إللي عندها أي استفسار بخصوص الديكورات والبناء تتفضل ( للفائده فقط )

[ميرور]

خواتي عندي اقواس في البيت سويتها بالجبس

شورايكم اخلي لونها ابيض نفس الجبس

ولا اصبغها بني خشبي نفس الابواب

 

[tattoma]

خواتي عندي اقواس في البيت سويتها بالجبس

شورايكم اخلي لونها ابيض نفس الجبس

ولا اصبغها بني خشبي نفس الابواب

صبغي النقوش بألوان ذهبية ومعتق.. وخلي الأرضية أبيض

 

[ميرور]

الارضيه خلصت منها ،،، خلاص انا في المراحل النهائيه


الارضيه باركييه " سيراميك نفس الباركيه " لونه غامق

واخترت ورق الجدران

بس محتاره انه الابيض للاقواس يمكن يطلع شاذ مع اللوان الغرف
عكس البني الخشبي بيكون مناسب مع الابواب


ولا شورايج ؟؟

 

[tattoma]

الارضيه خلصت منها ،،، خلاص انا في المراحل النهائيه
الارضيه باركييه " سيراميك نفس الباركيه " لونه غامق
واخترت ورق الجدران
بس محتاره انه الابيض للاقواس يمكن يطلع شاذ مع اللوان الغرف
عكس البني الخشبي بيكون مناسب مع الابواب
ولا شورايج ؟؟

أقصد لون أرضية الجبس يعني لون الأساس ابيض والنقوش بالذهبي.. مو أرضية الأرض

الجبس مو حلو لون الخشبي لأن يبين إن جبس لو مسويته خشب كان أفضل وايد وأفخم، ويعتمد على ألوان الغرف..

 

[Lady Lola]

ابي اصبغ شقتي المجكنمه ^_^ و محتاجه مساعدتكم يا قلبي

الديوانية مساحة 3 و 1\2 *4
و غرفة النوم 4و 1\2 * 4و 70 سم
و محتاااااااااااااااااااااااااااااره ابي ألوان هادئه وتوسع لي المكان وفي نفس الوقت ماابي اتقيد بلون معين ويكون مع الوقت يملل ويفتر لغرفة النوم
شتنصحوني فيه ؟؟؟؟؟؟؟؟؟؟؟؟؟؟

 

[tattoma]

ابي اصبغ شقتي المجكنمه ^_^ و محتاجه مساعدتكم يا قلبي

الديوانية مساحة 3 و 1\2 *4
و غرفة النوم 4و 1\2 * 4و 70 سم
و محتاااااااااااااااااااااااااااااره ابي ألوان هادئه وتوسع لي المكان وفي نفس الوقت ماابي اتقيد بلون معين ويكون مع الوقت يملل ويفتر لغرفة النوم
شتنصحوني فيه ؟؟؟؟؟؟؟؟؟؟؟؟؟؟

بما إن المساحات صغيره.. مهما كان اختيارج للون لازم يكون أفتح درجة

غرف النوم ابتعدي عن الأحمر والبرتقالي والأصفر الفاقع..

درجات البنفسجي الفاتح والأخضر الفاتح جداً القريب من الخاكي أحلى شي لغرف النوم

أما الديوانية اختاريلها لون محايد مثل الأبيض ودرجات البيج..
اللون الأسود والرمادي والبني ابتعدي عنهم تماماً

 

[زهقآنه]

tattoma

انا احب الاثاث الامريكي اموت عليه وشفت لج رد تتكلمين عنه ياليت اذا عندج معلومات كامله عن كل المحلات الي بالكويت تبيع اثاث امريكي ياليت تعطيني اساميهم وماتقصرين والله اذيناج بأسئلتنا

 

[نونة حبيبها]

سلام
انا مطبخي مفتووح على الصالة وابي اسوي حاجز بينهم
عاجبتني فكرة الزجاج الملون
اذا عندكم افكار احلى واكثر عمليه وياليت لو في صور
مطبخي لونه بنفسجي ..والصالة احمر غزالي

 

[تبوكيه]

يعطيييك العآفيييه ...بخاطري لون لمجلس الحريم رمااادي والحزاممم يكون فضي بسس موعارفه يكون الجدران كلها نفس درجة اللون وأبي اعرف شوو الاثاث اللي يركب عليها..اتمنى الرد سريع لأنو اليوم بختاااار ومششكوره حبيبتي.....

