إلي قبلوا ولدها أو بنتها kg1 مدرسة التكامل صباح السالم أبي اسألج عن شي !

[أبلة ومحتاسة]

السلام عليكم خواتي
أول شي وقبل كل شي أبي أشكر إلي قرت الموضوع وتعنت وردت على سؤالي وريحتني من التفكير والتوتر الي آنا فيه ألحين وأقولها يزاج الله كل خير
آنا سجلت ولدي الوحيد kg1 بمدرسة التكامل بصباح السالم وحطوه على قائمة الإنتظار وقالولي بيدقون علي قبل القبول لأنه فيه اختبار مستوى
فآنا سؤالي إللي قبلوا ولدها أو بنتها السنة هذي kg1 مدرسة التكامل صباح السالم تقولي شنو كان الإختبار ؟ عن شنو سألوا ؟ وشنو أكثر شي كانوا مركزين عليه ؟
وشلون شفتي مستوى ولدج يعني حسيتيه ماجاوب عدل ومع هذا قبلوه ؟؟؟!!!
عفيه ياللي تقرين الموضوع وعندج الرد ومالج خلق تردين عطيني لو بس رؤوس أقلام بس لا تطلعين وماتردين
ومشكوريييييييييييييييييييييييين مقدما​

 

[الفرسان الثلاثة]

ماعندي فكرة بالموضوع بس في تجمع أولياء أمور مدرسة التكامل ما أدري إذا اتعرفينه أو لأ دخلي على هالرابط أكيد بتحصلين الجواب أو حاولي تسئلين الخوات ما يقصرون معاج وبالتوفيق اللع يسهل على ولدج يارب
هذا الرابط:
http://q8yat.net/showthread.php?t=461779&page=117

 

[أبلة ومحتاسة]

هلا حبيبتي (الفرسان الثلاثة) ياحياتي ما قصرتي
وشدعوة بنات 20 مشاهدة ولا وحدة عندها الرد !!!

 

[حلم الطفولة]

لاهين بالعيد وتحهيز المدارس
الله يوفقكم حبوبه

 

[غالية22]

يسألونه عن الاحرف والارقام والالوان ويخلونه يقص ورقه ويمشي على الخط بالمقص ويخلونه يرسم هابي فيس ويخلونه يركب تركيب يعني الامتحان يبيله واحد عنده خبره شوي ومايقبلون اي واحد لازم اييب درجه زينه بالامتحان

 

[بحور الذكريات]

رد : إلي قبلوا ولدها أو بنتها kg1 مدرسة التكامل صباح السالم أبي اسألج عن شي !

نفس ما قالت الاخت غاليه22
ارقام بالانجليزي والعربي الاحرف والالوان بالعربي ويعطونه ورقه وفيها خط ويمشي على الخط بالمقص
اشكال مخربطه ويركبها
ورته صوره وتقوله شنو هذا الاشكال ويقول
اسم الطفل بالكامل
توقفه وتقوله ارفع ايدك مع رجلك
بعدين تقول نط شوي
بعدين تساله وين عينك وين بطنك مثل جذي
بعدين سالت كم اخت عندك وكم اخو خو ولدي هني قال اخوي فلان وفلان حشا جايبه فريج
عاد قلت لا هذيل عيال خواله ماعنده الا اخت
والله انا تعبت من كثر ما سالوه بس الحمدالله ان نجح

 

[الثقيلة]

نفس ما قالوا الاخوات غاليه 22 وبحور الذكريات
بس لاتحاتين ان شاء الله ينجح واذا قالتلج ضيعف او ما نجح قوليلهم ان هذا ولدج الوحيد وانج ناطرتهم يعني شدي شوي معاهم بس باللين والكلام الزين وانج راح تابعينه وتدخلينه دورات تقويه عندهم وان شاء الله يدخلونه
والله يوفقه

 

[أبلة ومحتاسة]

فديتكم والله
ماقصرتوا والله طمنتوني مشكورين
و إن شاءالله يارب يقبلونه