إنارة الشوارع بـ «الصوديوم البرتقالي» بدل «الأبيض» عدو البيئة

[coffee]

أهلين بنات ديرتي

حبيت انقل لكم خبر (الوطن) علشان لا تستغربون من الاضاءة اليديدة.. وعلشان اهني الكويت على الخطوات الجميله بمنظور بيئي.. وعاشت لنا الكويت

تبدأ وزارة الكهرباء والماء تحويل انارة الشوارع من اللون الابيض إلى «الصوديوم البرتقالي» لان الاول يحمل مواد زئبقية تؤثر على البيئة، والثاني لا يؤثر عليها وهو أكثر اضاءة.
وتبدأ الانارة الجديدة اليوم في شارع البلاجات، بعدما انتهى من التحول إليها في الطرق السريعة.
وفي داخل المناطق السكنية، ستبدأ انارة الصوديوم البرتقالي في المناطق التي مضى على انشائها اكثر من 15 عاما.. وبعد الانتهاء منها، تبدأ العملية في المناطق الجديدة.. اما التي ستنشأ أو قيد الانشاء فانها ستعمل بالانارة الجديدة.

 

[Om_RayooMa]

منها للأعلى انشالله الكوت تتقدم
يعطيج الف عافيه

 

[coffee]

om rayooma اللهم آمين وحياج الله حبيبتي

 

[جاي الضحى]

شلونج Coffee؟ خوش شي! بس هل راح يكنون أقل صرف للطاقه؟ مشكورررره على مجهودج وأخبارج الطازجه :tek:​

 

[coffee]

هلا حبيبتي جاي حبيبتي انا بخير عساج بخير

سؤال حلو نفس صاحبته ..على كهربتنا؟ ما ينفع الا السري هههه .. والله مادري علمي علمج حاولت اسوي بحث عنهم اللي عرفته ان تكلفتهم اقل.. وان بنهاية عمرهم الافتراضي يستهلكون طاقه اكبر

وان المدينه بتشع باللون البرتقــــــــــــــــــــــالي.. كل شي بتشوفونه اورنج

ونورتي الموضوع

 

[^وجد قلبي^]

عاد ما حب البرتقالي لوووول

مشكوووره

 

[coffee]

Legal هههههه الله يعينج عيل طلعاتج بتكون كلها نهار والا يبيلج نظاره شمسيه ليلا
حياج الله حبيبتي

 

[حناينq8]

يعني عاجبتهم وايد الشمس بالنهار عشان يحطون اضائه برتقاليه
خاف هالاضائه تصدع الراس ........:flower: <<<<<<مزهبة الدوا قبل الفلعه




مشكووووووره حبيبتي كووفي

 

[*مارلين_مونرو*]

مشكووره حبيبتي .. احنا عندنا هالليتات بفريجنا من جم شهر حاطينهم ..

عاد امس بالليل اقول حق امي يا حلات هالليتات منوره الفريج حتى الحرامي يخاف يسوي شوي .. منوره الفريج حيـــــــــــل والله شحلوووهم .. يزاهم الله خير

 

[girl_in_abottle]

اهم شي انها تحافظ على البيئة

بس عن نفسي , انا افضل البيضة لانه لونها طبيعي, اما البرتقالية تخلي كل شي جدامي لونة مو طبيعي

بس مدامها للبيئة, فهذا شي زين

مشكورة على النقل

 

[الله يرحمك بابا جابر]

الله يفطن قلوبهم لول


تانكس حبيبتي

 

[CANDLES]

اضاءة اللون البرتقالي اتصدع راسي

الله يعيني

 

[$نسيم الصباح$]

مرسي علي المعلومه أول مره أعرف هاشي

 

[NoWay2know]

انا تعجبني هالاضاءة ، وتكلفة البرتقالي أغلى من الابيض

 

[coffee]

حناين ههههه والله يا خوفي بيزيد عمى الالوان بالليل .. حياج الله يا عسل

نوااره حياج الله حبيبتي وناسه شوقتيني اشوووف فرييجكم .. بس اتصدقين في ناس ما يحبون النور الزايد خاصه اللي يحبون الظلام

girl in abottle حياج الله عسوله على قولتج زينه حق البيئة بس ما يندرى شنو تاثيرها على النظر

الله يرحمك يا بابا جابر ههه ما فهمت الدعوه .. حياج الله حبيبتي

احلى حلاوة سلامة راسج .. الله يعينج

نسيم الصباح حياج الله حبيبتي

NoWay2know من اللي قريته ان تكلفة هاللمبات اقل بس ما يندرى.. وفي نوعين وحده بضغط عالي والثانيه ضغط منخفض.. وحياج الله

 

[coffee]

وهذي صور حق هالنوع من الاضاءه.. والله حلوه جنها حلم بس الواحد يضيع هل الجو اغبار والا اضاءه هههه الله خير غبارنا نفس اللون

 

[مطيريه ماركه]

شي طيب ، يعطيج العافية

 

[coffee]

مطيرية ماركة الله يعافيج حبيبتي

 

[MISS DaL3]

مشكوره ع الخبر

 

[Om-FahooDy]

والله شي يونس
انشالله منها للاعلى