إنتِ الملاك اللي على الأرض يختال ،، الملتقى العاشر ،،

[شمووعه]

قووووووووووووووووووووووووووووووووووووووووووووووووووووووووووووووووه
شلووووووووووووووووووووووووووووووووووونكمممممممممممم بناااااااااااااااااااااااااااااااااااااات
اشتـــــــــــــــقــــــــــــــــــــــــــــــــت لــــــــــــكـــــــــــــــــــــــــــــــــم حيــــــــــــــــــــــــــــــــــــــــــــــــــــل
اشكرا لموووووووو حبيبتي اهي الي سألت عني امواااااااااااااااااااااه عليـــــــــــــج



بالنسبه للي سأل عن المشعلات اهي العطورات المخففه تنحط على الفرش والغرف واحلى شي من الفايز والدليل

 

[عبث طفله]

قووه صبايااااااااااااا


مشتاقتلكم مووووووووت


بس الامتحانات مانعتني (فيس معصب )

نواري الف مبروك ياقلبي .. وشخبار العرس ؟

ان شاء الله امورج تمام .. ثاني يوم الصبح شلبستي عنده ؟ بدله ولا دراعه ولا فستان ؟ والظهاري شتلبسين؟ بنت خالتي قالت الظهر تلبسين قميص نوم ناعم !!!! شرايكم اللي تعرف تعلمنا ؟؟

تقريري

رحت الفودري قبل امس وشريت منه عود مبخر مسوي خصومات وشريت منه بخاخ وجن عجبتني ريحته بارده وشريت منه مرشات للفررش اربع انواع .. ورحت كليرز ولقطت لي شباصات ومشابك وتراجي ..

 

[عبث طفله]

ايييييه ورحت يوم الخميس لعرض ام محمد اللي بالرابيه


شدعوا بنات يحسبون ما عندنا عقول خام ردي مو ذاك الزود قالت 150؟ لو الخام يسوا والله ادفعه وانا اضحك بس خام بوطقه واخرتها 150؟؟

ما اجذب عليكم لقيت بدل اعجبتني بس مثل ما قلت الخام مو شي ..

والاقطان اللي نشوفهم بالعربيد ب15 قالت ب40 ؟!!!!!!!!!!!

انا بشوف معرض الروضان ما تدرون متى ؟

 

[انا والدنيا]

السلام عليكم
بنات شخباركم شلونكم مشتاقتلكم تذكروني انا كان عرسي ( الاسود)* 27 \6
وبقولكم شنو صارلي بهالغيبه ولا ابي اصدمكم ولا ابي اخوفكم ولا اضيق خلقكم بس تدرون مالي غيركم اشكيله
انا كرهت الدنيا وكرهت الناس خلاص ما عاد عندي ثقه باحد كل الناس جذابين وغشاشين
والله يابنات صارلي شي جنه حلم مصيبه وراح اقصلكم شنو الي صار..........

اول شي تذكرون اني قلت لكم اني قلت لاهل الرجال يوم جوا يخطبوني ان يما ابي حفله ولا عرس ولا شي لان امي ما صارلها سنه متوفيه وبعدين قالوا بنسوي حفله صغيره بالبيت عندهم بالسرداب قلت خلاص طيب
وصار يوم العرس وياليته ما صار جيتهم البيت وكانت هذي اول صدمه لي : كان السرداب الي يحلفون انه واسع ويكفي كل المعازيم صار غرفه صغيره ما قدرت امشي فيها من كثر ما هي ضيجه والحريم فوق بعض وما فيه هواء حتى وحر موت جني قاعده بسونا ..

