إللي عندها أي استفسار بخصوص الديكورات والبناء تتفضل ( للفائده فقط )

[طير الحب]

يعطيك العافيه عالمجهود

 

[لعيـونكـ وبـــس]

يعطيكي العااااااااااااااااافية

 

[tattoma]

الله يعافيكم

 

[البطة ام البطة]

السلام اختي
ابي رايك انا اقترحت علي زوجي ان الدرابزين يكون زجاج اللي مزخرف باليزر والمسكة تكون خشب
مع العلم ان بيتنا مودرن وزوجي يقول مو عملي وخطر علي الاطفال

 

[طير الحب]

حياتى اشرايج بالمطبخ الصبه يقولون احسن

يعنى بنيان بالطابوق

ينفع؟؟؟

يعطيج العافيه

 

[tattoma]

حياتى اشرايج بالمطبخ الصبه يقولون احسن
يعنى بنيان بالطابوق
ينفع؟؟؟
يعطيج العافيه

من أي ناحية أحسن قالوا لج؟

الفرق بينه وبين الجاهز إن المطبخ الصبة يظل طول العمر من غير تغيير، ومو كل الناس تشوف هالشي مناسب.. خاصة إذا بتغيرين في المستقبل راح يكون فيها تكسر..

وإذا على السعر ما أظن بتوفرين.. لأن الصبّة تحتاج حديد وأسمنت ولازم قياسات الأدراج تكون مناسبة عشان ما تتوهقين بمماعين ما تدش..

أما الكبتات في النهاية بتشترين جاهز وتفصلين عليه..

 

[سميره مملوحه]

قووووه اختي شلونج
استفسار بسيط
لون الصاله اصفر فاااااتح وابي احط ورق جدان يناسب الون ؟؟؟



وشنو تنصحيني بلون الطاوله اللي بالنص جدام القنفات
وطاولتين صغار كل عند قنفه
اسود ولا ابيض ولا خشبي


للعلم ديكور التلفزيون لونه اسود ولون القنفات بيج

وشتنصحيني بلون الستاره
انا شاريه ستاره بنيه ساده حلوه ؟؟؟؟؟؟؟؟؟

مشكوووووووووره

 

[-MaYa-]

السلام عليكم
ممكن اسامي محلات عندها باركيه طبيعي ؟

 

[tattoma]

قووووه اختي شلونج
استفسار بسيط
لون الصاله اصفر فاااااتح وابي احط ورق جدان يناسب الون ؟؟؟
وشنو تنصحيني بلون الطاوله اللي بالنص جدام القنفات
وطاولتين صغار كل عند قنفه
اسود ولا ابيض ولا خشبي
للعلم ديكور التلفزيون لونه اسود ولون القنفات بيج
وشتنصحيني بلون الستاره
انا شاريه ستاره بنيه ساده حلوه ؟؟؟؟؟؟؟؟؟
مشكوووووووووره

أنا ما أنصح بألوان مختلفة لنفس الغرفة.. أختاري ورق جدران نفس اللون ومو مشكلة إذا كان منقش

أما لون الطاولة ما له أي علاقة بلون القنفات.. بس له علاقة بموديل الغرفة والبيت: كلاسك ولا مودرن، إذا كلاسك اختاري الخشب وإذا مودن اختاري طاولات زجاج أو أسود نفس التلفزيون

أما الستارة دخلي فيها ألوان اللي تبين لأن الصالة ما فيها ألوان غير البيج والأصفر

 

[$$ ام فهد $$]

شلونج اختي بقيت المغناطيس الصغير اللي مثل البطاريه مالت الساعة وين احصله

لاني بقيت اثبت مناظر صغيره بالطوفه او باي مكان بدون مسامير

 

[طالبة1990]

بنات حبيت استفسر عن طريقة تلبيس الجدران خشب

وين احصل الاماكن اللي توفرها ويركبونها


وشنو احسن الانواع للخشب

 

[لهيب الثرى]

هلاااا اترياء التصميم

 

[اهات شامخة]

حبيبتي موضوعج جاء بوقته

ودي اغير غرفتي فمحتاره شنو اصبغه ابي لون يشرح الصدر ويكون علي الموضه

فمحتاره بالبنفسجي الفاتح والطوفه اللي وراه السرير ورق جدران والباقي لون ساده انتي شرايج
ابي مساعدتج شنو اللون اللي يناسب غرفة النوم وشنو لون ورق الجدران والاثاث وغرفة النوم الي يناسب اللون