 

[tattoma]

tattoma

انا احب الاثاث الامريكي اموت عليه وشفت لج رد تتكلمين عنه ياليت اذا عندج معلومات كامله عن كل المحلات الي بالكويت تبيع اثاث امريكي ياليت تعطيني اساميهم وماتقصرين والله اذيناج بأسئلتنا

لا والله ما أذيتوني بالعكس.. نفيد ونستفيد

1) البيت الأمريكي
2) ذي كاسل
3) رومانتك
4) ديكور (على الدائري الرابع)
5) اللمسات الأخيرة (شارع كندا دراي/مجمع وارة)
6) دومين للأثاث الفاخر (يم تروفاليو وa2z الشويخ)

 

[tattoma]

سلام
انا مطبخي مفتووح على الصالة وابي اسوي حاجز بينهم
عاجبتني فكرة الزجاج الملون
اذا عندكم افكار احلى واكثر عمليه وياليت لو في صور
مطبخي لونه بنفسجي ..والصالة احمر غزالي

وعليكم السلام ورحمة الله

إذا المطبخ تحضيري من الأفضل يكون مفتوح على الصالة.. الحواجز تقتل المساحات

 

[tattoma]

يعطيييك العآفيييه ...بخاطري لون لمجلس الحريم رمااادي والحزاممم يكون فضي بسس موعارفه يكون الجدران كلها نفس درجة اللون وأبي اعرف شوو الاثاث اللي يركب عليها..اتمنى الرد سريع لأنو اليوم بختاااار ومششكوره حبيبتي.....

الله يعافيك

طبعاً كل الجدار بنفس اللون لا تحطين لونين.. أما الأثاث يفضل قاعدته تكون بيضاء يعني لون الأساس أبيض وعقبها عندج لونين تقدرين تدخلينهم أو لون واحد.. ابتعدي عن الأسود والبنفسجي والأحمر لأنهم الأسوء

 

[نونة حبيبها]

ماراح تكون الالوان شاذة لو خليت بدون حاجز
المطبخ بنفسجي والصالة عنابي ..

 

[ام العبايه]

اشلونج اختي مشكوره على الموضوع الطيب انا حابه تفيدينى قسيمتى فيها فجوات ومحتاره اشلون اكمل واخليهم يضيفون شي للمكان في بالضالات وغرف النوم عندج اي طريقه اتواصل معاج ووريج صور قسيمتى والصراحه محتاره بوضع الكهربا والمساح لهالفجوات شاكره اهتمامج وسرعه ردج

 

[tattoma]

ماراح تكون الالوان شاذة لو خليت بدون حاجز
المطبخ بنفسجي والصالة عنابي ..

الأسهل تصبغين الصالة بدال الحاجز

 

[زهقآنه]

مساء الخير

المطابخ لازم شنو يكون سقفها ؟
عشان الرطوبه والدهن والاشياء الثانيه الي الكل يشتكي منها ماتلصق بالسقف شنو نصيحتج لسقف المطبخ

 

[أوريو]

السلام عليكم
حبيبتي ابي مساعده منج
ابي اجدد غرفتي وبصبغها ..
بس غرفتي صغيرة ولو بصبغ فيها طوفه وحدة كاملة والجهه الثانية طوفه فيها دريشه

وبخاطري اصبغ كل طوفه لون بس ماابي الوان البيج وغيرة
ابي لون حلو ويفتح النفس وفيه شراحة وبنفس الوقت يعطي مساحة لغرفتي
ومشكوورة

 

[‏[ رمش ]]

بنات لون الصبغه نفس غرفتي

تخيلوه مع ستارا احمر غامق ابي لون للأثاث احترت بين ابيض او اسود

وابي لون للمفارش او ادخل لون بالمخدات ابيها تكون ثلاث الوان احمر ستارا والاثاث لون والمفرش لون

تكفون ابي رايكم

 

[tattoma]

مساء الخير

المطابخ لازم شنو يكون سقفها ؟
عشان الرطوبه والدهن والاشياء الثانيه الي الكل يشتكي منها ماتلصق بالسقف شنو نصيحتج لسقف المطبخ

طوفة عاديةَ!
مثل الحمامات

وليش رطوبة إذا المطبخ فيه مكيف؟

 

[tattoma]

السلام عليكم
حبيبتي ابي مساعده منج
ابي اجدد غرفتي وبصبغها ..
بس غرفتي صغيرة ولو بصبغ فيها طوفه وحدة كاملة والجهه الثانية طوفه فيها دريشه

وبخاطري اصبغ كل طوفه لون بس ماابي الوان البيج وغيرة
ابي لون حلو ويفتح النفس وفيه شراحة وبنفس الوقت يعطي مساحة لغرفتي
ومشكوورة

بما إن الغرفة مو كبيرة راح نختار درجات الألوان الفاتحة.. مهما كان اللون
وكل الطوف راح تكون نفس اللون لا تفكرين كل طوفة لون!

أما بالنسبة للون: البنفسجي والموف / التفاحي والليموني

الألوان الممنوعة: الأسود والأبيض / الأحمر / البنفسجي الغامج