المهم قعدت ربع ساعه وما قدرت اكثر وصعدوني فوق ..
وكانت الصدمه الثانيه : الشقه الي دخلتها والي انا بعيش فيها لو تشوفونها ما تصدقون انا بالكويت احس اني بعالم ثاني شقه الاثاث من سنة جدة جدتي قديم وذوق زباله والوان تنرفز ..
والصدمه الثالثه كانت بالرجال نفسه رجال انا من اول ما قعدت معاه حسيت انه مو طبيعي فيه شي غلط بس ما ادري شنو ..
ولا احد جابلي عشاء ولا هو قال تبين عشاء ساكت ما يتكلم ..
ثاني يوم عادي ساكت ما يتكلم هادي هدوء ينرفز مو طبيعي مر اليوم .
ثالث يوم كنت اشوف الثلاجه شنو فيها يوم اني انصدمت من الي شفته
شفت حبوب اكثر من نوع وهو ياخذ من هالحبوب كل يوم انصدمت اصدق نفسي او لا سكرت الثلاجه وانا مصدومه من الي شفته والله اني رجعت افتح الثلاجه خمس مرات علشان اصدق الي شفته حسيت اني في حلم مو صج الي قاعد يصير معقوله ياربي شلون .دقيت على الصيدليه وسالته عن الحبوب واكدلي الي قريته
عاد تدرون شنو الحبوب حبوب اكتئاب وحبوب توتر واظطراب بالنوم .حبوب تشنجات وحركات لا اراديه . والمصيبه الكبرى حبوب شوزوفرينيا (انفصام بالشخصيه)
يعني كان شكي في محله الرجال مو طبيعي الرجال مريض نفسيا وانا انغشيت فيه
قعدت ر ابع يوم وانا على نار خايفه من هدوءه وخايفه يسويلي شي وخامس يوم اخذت اغراضي ورجعت لبيت ابوي .وبعدين جاء ابوه وتخيلوا شنو قالي قال اقعدي عنده شهر بس علشان الفضيحه والناس وكلامهم ولج الي تبين يقول انا كنت متوقع بتصبرين عليه قلتله انت غشيتني وربي فوقك وانا ما اقعد معاه ولا دقيقه
وقبل لا يروح قال سامحيني انا ظلمتج
المهم تطلقت منه ..
المصيبه الرابعه ان الي خطبتني لهرجال مني تتوقعون مني اعز صديقه لي والي ما عندي صديقه غيرها الي كانت تروح معاي السوق وانا اشتري اغراضي غشتني فيه لانه من جماعتها ونست صداق العمر ..ليش ما ادري ليش مادري
ليش غشوني ليش الغش ليش انا شذنبي يسون فيني جذيه ليش.. والله يابنات كنت احس اني على جبل عالي وفجاة نزلت لاخر الارض على راسي...كنت في حلم حلو صار كابوس على صدري ما تتخيلون الصدمه الي انا فيها ...والله انا مستغربه ليش الناس غشاشين بالهشكل ليش صديقتي سوت فيني جذيه ليش ياربي لا والمصيبه ما حاولت تبرر موقفها نهائيا انقطعت علاقتي فيها وانا والله احبها وما عندي صديقه غيرها الله يسامحها ويعيني على هالدنيا ........

 

[أمونه1984]

قوة بنات
اشتقتلكم
وامون باقي على عرسها اربع ايام الله يوفقها وتطلع احلا عروس يارب

يا حياتي انتي فديتج مشكوره عالدعوه الطيبه

 

[أمونه1984]

أنا والدنيا

يا حياتي لا تضيقين خلقج .. هذا أمر ومكتوب .. والله يبي جذي وكتبلج هالقسمه ... والحمد الله انج عرفتي من البدايه

ولا توهقتي معاه .. وصديقتج المفروض معاتبتها وماتسكتين واله على كل ظالم .. وباذن الله راح الله يعوضج خير ..

بس انا استغرب شلون ما سألتوا عنه ؟؟ المفروض كل مكان سائلين مو بس رفيجتج .

وترى لا يهمج كلام الناس اهم شي انتي عارفه نفسج واكيد اهم عارفين ان هالولد فيه شي .

 

[نوره حبيبة أبوها]

حي الله نوووووووووووووووووووووووووووووووره اسهلت وانورت واستهلت وامطرت ..





عاد تدرين ماكثرت اندر ويرات قلت اذا تزوجت راح اشوف اذا احتاج اروح اشتري بس شكلي راح اكثر قبل لا اجرب




والمشعلات للحين ماشريت ولا واحد ..





المهم بشرينا شلووون الزواج ودخلت العروووس تخوووف ولا بحزتها تضيع الصقله





وشلون وباي يوووم قعدتي مع حمولتج اول مره <<<<< اكثر شي احاتيه ..