بعد ناويين نصبغ صالة بيتنا اهم صالتنين مفتوحين علي بعض صالة لونها بيج والصالة الثانية اي لون اصبغها
ولون الاثاث الي يناسبها

 

[86روعـه]

قاعده اجهز عش الزوجية مع زوجي فابي اعرف
شنو افضل لون لاثاث غرفة نوم للعرايس
+
الارضية القرانيت اي لون

+ الطوفه شلون عليها اي لون

اغلب الصور الي شفتها صعب تنفيذها
يعني اهم شي عندي ارضية غرفة االنوم مع الاثاث يكون مناسب


والصالة شنو اخليها..؟؟ حطينا الارضيه قرانيت اوفوايت وانا بخاطري الالوان الرمادية ودرجاتها؟؟؟؟؟

هلللللللللللللب مي

 

[السيدة الصغيرة]

خاطري بثريا كبيره ومحتاره

السلام عليكم ورحمة الله وبركاته
يعطيج العافيه اختي
انا بغير غرفت نومي من ارضيه وصبغ
وخاطري احط ثريه كبيره بالسقف بس محتاره
لان غرفتي جايه بطول حيل مستطيله وبالوسط في قتحت التكييف
يعني لازم اركب ثريتين بصوبين

ماني عارفه هل بكون شكله حلو

ومشكووره

 

[tattoma]

بنات حبيت استفسر عن طريقة تلبيس الجدران خشب
وين احصل الاماكن اللي توفرها ويركبونها
وشنو احسن الانواع للخشب

بالنسبة لأحسن الأنواع، النجار أو الـمصمم أهو اللي يختار

أما وين، فكل النجارين يسوونها إذا تبينه لوح عادي ومجرد تلبيس، أما إذا بغيتي نقشات وتحفّر، يفضل تروحين عند مصمم محترف

 

[tattoma]

هلاااا اترياء التصميم

أي تصميم.. عيزت أدور في الصفحات ما لقيت سؤال فيه طلب تصميم

 

[tattoma]

حبيبتي موضوعج جاء بوقته
ودي اغير غرفتي فمحتاره شنو اصبغه ابي لون يشرح الصدر ويكون علي الموضه
فمحتاره بالبنفسجي الفاتح والطوفه اللي وراه السرير ورق جدران والباقي لون ساده انتي شرايج
ابي مساعدتج شنو اللون اللي يناسب غرفة النوم وشنو لون ورق الجدران والاثاث وغرفة النوم الي يناسب اللون
بعد ناويين نصبغ صالة بيتنا اهم صالتنين مفتوحين علي بعض صالة لونها بيج والصالة الثانية اي لون اصبغها
ولون الاثاث الي يناسبها

بالنسبة لغرف النوم ابتعدي عن الألوان الحارة مثل: الأحمر والبرتقالي والأصفر الفاقع
أنسب الألوان هي الألوان الباردة والـمحايدة مثل: الأزرق الفاتح والتفاحي والبنفسجي الفاتح ودرجات الأبيض والبيج

أما الأسود والبني من أسوأ الألوان للطوفة وأبداً ما أنصح فيه

غرفتك إذا بخاطرك لون بنفسجي وايد حلو، وتحتاجين تدخلين عليه ألوان ثانية مثل السماوي واللون الـمحايد أهو الأبيض، راح تكون جداً شرحة بإذن الله بس خلي كل الألوان بالدرجة الفاتحة يعني مو البنفسجي الغامج..




أما الصالة الثانية فتقدرين تخلين لونها غير عن الصالة الأولى ولكن لون مقارب.. يعني ممكن درجات البيج بس أغمج أو أفتح من الصالة الأولى.. والأثاث كله الكلاسك يناسب اللي أهو درجات البني والأقمشة ممكن العنابي والزيتي والمشمشي..

 

[السيدة الصغيرة]

حبيبتي مارديتي على مشاركتي

 

[tattoma]

رد: خاطري بثريا كبيره ومحتاره

السلام عليكم ورحمة الله وبركاته
يعطيج العافيه اختي
انا بغير غرفت نومي من ارضيه وصبغ
وخاطري احط ثريه كبيره بالسقف بس محتاره
لان غرفتي جايه بطول حيل مستطيله وبالوسط في قتحت التكييف
يعني لازم اركب ثريتين بصوبين
ماني عارفه هل بكون شكله حلو
ومشكووره

وعليكم السلام ورحمة الله وبركاته

الله يعافيج

طبيعي جداً تحطين ثريتين وممكن يكونون صغار أو حجمهم متوسط بس يعتمد على طول الغرفة، عشان نعرف شلون بنقسمها