إنتي ماعندج أسلوب على فكرة !

[SugarBride]

​

السلام عليكم ورحمة الله وبركاته
شلونكم شخباركم شمسوين :eh_s(10):

انا ولله الحمد مو كاتبة الموضوع عشان مشكلتي ... مشكلتي على الله وانا صابرة
لي ماتنحل ...

بس في حجوة كل مرة بكتبها وأتراجع :eh_s(7):

لج انتي اللي قاعدة تردين عالمواضيع اللي هني :eh_s(10):

ااييييه انتي ... اللي لما وحدة تحط مشكلتها

1. تستهزئين فيها

2. تحقرينها

3. تتمسخرين

4. تجرحينها بكلامج

5. تقذفينها

6. تهينينها

والله العظيم انا مو موضوع واااااااحد جفته جذي واااااايد بنات يردون بهالردود

مثلاً ادش موضوع وحدة حاطة مشكلتها الرد الأول يدعي لها و يعطيها كلام طيب

والثاني همن جذي والثالث والرابع ... لكن من تييي هالعضوة الفلانية وتكتب رد

تتحسب و تقول وتقول وتجرح ايون وراها جم رد بنفس الطريقة

وهذا اللي مستغربة منه هذاااا الكلام مو على احد معين

بس بشكل عاااام انا اجوف جذي !!!

شنو انتو ؟؟؟؟؟ ماتعرفون تقولون كلام خير سكتو لا تردون

يعني والله العظيم في بنات يردون هني جنهم يهـــاااااااااااااااال


اوكي وحدة حطت مشكلتها مع ريلها مثلاً وتصرفت معاه تصرف غلط

انتي كعضوة عاجل خايفة ربج تدعين لها وتقولين لها بكل احترام ترآ غلط لي سويتيه
هذا يكبر المشكلة ....وجذي حجي !!


يااااا بنااات اذا بتردون على مشكلة ردو بأدب واحترام وخلو عنكم ( قلة الادب ) اوكيه
ولا تجرحون في بنات الاواااااادمم



غيرا وغيرا وااايد ف يابنات :eh_s(14)::eh_s(14)::eh_s(14): كل اللي بترد رد تحترم نفسها
مو كل موضوع ينقلب هووووشة اللي تعرف ترد ترد واللي كلامها سسسسم خل تخليه حق
نفسهاااا ابرك لهااااااااا :eh_s(7)::eh_s(7)::eh_s(7)::eh_s(7)::eh_s(7):

 

[شــــــــــــــوقــــه]

اي شكثرهم يلعبون دور المحقق كونان و اذكيه و يفسرون و يحللون بكيفهم و يهجمون عالبنت

كونهم اناث المفروض اسلوبهم يكون ذرب

 

[i'm so happy]

أنا اشهد صدقتي اختي

 

[om 3zozi]

اي والله

هجووم يفشل ويجرح

 

[SugarBride]

تسلمون على مروركم

:eh_s(7):

 

[قصْر شآمخ~]

إي صح أحياناً مواضيع تصرف البنت يكون فيها غلط ومو معقول
بس لأن الأولى وقفت معاها الباجي كلهم معاها

ههههههههههه الردود الأولى تأثر فأحسن شي الوحدة تكتب اللي عندها بدون لا تقرى الردود p=

وفعلاً فيه بنات الله يهديهم أسلوبهم مو شي .. ومهما كانت نيتها أحياناً وحدة من الحرة تقعد تثقل بالكلام
بس الناس ما تدري شنو قصدج ونيتج والأسلوب حتى لو كان لمصلحة صاحبة المشكلة مستحيل تتقبله إذا كان فيه وقاحة وإهانة

والله يصلحنا ويجعلنا مفاتيح للخير مغاليق للشر

 

[عـيّــآره]

انا اعترف اني ساعات اجرح هذا اسلوبي حتى مع رفيجاتي واهلي ​

عيبي اني اعيش السالفه وانفعل احط نفسي طرف بالمشكله او القصه


سامحوني اذا ضايقت احد بدون قصد :eh_s(17):​

​

 

[نور المدينة.]

اي صح كلامكم بس ساعات اللي كاتبه الموضوع ما تتقبل النقد أو تكون غلطانه لازم يوقفون معاها البنات أو لا ما يعجبها الكلام تبي الناس تحسسها أنها هي المسكينه
والردود مرات تنفهم غلط


وأتمنى البنات يتقيدون بالرد من دون تجريح وكل وحدة تقول رأيها بس بحدود الأدب وبنصيحة حلوه تنقبل بصدر وسيع

 

[Patcholli]

انا ارد رد جارح الصراحه لما اشوف وحده وقحه وقوية عين وتجاهر بالمعصيه ولا هامها ربها بس تبي حل لمشكلتها اهني ماقدر ارد عليها رد كيوت ارد بكل صراحه لان اهي نزلت موضوع لازم تتحمل ردود الافعال ومشاركات البنات ..
انا الحمدلله ما اسب ولا اتشمت باحد بس ساعات تكون ردودي صريحه حيل وماحب اجامل اذا شفت الي جدامي ماتستحي شحقه استحي منها ؟

 

[SugarBride]

:eh_s(7):
أنا والله ما كتبت هالموضوع إلا عشان مايصير لبس او زعل او هواش

وادري أن حتى اللي ترد بششدة مو قصدهــآ شي

بس بنات في فرق بين ( شدة ) و ( حدة ) و بين تجريييح وإهانة :eh_s(7):