اي تنصحينا نكثر دراريع ولا ..؟





ميخالف كثرت عليج اسأله بس عشان تتضحلي الرؤؤؤيا

لبا قلبج املك .... النور نورج والمطر يجي اذا اقبل وجهج الحسن يا قلبي :tek:

بالنسبه للدخله بالعكس ولا خوف ولا رعب .. حاولت اخوف نفسي بالدخله عشان ما يطنزون علي الناس سقولون جريئه..بس ما قدرت بس كنت مسويا نفسي خايفه لدرجة اني بوزة يعني امشي مافي تعابير وهالشي غلط هههههههههههه,, لازم اتسوين نفسج مستحيا مع ابتسامه خفييييييييييييييييييفه

يعني كله سهالات الخوف بس يجيج اشويا بالصالون اول ما تلبسين النفنوف ويروح بسرعه

والا بالصاله كله سهالات تحسين انج بحلم او قاعده تلعبين شي جذي

والدراريع كثري من دراريع البيت<<قالوها قبلي واجد

.. انا مع انه وضعي غير عنكم لاني عند بيت عمتي وماعندها بالبيت بنات ولا حموااات كله شباب

بس بديت البس دراريع البيت بعد 3 اسابيع

ونزلت بعد تحوالي بيوم صليت المغرب ونزلت

كله سهالات والله .... اوضاعنا تختلف ,, بس اهم شي اول الايم البسي اكبر طقم ذهب عندج .. ولازم لما تشترين ذهبج تشترين قلب ذهب ابيض لانه يمكن تجيج بدل شغلها فضي ما يصلح الذهب الاصفر معاها

بس لا اتكثرين بدل كشخه

انا فصلت بدلتين كشخه ودراعتين كشخه والباقي دراريع بيت عددهم 6 او 7 منهم من معارض ومن العربيد وخامات مشغوله وجواهز ... بس هم ما كفوني وفصليلج بدله كشخه وخشيها لا تلبسينها بعرسج لانه بتجيج مناسبات مفاجأه ولادة حماتج مثلا او عشا لاحد مريض او جاي من سفر تلبسينها .. طبعا هالمناسبات تجيج بعد عرسج بشهر او اكثر

انا بروح افصلي بدله كشخا لانه عندها عشا تمايم ولد حماتهم بعد اسبوعين

بالعكس ما كثرتي اسئله واي شي ثاني انا حاضره

 

[نوره حبيبة أبوها]

الي تسال شنو مشعلات

اهي المرشات .. معطرات الفرش والقنفات والبيت اترشينه بالبيت كله مع البخور تعطي ريحه حلوه

انا جربت واجد بعضهم يثبت وبعضهم لا

يعني نوعو من كذا محل مو من محل واحد اضمن لكم

 

[نوره حبيبة أبوها]

انا والدنيا اي انا اتذكرج

يا بنت الحلال هونيها وتهون والله بيعوضج ان شاءالله باللي احسن منه

والله ربج ما ينسى احد وبيجيبلج حقج

المهم انتي حاولي هالفتره تتقربين من ربنا اكثر وتدعين انه يصبرج على مصيبتج ويعوضج باحسن منها

وصديقتج هذي مو صديقه الا عدوه والله يحاسبها

وانتي انسي الي طاف وخليج باليوم وحاولي تكونين اقوى من جذي وتفكرين بنفسيتج وصحتج

والله يرحم امج ويغفرلها ويغمد روحها الجنه

ويرزقج بابن الحلال اللي يعوضج عن جروحج الي طافت وعن حنان الام

وطعيني اصبري وبيرزقج ربج ويعوضج والله ربج ما ينسى عبده

ورجلج هذا مرضه ماله علاج زين انج قررتي تطلقين منه........والله يشفيه ويسامحه ويسامح اهله

 

[سحابه صيف]

املك

هلا حبيبتي سوري سامحيني امس فصل المنتدى علي

اللوشنات انصحج مع كل عطر فرنسي اخذي الكريم او اللوشن ماله




عبووثه

صاجه عن الدراريع طاارت الاسعار الحين اذا لقيتي شي ب120

استانسناا يعين الله بس والله لايخسر:cxxxp:





نواريىى


منوره ياقلبي بس بسالج

صباحيت عرسج شنو لبستي
:eh_s(1):




حدوثه


صاجه الكياااس عجييييييييبه فديتج
:ggdw:





شموعه

منوره ياقلبي وانتي اللي لج وحششه وفاقدين طلتج:tek:



لمه


شاعره العرايس هاه :eh_s(14):

ههههههههههههههههههههههههههههه







انا والدنياا


منوره ياقلبي انتي ولاتضاايقين نفسج هذا نصيب

قولي بس (اللهم اجرني في مصيبتي وارزقني خيرا منها )

الحمدالله على اللي صار وانج عرفتي وانتبهتي للحبوب

هذا لانج على نيتج الله نبهج ..

هذا اختبار من ربج احمدي ربج ولاتضعفين بالعكس

خليج قويه وكل اهلج وخواتج وابوج حوالييج وبالنسبه لرفيجتج

لاتعاتبينهاا الله بيعوضج احسن منها ولاتكلمينهاا لانه مو رفيجه

وهذي الدنياا ياقلبي يااما بتشوفين منها واحنا كلنا خواتج

ومعاج واذا تبين اي شي عندج الخااص ياقلبي لايردج

الا كيبوردج تحياتي لج:tek:

 

[نوره حبيبة أبوها]

بلقيس سالتيني عن خلطت الخميره

عباره عن قفشتين روب مع 4 او 5 حبوب خميره ادقينهم بالهاون ( مال الثوم( النجر) ) وقفشت نشا وقفشت هردا

وتحطينه على خدودج وزنودج .. مره او مرتين باليوم

اذا زنودج ما تحتاج خليه الروب بس قفشه والخميره والهرده على نص قفشه والخميره حبتين او 3

 

[نوره حبيبة أبوها]

يا حياتي سحوبه

صباحية عرسي كان تحوالي بالليل لبست نفنوف وكان التحوال بالبيت وحاطين ديجيه

وثالث يوم عرسي(يعني بعد التحوال بيوم ) امي وخالتي وبنات خالتي جوني فوق كنت لابسه بدله كشخه (يعني دراعه موديل بدله) واكبر سبحه عندي غير سبحة التحوال

انا بتحوالي ما لبست بقمه لاني ما شريت بقمه .. فكرت فيها قلت ماراح البسها الا بتحوالي وبطيح بجبدي اشتري سبحه احسن واربطها واستفيد منها بعدين بالعزايم الكبيره

..المهم لبست سبحه وربطتها من ورا ونزلت معاهم تحت وعطوني قهوه واخذتها بس ما شربتها ( ديري بالج اتردين الي اتقهويج وديري بالج تشربين ) يعني اعلمكم السنع هههههههههههههه

<<<بتعقدكم


وبس ..


والي بعده دراعه كشخه وهكذا

 

[& لمة وداااع &]

يـــــســـعد لــي مساااااء عرووستنااااا نووويــره ..




اممم عرفت شنو المشعلات بس بفهم لييييييه مااشرب القهوة ..؟؟

يعني شنو تكون ردة فعلي..!!




وانا الدنياا البناات كفووا ووفووااا والله يصبرج ياحيااتي ومثل مااقالت سحووبه احناا خوااتج وتامرينن على ارقاابناا ...



وعسى ربي يرزقج باحسن منه وبواحد يثمنج ويقدرج..

 

[سحابه صيف]

انزين الصبح نواري شلبستي وانتي عنده :0bee2e8d89:

 

[نوره حبيبة أبوها]

صج نسيييييييييييت

مادري منو اسألتني شنو لبست ثاني يوم

طبعا اول ليله لبست القميص الابيض مع روبه <<قايله شي جديد

وعالفجر طبعا مافي نوم تسبحت وكتيت نص علبت البلسم على شعري وقعدت بالحمام افجج التسريحه وعملت حسبابي لما دخلت الحمام خذيت علبه صغيره مثل المقلمه فيها مكياج ( كحل قلم ضد الماي من لانكوم, ماسكارة لوريال ضد الماي, بلشر من نيفيا نااعم لونه مشمشي , قلوس من فيكتوريا سيكرة على شكل بوسه لونه وردي هادي , فرشة البلشر طبعا, كلينكس ازالة المكياج من نيفيا دخلته بالمقلمه غصب )

بعد ما تسبحت حطيت المكياج الهادي بس للاسف طلعت لقيته يشخر وكانت الساعه 6 الصبح .. يعني قعدت بالحمام ساعه ونص ..ولبست دراعه جوبنيز ستان نااااعمه << لا تمدحين الدراعه من ابو دينار ونص ههههههههههههههههه

