياء الفرايحية

فـ ياريت تساعديني

 

[••SôFt G!rL‏‏ღ]

سسوري اربعة بخمسسة

صااقطة بالرياضيات

 

[fat]

السلام عليكم انا ناويه اجدد في بيتي شنو وابي اغير الوان بيتي وشنو الاحسن الصبغ ولا ورق الجدران انا الوان صالتي الاستقبال مشمشي فاتح واثاثي زيتي وصالتي المعيشه مفتوحه على الاستقبال قنفاتي اوف وايد وكوشيات زيتي شنو الانسب وابي افكار يديدة شنو اليديد الحين

 

[Ms.Candy]

انا عارفة يمكن يكون استفسااري يعني ماله علاقة
بس انا بصراحة لما كنت صغيرة كنت احب اللون الزهررررررري وايد
كانت غرفتي في البداية ابيض وبعدين اصريت ع انهم يصبغونها
وارتحت لها وانا صغيييرة
بس لما كبرت وايد متضايجة من اللون الزهري وابي اغيييييييره
بشنو تنصحيني اخلي الوان الغرفة
وشلون اغيرها ؟
يعني في طرق غير الصبغ ولاااااااا

 

[girl k.s.a]

http://up.q8yat.com/uploads/images/Q8yat-c740633a88.jpg

بنات انا توني ساكنه شقه جديده وهذاتمجلس الحريم
واحس اني حيل حيل تسرعت يوم فصلته لاني كنت بلحالي وزوجي ربكني وفصلته ع السريع شرايكم ؟ بدون تجريح
وبليزززز اقترحو علي لون البويه للثلاث جدران الي فيهم كنب والرابع ابي اسويه ورق جدران الي مافي عليه كنب
وقترحو علي لون الستاره والفرشه
انا قلت الثريا والاباجورات فضي والطاوله بيضا
اما الستاره والفرشه حيل ماني عارفه
والبويه محتاره بلونين 3 جدران رمادي فاتح او بنفسجي فاتح مررره مايل للابيض يعني ابيض لكن فيه شوية لمحة موف
والجدار الرابع ورق جدران فضي
ونسيت اقول حاجه ودي اضيف خداديات فضي شرايكم؟
يلا بنات انتظر ارائكم واستقبل انتقاداتكم بدون تجريح
معليش التصوير دمار لكن مافي جمبي الا الجوال