إهمالي مع زوجي : (

[t0o0fa]

يسعد صباحكم كويتيات

شلونكم //

ابي منكم تساعدوني في مشكلتي : (

انا تزوجت قبل رمضان باسبوعين تقريبا .. و رمضان كنت اجازة بحكم اني مدرسة

اول رمضان ما كنت مقصره بشغلي وواجباتي مع زوجي ،،

من تنظيف و غسيل و كواي و طباخ

بنص رمضان تقريبا دريت اني حامل .. و ابتدا التعب .. طبعا طباخ ما قمت اطبخ

و شغل البيت احاول قد مااقدر اخلصه

بعد العيد ابتدت دوامات المدارس .. و صار ضغط علي طلبات التحضير و غيره

و صرت ما الحق على الغسيل و التنظيف .. و الطباخ امه يحليلها كل يوم تطبخلنا و تطرشه

ارجع الظهر تعبانه بس اتغدا و اصلي العصر وانام .. اقعد يا اسوي شغل المدرسة او اكون في بيت امي

و من تطق الساعه 10 انا نايمه .. وللاسف اكون تعبانه و مالي خلق ريلي : (

و خاصة مع الحمال صاير اقل وايد عن قبل و من التعب فالليل بس ابي انام

لاحظت انه ريلي قام يتشكا شوي بغشمره بالبدايه و نغزات

بعدين صار عصبي شوي .. و يلمح انه مشتاق لي و يبيني وانا مو قصدي اصده بس اكون تعبانه

اللي صار البارحه و ضايقني واايد .. طبعا انا نمت قبله

قعدت الصبح لقيت كفر المخده على صوب و المخده بصوب .. استغربت يعني ليش شايلها

سالته الصبح حسيته ما عرف يرد .. قمت قلتله بغشمره ها رقدت ويا المخده .؟؟

قال شتبين اسوي اذا انتي مو معطتني ويه .. : (

ضايقني هالشي وايد بنات حسيت اني مهمله لابعد الحدود ..

مقصره بشغل بيتي و ريلي هاملته

تكفون ساعدوني : (

​

 

[ام فواازي]

وشنو يعني حامل ترا توج باول حمالج الوحام للحين ماظنتي بدا معاج وغير جذي تنامين الظهر واغدا ماتطبخين بالله شنو عندج؟؟؟
واذا مدرسه انا عندي 3 اطفال و بيت كامل مو شقه وماعندي غير خدامه وحده واشتغل و ادرس بنفس الوقت بس ماني مهمله بزوجي بالعكس قايمه فيه
نظامي اقوم من 5 ونص اتسبح و تالي اقعد ولد عالست واريقه والبسه للدوام واطلع انا وياه عالسبع واطلع من دوامي 12 ونص عشان اطلع ولدي اقطه عالبيت وارجع دوامي عالــ 2 ارد البيت اتغدى واقعد انا وعيالي لين تجي الساعه 4 ونص واخذهم نروح الممشى نرجع ست الا ربع اسبحهم واعشيهم وينامون عالست ونص سبع حزتها اتسبح وادق على رجلي اذا يبي شي او لا ااذا يبي اتكشخ وانطره وتالي عالتسع ونص انام هذا بالايام اللي ماعندي جامعه انا جامعتي خاصه والعصر اداوم يوم السبت و الاربعاء يعني زوجي حاطتله وقت من سبع لين العشر وغير جذي انا داري ماتدخلها الخدامه يعني ترتيبها دايم علي وملابس مااحب الخدامه تغسلهم بالعكس صج ضغط بس تعودت عليه انتي للحين ماعندج بيبي ولا عندج طفل يداوم وغير جذي تنامين الظهر شلون تنعسين عالعشر؟؟؟
رتبي وقتج عدل وبتلقين وقت

 

[نداااوي]

الله يعينك والله

لازم بس ترجعي من الدوام تنامي وترتاحي شوي

وتشتغلي بشغلك وتعطيه حقه حتى إنتي بتحسي بفرق بحياتك وبترتاح نفسيتك وأعصابك

 

[مشتاقة الى الله]

فديتج حبيبتي ذكرتيني بايامي صج انها تعب بس والله كانت الايام حلوة وعن جد استمتعت بهذه الايام
صج انه ما عندي خدامة وارد البيت قريب المغرب وحالتي حالة بس الله وكيلج جنت اضغط على روحي عشان ما اقصر مع ريلي
شفت الحلو والمر في فترة الحمل وبذات الوحام
بس كله اضغط على نفسي فحاولي يا روحي انج تضغطين على نفسج ولا تهملينها صج ان اول حمل حيل صعبة بس الله وياج وان شاء الله راح يخفف عنج

الله يكون في عونج يارب

 

[برميت]

عيل لي ولدتي شتبين تسوين ؟؟
دوريلج وقت حق ريلج ..ان شاءالله تستقيلين من المدرسه
اهم شي ريلج ..لا يتغير عليج و انتي باول المشوار

 

[miss_7sawiya]

