إنسي النساة،،،وإدعيلي

[فسفوري]

السلام عليكم ورحمة الله وبركاته...
النساة وما ادراك ما النساة،،
رحت امس لدكتوري وشرحتله حالتي مع النساة
وقلتله ان النساة قتلتني وموقادرة أتحمل والحبوب
العاديه بس نايمة منهم واذا قعدت ماكو فايدة
ترجع اللوعه

عموما قبل لا اقولكم السحر
أبيكم تدعون لي ان رب العالمين يثبت حملي

الحبوب اسمهم "ONDA" اوندا
سعرهم شوي غالي بس يستاهلون لانج راح تحسين نفسج
طبيعيه ...اي لا انسى تاخذين نص حبه بالليل ونص الصبح
وربي يهون ع الجميع:yaaaaaarb:*

 

[zargona99]

مشكورره حبيبتي بجم الحبووب؟


وشكثر صارلج جربتيهم؟

ما يأثرون عالجنين؟

 

[فسفوري]

يا هلا وغلا
يمكن ما تصدقين...والله امس جربتهم ومن اول نص حبه بين ولله الحمد حسيت نفسي طبيعيه

سعرهم ٢٨دينار

شي اكيد ما لهم تأثير ع البيبي اللي صرفهم لي استشاري مو دكتور عادي
والله يهون ع الكل*

 

[الأميرة جوري]

يزاج الله خير وينج من زمااااااان قبل حمالي بعيالي .....الله يسهل علي الكل يارب

 

[فسفوري]

افاااا عليج ياااااا الأميرة جوري الحمال الياي ان شاء الله......

 

[aldanaha]

استخدمتهم
شرتهم بــ28
خلوين بس نص يوم ويروح مفعولهم
بس يخففون
بس هم تعب

 

[aldanaha]

بس انا الحين اطق ابر اوندا بالعرف الابره مفعولها اطول

 

[فسفوري]

اهم ١٥ حبه يكفونج لي شهر.... نص حبة الصبح ونص حبه بالليل
بصراحه اناااا ولله الحمد ما احس بشي مع ان امس ميته من الوحام
ولله الحمد الدكتور ما قصر ارد وأقول سحر



الله يهون ع الجميييييع.....

 

[فله]

جزاج الله خير حبيبتي والله يسهل عليج ويرزقج اللي تبينه
بس ممكن تقولين لي شنو أعراض نساتج وشلون المعده وياج قبل وفي الحمل

 

[فسفوري]

هلا وغلا فله أنا ولله الحمد ما ارجع
بس نساتي كانت قويه كله لايعه جبدي واحس عزج الله ان الترجيع واصل بس مااا يطلع
والشي هذا ما يخليني أشتهي الاكل كلش

والحين بعد هالحبوب ورحمة ربي اولا
احس نفسي طبيعيه مع العلم أنا بالشهر الثاني يعني عز الوحام

 

[!الجادل الصعب!]

الله يتمم عليج ..
عدينآ هالمرحله الحمدلله والله يتمم علينآ يآرب

 

[توكلت على الله 22]

مشكووووووووووورة

الله يثبت حملج ياااااااااااااارب

 

[q8tyah]

امبي ويني عنها من زمان تصدقون اكثر شي احاتيه بالحمال الوحام لان وحامي اكشر ويسدحني بالفراش مااقدر اتحرك ليما اخر السادس وينزل وزني ١٥ كيلو بسبه اني اقطع الاكل خير شر ، وكل ماروح الدكتور يكتبلي حبوب استعملهم يومين واقطهم بالزباله تكرمون من الحره مايسوولي شي *

 

[فسفوري]

مشكورة سويتي ما قصرتي

جربيهم يا q8tyha وراح تدعين لي

ربي يهون ع الجميع

 

[● عـِـِـِزۈة آخ‘ـَـۈاْنـهـآ «-~]

الله يجزززززاج خييييير

 

[حياتي زوجي&ولدي]

تو دكتورتي تكتب لي ياها وان شالله احسن. تخفف والله بس انا نساتي جايده وتغث
بس مريحتني ولو انها ماطول حيل مفعولها



ومشكووووره ياقلبي ماقصرتي

 

[حياتي زوجي&ولدي]

تو دكتورتي تكتب لي ياها وان شالله احسن. تخفف والله بس انا نساتي جايده وتغث
بس مريحتني ولو انها ماطول حيل مفعولها



ومشكووووره ياقلبي ماقصرتي

 

[engnera]

انا ما نفعوا معاي

 

[miss_whitemocha]

وصفتلي إياهم دكتورتي بمستشفى السلام..بس للأسف مافادوا معاي..للحين تيني لوعة وجبدي فجأة يقلب..
الله المستعان..​

 

[وجعانه]

انا استخدمت هالحبوب وصج كانت مخففه علي بس دكتورتي قالت لي اخذيها 10 ايام بس
بعدها تركتها وردت حالتي مثل ما كانت لي حد ما ارتفع وكل شي خف من نفسه الحمدلله​