إلي عندها خبره بالفيس بوك حياها

[NADOOOSHA]

قوه بنات

بستشيركم وأبي رايكم



الحمد لله أنا صج عندي رفيجات وأتصل عليهم من فتره لي فتره بس ما أدري احس بفراغ بحياتي يعني في أوقات أحس إني

بروحي :denya: وودي يكون لي رفيجات أكثر بس ساعات اكون حيل مشغوله بالدراسه وخصوصا حزت بداية الكورس ,

:gr4uu: إني أسوي أكاونت على الفيس بوك، وأكون صداقات وايد, أحاجيهم متى ما كنت فاضيه وفعلا ما جذبت خبر سويت

أكونت ، بس ما أعرف شلون أكون صداقات على الفيس بوك و شلون أضيف بنات على الأقل لهم نفس تفكيري أو ميولي أو ألاقي

على الأقل شي أسولف معاهم عنه,وأخاف أضيف بعشوائيه يطلع صبي أو شي من ها القبيل :nocommint:.........

فشلون أكون صداقات على الفيس بوك ؟؟؟؟؟ ما يخالف لأني ميح بها السوالف :eh_s(16):

وما عندي أحد يعلمني :eh_s(11):

شفت ايميل بنت عمي (عمرها 14 سنه) عندها حوالي 50 ايميل وأنا عمري 21 وما أعرف والله فشيله و ستحيت أسألها

شلون بصراحه, فقلت أسألكم وايد أحسن شتبي تقول عني :krkrkr:



ان شاء الله ألاقي حل قبل بدايه الكورس بالجامعه, خو رفيجاتي إلي هم رفيجاتي ما عندي وقت أشوفهم حتى:0bee2e8d89:

 

[سارونه العوبه]

رد : إلي عندها خبره بالفيس بوك حياها

شوفي اذا بتضيفين البنات تبحثين نكها اذا لقيتيه ادخلي صفحتها اول الصفحه مكتوب اضافة الى قائمة الصداقه وتضيفينها


واهي اذا تبيج بتقبل ماتبيج ماتقبل وتقبلي مروري

 

[جننها السعودي ]]

سسهلة ..
يبان البنات يا يكتبون اسمائهم الحقيقية او ألقاب بنوتية ..
والاولاد الآغلب يكتبون اسمائهم الحقيقية فأي اضافة منهم أرفضيها ~

طريقة الاضافة حسب انتي تبين تضيفين بنات تعرفينهم ؟؟
ولا !
اذا كنتي تبين بنات تعرفينهم روحي لمحرك البحث الموجود بالصفحة الرئيسية
اكتبي الاسم وسوي اضافة كصديق هذا اذا كنتي متأكدة انها صاحبة النك
او اذا تبين خبط لزق .. في ع القائمة اللي ع جنب تحت الصورة الشخصية حقتك
من ضمن الخيارات الاصدقاء ..
بتفتح صفحة من ضمنها " أشخاص قد تعرفهم "
ادخلي ع صفحة شخص شخص لان بعضهم صفحاتهم عامة وتشوفين معلومات عنهم
ممكن تعجبك ميوولهم وهيك ^ـ^

وبالتوفيق

 

[Angel_BElongER]

رد : إلي عندها خبره بالفيس بوك حياها

قلبوووووو

انا بأكاونتي ما كنت اضيف الا اللي اعرفهم

سواء دفعتي ولا اهلي وماشاء الله كانوا وايد

طبعي ما اضيف احد ما اعرفه >>> شلي بعوار القلب

بالنسبة لأنج تضيفين احد نفس ميولج في قروبات سوي سيرج عن اللاشياء اللي تحبينها
وشوفي اذا مسوين قروب او لأ و ضيفي من هناك >>>> صراحة ما انصح ناس مو مضمونة

ونهاية قصتي اني سكرت اكاونتي من شهرين و شريت وقتي وراحة بااااااااالي

لأنه صج صج يضيع الوقت بغبااااااااااااااء

 

[العذرااااااااء]

رد : إلي عندها خبره بالفيس بوك حياها

ماعجبني الموقع

 

[جروح خالده]

رد : إلي عندها خبره بالفيس بوك حياها

ضايفه 114 بنت وولد بس مادري اضيف واقري التعليقات واحط صوور بس مااحب اسولف بالفيس بوك حتي مرات يدخلون يسلمون اطنش خخ

 

[عاشقة المايسترو]

رد : إلي عندها خبره بالفيس بوك حياها

نفس ما علموج البنآت ..
وأنا صرآحه ما أضيف أحد ما أعرفه وإذا لاحظت أن نك صبي وما أعرفه ما أضيفه .. ~

يلااا إن شاء الله يعجبج الموقع

 

[الجــادل]

رد : إلي عندها خبره بالفيس بوك حياها

انا عندي اكاونت بالفيس بوك بس مو ظايفه الا اللي اعرفهم وتعرفت على جم وحده بس تكون رفيجه رفيجتي وبس

 

[Miss-Madry]

؛

كآن عندي اكآونت وضفت ناس وايد اول شي بنآت وعقبها تجر وتسحب شباب

اخر شي خفت على نفسي واني اروح لهذآك الطريج وصكيت اكاونتي بكبره وارتحت .~

ضيفي بنآت سوالف ميكب ومصممات ومعارض وهالاشياء

 

[وحشني شوف الكويت]

رد : إلي عندها خبره بالفيس بوك حياها

احسن شي اذا بتضيفين احد ضيفي البنات اللي يحطون اسمهم كامل يعني فلانه الفلاني

عشان تضمنين انها بنت ! مع انو الحين الحمدلله والشكر صارو يسجلون بأسامي وعائلات وهميه

زي وحدا حقيرا ماخذه صورة اختي الصغيرا وحاطتها عندها وكاتبه my cousin ;/

من متىىىىىىىى المعرفه عشان تاخذين صورة اختي وتحطينها وتقولين تصيرلك

وكاتبه اسمها فلانه الفلاني الموشكله ما تقربلنا بغينا نتجالد انا وياها :eh_s(14):

لا واللي يقهر انو كل اللي يعلقون ع الصوره اولاد عز الله قطعت رزقنا جعلها العيطي هههههه


بالنسبه لي انا عادي اقبل اضافات خو الدنيا تعارف

بس اول شي اتأكد انها بنت سواء ادخل ع البيج حقتها او اشيك على الفرندز لست بعد كذا اقبلهم p;

واذا ولد احلى شلوطي على أفاه

احس اني كثرت حكي معليش انا امسك خط اذا رديت

 

[ام ناصر 2009]

رد : إلي عندها خبره بالفيس بوك حياها

ما اعرفله كلش

 

[!! شوق !!]

صراحه انا لاحظت اغلب البنات ما يضيفون بنات ..

فاللي حصل اني مسجله بنك ولد .. وقائمتي صارت كلها بنااااااااااااات وبس ..
واللي اصادفها بالشات اقولها اني بنت وبس

لو حابه دزيلي خاص احطلج نكي .. واضيفج واسويلج اقراح صديق بكل البنات اللي عندي

 

[NADOOOSHA]

رد : إلي عندها خبره بالفيس بوك حياها

يعطوكم ألف عافيه على مروركم و على مساعدتكم

 

[نسمه بارده]

ابعد عن الشر وغنيله
انا ماافكر اطلاقا بالفيس بوك وكله مشاكل وفضايح
تقبلي مروري

 

[كسر.قلبي.زماني.]

رد : إلي عندها خبره بالفيس بوك حياها

البنات كفوو ووفوو