بس بنات مع انه علي الدوره تكرمون بس لازم اتسبح وراي صالون

وجتني امي عالساعه 8 الصبح كنت مجهزه عباتي وطلعت معاها ورحت البيت ونمت للساعه 2 وقعدت اكلت كنت ميته جوع ورحت الصالون وصلته عالساعه 3 وشوي <<متاخره ترى

وبسرعه بسرعه حطيت مكياجي وسويت شعري ورجعت البيت عالساعه 6 وشوي

ولبست نفنوفي وذهبي وتبخرت وتعطرت وحطيت دهن عود ((لا تحطون خمريه الا بالشقه بالليل اول ما يجي المعرس فووق لانه اذا طولت بالشعر المستشور مو حلوه ريحتها))

المهم وجو خالاتي وبنات خالتي ووجيرانا ومدري منو يعني دزه

وجت مصورتي حاجزه فلم ثاني يوم ببيت اهلي لانه كشخه ؛)

وصورتني وخليت امي ادق عالمعرس يجي ياخذني ولما جا نزله اخوي ودخله داخل وصور معاي كم صوره وبعدها راحت المصوره ولبست عباتي وطلعت معاه بالدزه ووراني السيارات وانا وياه بروحنا هدووووء ووصلنا عالساعه 8 لبيتهم وقطيت عباتي وملفعي بحوشهم وعدلت بنت خالتي التسريحه بعد عفيسة اللفه والغطا

ودلخت الصاله وقعدت ورقصووو صفين وديجي وعالساعه 9 صعدت فوق وخلص التحوال وقعدت بنفنوفي وراحو الناس ورحت تعطرت زياده وحطيت قلوس وخمريه ورتبت نفسي وجا المعرس وشاف نفنوفي وقعدت معاه اشوي وتعشينا وبعدين دخلت الغرفه قفلت على نفسي وبدلت لبست قميص مع روبه وخلاص عاد لا تندمجون

وبس

 

[نوره حبيبة أبوها]

لمه لا تشربينها يعني مستحيا وبيني وبينج عشان ما تخرب الحمره وعشان ما اطبع عالفنجال <<<عازميه تقول فنجال

وبعدين عروس اشحقا تشربين وتاكلين عندهم استحي اشوي ههههههههههههه

يعني اخذي القهوه وامسكيها اشوي بعدين حطيها عالطاوله او الصينيه او اقرب شي عندج وخلاص واذا قدمولج شي هزي راسج يعني ما ابي

 

[أمونه1984]

اي نبي نعرف الصبح شنو لبستي

 

[نوره حبيبة أبوها]

حسب ظروفكم بنات ,,, انا كان عندي تحوال ولبست دراعه ستان بارده تحت العبايه لانه حسبالي بطلع مع امي سيده للصالون ..بس قالت نامي والظهر روحي

بس الي ما عندها تحوال .. تلبس عالفجر بعد ما اتسبح عشان الصلاه تلبس بجامه حرير بيضه او اوف وايت

واذا اقعدت الصبح او الظهر تلبس تنوره ناعمه او نفنوف بس مايكون قصير ..مكسي احسن

وبعدين لا اتقيدون ترى الرجال ما ينتبه

والله قبل يومين ما صارلنا شهر متزوجين سالت زوجي من باب الرومانسيه .. حبيبي تتذكر شنو لون القميص الي لبسته بليلة عرسي

تتوقعون شنو قال ؟؟














ابيض ؟؟؟





والا ازرق ؟؟













والا وردي ؟؟







لااااااااااااااااا























قال احمر ؛(

<<<العن ام التشييير اللي عليه



هههههههههههههه

 

[نوره حبيبة أبوها]

بنات ترى اغلب رجاجيلنا ما ينتبهوووون والله العظيم

يعني لا اتقيدون هالشي ينج وبين زوجج الموجود يوفي ان كان بجامه حلوه او دراعه مخصره او نفنوف ستايل ايطالي او تنوره نعومه ..كل شي يوفي الغرض ويمكن يكون نايم للعصر عادي

وترى ما في وقت بتقعدين الظهر وبتمكيجين وتنزلين بعد المغرب

 

[& لمة وداااع &]

هههههههههه








لالالا
نووره كملي كملي متااابعيين لـج وبقووه..







ونـــعــم بـبنت عــطــاااا ..




كملي سواالفج الرماانسيه مع سـي سيد..








بـجد شووووقتييني ..لووووووووووووول..