حتى لو وحدة غلطت ويات كتبت غلطتها وهيه ندمانة انتو مو ربها تحاسبووونها
اهي ماكتبت إلا لانها ندمانة وتبي حل للمشكلة ف اعتبروها مثل اختكم عشان
تتقبل النصح و الله يهدي الجميع:eh_s(7)::eh_s(7):

ديننا الإسلام دين تسامح واذا وحدة غلطت الله يحاسبها احسن شي نسويه
ندعي بالهداية و نحاوس نساعد وبس :ch12:

اما إنتي كيت و كيت وكيت ماينفع

تسلمون حبايبي :ch12::eh_s(7):

 

[Pinky -cat]

اي والله صح كلامج وفي بعض بنات تكلف على عمرها وداشة وحالتها حالة اخر شي تكتب ( والله فلم قوي ) ( والله اكشن)

ردود تخليج تقولين نعم خير شتبي عندج كلمة زينة ونصيحة قولي ما عندج مو الا هالمشاركة الخطيرة منج اللي مارح تسوي

شي غير انها تزيد رصيد مشاركاتج وبالاضافة انها تحر صاحبة الموضوع وتشيش الباقي انهم يردون بنفس طريقتج


الله يهدي ومشكورة انج لفتي الانتباه

 

[شموخ نايف]

SugarBride موضوعك جدا مهم ماشاء الله سبقتيني وكتبتي هالموضوع كنت ناويه اكتبه هههههه
فعلا فيه فرق بين الششده والحده والاهانه والتجريح ومثل ماقالت الاخت اللي قبلي بعضهم همهم بس يزيدون رصيد المشاركات عندهم ويحروون صاحبه الموضوع لان البعض منهم يدخلون وهم ماعندهم حلول ولا حتى كلمه طيبه او دعووه حلوه صادقه لصاحبه المشكله اللي ممكن الدعووه الصادقه تكفيها حتى لو ماكان عندهم حلول الا ان البعض يفضل السخريه والقذف على الكلمه الطييبه واخر شي من هالردود والاساءه والقذف يتقفل موضوع صاحبه المشكله !!!!!!!!!!!!!!!!

الله يهدي ويصلح الجمييع ومشششكوره ع الموضوع

 

[سعادة قلبي وياه]

صح كلامج حبيبتي مدري ليه كذا

 

[popa]

الناس شخصيات واساليب محد يقدر يتحكم بهالشي على كيفه
لان شي جدا صعب
وفي بنات احس يستاهلون الردود القاسيه
الي تكلم متزوج وتحبه والي كل شويه حاطه دوبها دوب حمواتها وشريرا وقاسيه وماتبي زوجها يعزمهم او يطلعهم
اشهالمصخره انا عن نفسي لازم ابينلها موقفي منها عشان تحس طبعا بحدود الادب لاني متربيه لكن ختعرف الشي الي بنوصلها ياه
لكن انجامل ونقول عادي لا مايصير

 

[Zinab BH]

في بعض المواضيع تحتاج الى رد جارح لان صاحبتها قليلة ادب
و بعض المواضيع تكون قوية بس الرد فيها يكون شديد و حازم لان التطبطب و التمسح مابيفيد صاحبة المشكلة
ردود الافعال بتختلف باختلاف العضوات مو كلنا نفس الاسلوب طبعا ولا كلنا نفس التفكير
بس يكون في احترام و تقدير و عدم الشتم و القذف

 

[سيلينا]

قد يكون جزء من موضوعج صح

بس مراات المواضيع ما تتحمل تحقرين وماتردين بالعاده احاول ما ارد بس في سوالف تنرفز

وقد يكون اسلوب التجريح مرات تنبيه للي كاتبه الموضوع على جزئيات معينه ( ماني مع هالاسلوب ) بس كثرة الردود سواء من الدعاء لصاحبه الموضوع او معارضه لها او تنبيه صاحبه المشكله او التجريح اساليب مختلفه ممكن تواجيهنا بشكل يومي وفي بيتج
المفروض الي تطرح مشكلتها تتقبل اي رد يوصلها لان الناس بعد شخصيات مختلفه ولهم تفكير مختلف

ومن الممكن يكون التجريح يفتح عيونها على جزئيات غافله عنها

بالاخير الرد يمثل شخصيه كاتبه والشخصيات مختلفه وانا معاج ان في فرق بين الحده والتجريح والمفروض الوحده تعرف ان ردها يمثل تربيتها

 

[جوك احلى جو]

هذيل ناس هيلق تعالي شوفيهم بالانستقرام لاتعرفج ولا تعرفينها جنه بينج وبينها ثار تدش تسب وتغلط او تفسر النكته او الصوره تفسير سيئ من منطلق ترابيتها وتغلط ياخي انتي قذره مو لازم الكل يكون نفسج فعلا شي كاثر بشكل لافت يبيلهم اعاده تربيه وياخذون دوره بفن الحوار لان الوضع سيئ

 

[مذهلة2013]

في ناس ماعندها دم

 

[حروف من ذهب*]

صاجه أختي وجزاج الله خير ع التنبيه

 

[smo0o]

الأهم لازم كل وحده تحط في بالها أنها محاسبه على كل كلمه تكتبها أمام ربها

فليقل خيراً أو ليصمت