السلام عليكم
بنات انا عندي معاق وفيه موضوع حارق قلبي من زمان ودي اتكلم فيه
ليش الناس ماتخاف الله
خل اقولكم شي
انا رفيجاتي بالدوام يدرون عن وضع المعاق اللي عندي بس ماتكلم بالموضوع .. المهم قعدت معاي وحده من بنات الدوام امس تناقشني بقانون المعاقين الجديد حسيت حيل مهتمه وعندها معلومات وتفاصيل وتقول راجعنا المجلس يعني مبين عندها معاق وانا اعرفها عدل عيال مافيهم شي ولا من خواتها المهم قلت لها فلانه عسى ماشر منو عندهم تعبان انحرجت شوي جان تقولي لا انا عندي عضويه اعاقة قلت شلون هي مافيها شي جان تقول مسويه لها كرت اعاقة طبعا بواسطه حاطين لها 20 بالاميه اعاقة وهي سليمة مافيها شي بس فيها غده !! تقولي شنو اسوي امتيازاتهم حلوه !! ماتخاف الله ؟
بمستشفى الفروانية في طفل معاق اهله قاطنيه بالمستشفى من 3 سنين محد يمره ولا يسأل عنه وهو كويتي واهله معروفين ويوم سألت السسترات يقولون الاطبا مصرحين له خروج لانه حالته ما تستدعي بس محد يجي عشان يستلمه فسووا اوراقه عشان يحولونه لدور الرعايا وشكله الابو واصل لما يسوون الاوراق يعطل المعامله ليش ؟ ... بس عشان الامتيازات ماتروح منه ومعاش المعاق يمشي يصرفه عليه اللي مايخاف ربه ولا سأل عن ولده .. هذول ما يخافون الله ؟
انا عندي معاق والله يشهد عليه ماعمري حطيت فلس من معاشه علي ولا على بيتي بالعكس اصرف من معاشي انا عليه .. وقبل فترة زادت علي فلوس من معاشه وسالت شيخ يصير اصرف منها قالي يجوز اذا ماقصرتي عليه بس سبحان الله قلبي ما طاوعني وخليتهم
اقول الناس اللي مزورين شهادات اعاقة وياكثرهم .. واللي مهملين معاقينهم خافوا ربكم هذول امانة والله يوم القيامة تحاسبون على كل فلس حرام صرفتوه عليكم
بنات انا عندي معاق وفيه موضوع حارق قلبي من زمان ودي اتكلم فيه
ليش الناس ماتخاف الله
خل اقولكم شي
انا رفيجاتي بالدوام يدرون عن وضع المعاق اللي عندي بس ماتكلم بالموضوع .. المهم قعدت معاي وحده من بنات الدوام امس تناقشني بقانون المعاقين الجديد حسيت حيل مهتمه وعندها معلومات وتفاصيل وتقول راجعنا المجلس يعني مبين عندها معاق وانا اعرفها عدل عيال مافيهم شي ولا من خواتها المهم قلت لها فلانه عسى ماشر منو عندهم تعبان انحرجت شوي جان تقولي لا انا عندي عضويه اعاقة قلت شلون هي مافيها شي جان تقول مسويه لها كرت اعاقة طبعا بواسطه حاطين لها 20 بالاميه اعاقة وهي سليمة مافيها شي بس فيها غده !! تقولي شنو اسوي امتيازاتهم حلوه !! ماتخاف الله ؟
بمستشفى الفروانية في طفل معاق اهله قاطنيه بالمستشفى من 3 سنين محد يمره ولا يسأل عنه وهو كويتي واهله معروفين ويوم سألت السسترات يقولون الاطبا مصرحين له خروج لانه حالته ما تستدعي بس محد يجي عشان يستلمه فسووا اوراقه عشان يحولونه لدور الرعايا وشكله الابو واصل لما يسوون الاوراق يعطل المعامله ليش ؟ ... بس عشان الامتيازات ماتروح منه ومعاش المعاق يمشي يصرفه عليه اللي مايخاف ربه ولا سأل عن ولده .. هذول ما يخافون الله ؟
انا عندي معاق والله يشهد عليه ماعمري حطيت فلس من معاشه علي ولا على بيتي بالعكس اصرف من معاشي انا عليه .. وقبل فترة زادت علي فلوس من معاشه وسالت شيخ يصير اصرف منها قالي يجوز اذا ماقصرتي عليه بس سبحان الله قلبي ما طاوعني وخليتهم
اقول الناس اللي مزورين شهادات اعاقة وياكثرهم .. واللي مهملين معاقينهم خافوا ربكم هذول امانة والله يوم القيامة تحاسبون على كل فلس حرام صرفتوه عليكم
التعديل الأخير:
