إنجليزي تربيه 2010 واللي تخص انجليزي " ادخلوا بليييز

[الهنوف....]

مرحبــــآ ,,

انا تسجيلي باجر و تخصص انجليزي (متوسط - ثانوي)
وحبيت استفسر عن جم شغله منكم ..
انا بسجل انجليزي 141 و 142 و مقدمه في الادب
بس اللي اعرفه ان قلتوا كل ماده بكورس بس لماافتح السستم كلهم مبطلات
يعني اقدر اسجلهم بكورس واحد ؟! شرااايكم

و شنو اسجل مع مواد الانجليزي انا حاطه ببالي مقدمة مناهج لانها الزاميه للتخصص و اصول تربيه .. صح علي ’)

وابي رايكم بهالدكاتره لانهم منزلين مقدمة الادب << وبصراحه متخوفه من هالماده !_!
إيمان القلاف , زهره احمد حسين علي , عبد السلام بهبهاني , ابتهال احمد , الهام عبدالرحمن البسام ..

و شرايكم ب د/ احمد حمزه عباس الكوت
و هارلود جيمس << بعد متخوفه منه لانه اجنبي و خفت اضيع زياده :krkrkr:

و مشكككورين مقدما . . .

 

[محتآرة]

زهره علي يمدحونها ..والهام البسام ماتسقطّ ..
وبالنسبه لهارولد يقولون حقاني ووشرحه زين

 

[الهنوف....]

محتآره ثااانكس على الرد

و بليييييييز اللي عندها جواب لباقي الاستفسارات لا تبخل

 

[الهنوف....]

17 مشاهده و رد واااااااحد
:'( :'(

 

[شوق الولايف]

حبيبتي ما يصير تسجلينهم بكورس
واااحد السستم ساعات يخرف
لانه كل وحده تفتح الثانيه
يعني كورس تاخذين انجليزي 1 واذا نجحتي يفتح لج الثاني


الهام عبدالرحمن البسام بنات التربيه ما تسقطهم بالمقدمه

والله يوفقج

 

[الهنوف....]

شوق الولايف مششكككككوره حياتي

زين يعني اسجل عادي اسجل مقدمة الادب هالكورس مع انجليزي141 و الكورس الثاني142 ,, بلييز اللي يعرف يقولي !!

 

[f-a-r-m-l]

حبيبتي لازم كل مادة تاخذينها بكورس مثل ما قالتلج شوق

لازم تخلصين 141 بعدها 142 وبعدهااا 170 مقدمة في الادب

واذا السستم مبطل لج سجليهم وشوفي ممكن غيرو نظامهم واذا لا راح يطلعلج غير مستوفيه الشروط عرفتي حبيبتي

وموفقة ان شاء الله

 

[زغزوا]

لا حبييتي انا نفسج ومن دفعتج سألت التوجيه والارشاد. لازن تاخذي اول شي ١٤١ وبعدها ١٤٢ واخذي معاها الانشاء بالانجليزي واللغه والمجتمع وبعدها اخذي مقدمه بالادب مع علم اللغه والصوتيات وماده ثانيه نسيت اسمها وبعدين تقدرين تتخصصين
وانصحج بأحمد الكوت انا ما ادري عنه بس سمعت البنات يمدحونه

 

[الهنوف....]

يؤؤؤ يعني هالسنه بعد كلها ماراح اتخصص اذا كل ماده بكورس
,, اللــــــه يعين ,,
زين شنو تشيرون علي اسجل مواد دام مااقدر اخذ 142 ومقدمه
انا حاطه ببالي انجليزي 141 و مقدمة مناهج و اصول تربيه . . عطوني مادتين سهلات ماعليكم امر

و مشكووورين وجزاكم الله خير للي ردوا

 

["سمسمه"]

سلام اختي .. انا بعد مثلج بتخصص انجليزي (متوسط_ثانوي) بس موفاهمه شي .. اللي اعرفه كل ماده بكورس . اخذت انا كورس اللي طاف141 وهالكورس ان شاء الله 142 باخذ والمواد اللي قلتي عنها انا مثلج باخذها وباجر تسجيلي

 

["سمسمه"]

اناا ماراح اتخصص بعدهالسنه السنه ال3 اتخصص ببجي انزين ممكن بن مالج بما ان مثلي اخذ وتاخذين مني يعني ونساعد بعض ؟ حددي متوهقه

 

[الهنوف....]

سمسمه مثل حالتي الله يعين بس خير ان شاءالله

حياتي والله ودي اعطيج البن بس مااقدر ادز خاص لان مشاركاتي قليله ,, شنو الحل :'(


وبنات بليييز شنو اسجل غير اللي قلتهم ..

 

[الهنوف....]

up
:'(

 

[الهنوف....]

آب

 

[ام حديجان]

هذي ضريبة تخصص الانقلش

الدعوة كلها مسبقات

بس يستاهل العنوة

اخذي كورس اول 141
كورس ثاني 142
الصيفي 170

وبنهاية الصيفي قدمي عالتخصص

عالكورس الاول تسجلين مواد تخصص

انا ما تخصصت الا بثالث سنة لان غرزت اب 170 ومحد طلعني منها الا الهام البسام ربي يرزقها الجنة


الحين بهالكورسين مسكي الميجرشيت مالكم و خلصي المواد العامة و مواد التربية اللي تبطل لج

عشان بس تتخصصين تتفرغين لمواد التخصص


لو اعرف شنو موادكم جان قلت لج بس للاسف غيرو كل شي

 

[ام حديجان]

^^^

لا تحاتون ترا كل اللي يتخصص انقلش جذي يتأخر بالبداية

بس بالاخير تمشون بسرعة

لان مواد التخصص ماعليها ضغط

 

[الهنوف....]

مشكووووره ام حديجان ماتقصرين والله ,, الله يوفقك دنيا و آخره

والحين فتحت خطة دفعة 2010 اللي وزعوها علينا السنه اللي طافت و المواد العامه ماخذتها قبل
و بورقة تخصصي موجود هالمواد ( الانشاء بالانجليزيه - مبادئ ترجمه - تدريبات مسرحيه - مقدمه في علم اللغه )
و موجود مهارات و جماليات و هذول خلصتهم
و تسجيل اليوم بسجل : مقدمة مناهج و اصول تربيه و انقلش 141 .. شنو ازيد على جدولي من المواد ال4 اللي فوق !
وتنصحوني اسجل 4 مواد بس لان متأخره متأخره ع التخصص و عشان اجيب قريدات حلوه
و بس << خليتي شيء عشان تقولين بس

ادري ازززعجتكم حيل بس تحملوني شوي

 

[ام حديجان]

بطلته معاج

شوفي

اخذي اصول و مقدمة مناهج و ثقافة اسلامية

وو

تربية اسرية
او
اعلام تربوي
او
تربية حياتية

>> شوفي احسن دكتور منزل و سجلي وحده منهم لان اختيارية

وو

تاريخ حضارة




مع 141 صارو لج 5 مواد



و عندج مفاهيم رياضية معاصرة / ادارة مدرسية / تاريخ كويت / سيكلوجية نمو

مبادئ ترجمة 180 على ايامنا تبطل قبل التخصص شوفيها > اخذيها عند حمد آل بن علي

واظن حاسوب 125 تبطل لكم بعد


هالمواد كلها تعتبر عامة وزعيها على كورسين
لين ما تتخصصين

 

[الهنوف....]

ثــــــــــــــــآنكس تسلمين و الله ماقصرتي