لـ توآصل
مدخل :
وشلون تبغون أخلي ، شمعة سنيني
وهي يعجز ، هبوب العذل يطفيها
إن كانها حالفه بـ أنها ، تخليني
والله وبالله وتالله ، ما أخليها !
مدخل :
وشلون تبغون أخلي ، شمعة سنيني
وهي يعجز ، هبوب العذل يطفيها
إن كانها حالفه بـ أنها ، تخليني
والله وبالله وتالله ، ما أخليها !
النص :
لا تطرّي الرحيل ، ولا تزيد الملام
ولا تقول الليالي ، بين هذي وذيك !
ليه هذا التمرّد فوق طرح النظام ؟
ليه هذا الجفا ، يا أبن أمك وأبيك ؟
كان ليلك سرى بك ، تحت جنح الظلام
أذكر إني بديتك ، والمحال أنتهيك !
وإني اصلاً بأعيش العمر كله هيّام
تحت عنوان صبري ( هايّم ومحتريك ) !
وأرجع بذاكرة الايام ، من قبل عام
وشوف من باع ناسه من أجل يشتريك !
كنت اجيك بـ عزيمه لو ردى الحظ قام !
أترك الحظ خلفي ، واسفهه لين أجيك !
كنت اجامل جروحي لين عينك تنام
وأتصبّر واقول : يجوز ربي يهديك
كنت تطعن واقول الطعن ،برد وسلام
هو به أحدن حصل له ، طعنة ٍ من يديك ؟
يعتريني من الاحلام ، خوف الزحام
وأنت من قلّة الاحلام ، وش يعتريك ؟
لو عطوني من الدنيّا ، حلال وحرام
ما أبي أي حاجه ! ( ما أبي إلا أبيك ) !
ماهقيت التمادي ، بالغلا والغرام
يجعل الشخص يشعر بأنه منك وفيك !
اعرَف إنه شعوري ، بحاجة الاحترام
مثل ما تحترم نفسك ، لدى والديك !
ماورى هالكلام اللي شرحته ، كلام
وكان بتروح ؟ روح ، الله يستر عليك
مخرج :
ترى يوم جيتك ، جيت ( شاعر بدون شعور )
وماجيت لك ، بأعشق ولا أشتاق ولا أغيـر
أنا يوم أعينك وأنت متضايق ومكسور
بغيت الأجر حالي كـ حال أي فاعل خير !
ترى يوم جيتك ، جيت ( شاعر بدون شعور )
وماجيت لك ، بأعشق ولا أشتاق ولا أغيـر
أنا يوم أعينك وأنت متضايق ومكسور
بغيت الأجر حالي كـ حال أي فاعل خير !