رتبي وقتج انا اداوم وارد السااعة 3 ونص البيت وريلي على 2 بس مرتبة وقتي وعند ولد بالاشهر يعني منظمة وقتي وحتى طلعاتي مع ريلي محددتهم ومنظمة والوقت بس انا الحمدالله شقتي برووحي ولدي مرة عند خالتي ومرة عند امي وبعض الاحياان ريلي يودية وانا واودية
بس نصيحة نظمي وقتج

 

[om Fouz]

انا مستغربه منك يعني الا تروحين عند امك كل يوم!!! هذا بروحه مشوار الطريق يتعب

قعدي في بيتك اذا بتحضرين عادي اكشخي وسوي قهوة وشاي وحطي معجنات وحلويات وراح يقعد ريلك واذا ما عندك تحضير اركدي بالبيت قعدي تسبحي البسي وقعدي

استغرب من بعض البنات طاااااااااااايرين بيت امهم
ما يصير جذيه
علي قولت وحده تقول البنات قبل الزواج بس بيتزوجون بيهجون من بيت اهلهم وبعد الزواج بيت اهلهم يحلى بعينهم!!!!

روحي عند اهلك بيةم زوارتك بس كافي

وبنص الاسبوع ازرقي بسرعه اذا كان طالع عنده شغل

انتي اصلا ما حاطه ريلك بالأولويه

بالذمه لما تروحين بيت اهلك هو يكون وينه؟؟؟ تكفين جاوبيني

 

[حبيبي مالكني]

وشنو يعني حامل ترا توج باول حمالج الوحام للحين ماظنتي بدا معاج وغير جذي تنامين الظهر واغدا ماتطبخين بالله شنو عندج؟؟؟
واذا مدرسه انا عندي 3 اطفال و بيت كامل مو شقه وماعندي غير خدامه وحده واشتغل و ادرس بنفس الوقت بس ماني مهمله بزوجي بالعكس قايمه فيه
نظامي اقوم من 5 ونص اتسبح و تالي اقعد ولد عالست واريقه والبسه للدوام واطلع انا وياه عالسبع واطلع من دوامي 12 ونص عشان اطلع ولدي اقطه عالبيت وارجع دوامي عالــ 2 ارد البيت اتغدى واقعد انا وعيالي لين تجي الساعه 4 ونص واخذهم نروح الممشى نرجع ست الا ربع اسبحهم واعشيهم وينامون عالست ونص سبع حزتها اتسبح وادق على رجلي اذا يبي شي او لا ااذا يبي اتكشخ وانطره وتالي عالتسع ونص انام هذا بالايام اللي ماعندي جامعه انا جامعتي خاصه والعصر اداوم يوم السبت و الاربعاء يعني زوجي حاطتله وقت من سبع لين العشر وغير جذي انا داري ماتدخلها الخدامه يعني ترتيبها دايم علي وملابس مااحب الخدامه تغسلهم بالعكس صج ضغط بس تعودت عليه انتي للحين ماعندج بيبي ولا عندج طفل يداوم وغير جذي تنامين الظهر شلون تنعسين عالعشر؟؟؟
رتبي وقتج عدل وبتلقين وقت

الله يعطيج العافيه
والله انج شاطره وتعرفين تنظمين وقتج

 

[فاقده ابوهاااا]

حبيبتي توج انتي بأول الطريج اذا هذي اولها الله يكون بعون ريلج ولا تزعلين من كلامي كلنا انحمل وعندنا دوامات وعيالنا بالمدارس يردون لازم انوكل وانسبح واندرس وانجابل البيت بس بالاخير لما اليهال ينامون شوي انجابل الريال بقعده بعشوه بطلعه المهم خلي شوي من وقتج لريلج استغني عن روحه بيت اهلج مو لازم كل يوم وليش تنامين 10 اشدعوه على الاقل 12 حسسيه انج مهتمه فيه واهو مع الوقت اذا شافج قاعده تضحين وتضغطين على نفسج اهو راح يحس .
انا جذي قمت اقعد مع ريلي بالليل بعد ما اخلص من عيالي ويشوفني اشكثر تعبانه بالاول ما كان يحس ويبي ويبي ويطلب بس بعدين اهو قام يقولي روحي ارتاحي

 

[صمت المرافئ]

مو لازم تروحين لامج كل يوم جابلي بيتج
استغلي هالوقت في تنظيم وقتج وشغلج
زوجج أولى ... بعد ما تردين من الدوام نامي وارتاحي
وبعدين قسمي شغل البيت
وعطي ريلج اهتمام ...
عطلة الاسبوع يوم تزورين أهلج
ويوم خصصيه لريلج
حرام توكم معاريس وما تهتمين فيه !!!
عيل متى تهتمين ؟؟؟ :eh_s(10):
الله يوفقج ويسهل عليج أمورج
​

 

[amani]

حاولي تضغطين على نفسج شوي وجابلي ريلج لأنه بياخذ عنج فكره مو حلوه يعني بديه على شي ثاني واجلي الشي المو مهم يعني غسلي ملابسج يوم وترك روحي لأمج يوم وترك جذي عطيه المساحه الأكبر من حياتج

 

[مجنـ A ــونة]

وش هذا التخلف من جد انتي حطمتي الرقم القياسي بالاهمال

اهم شي مو مهمله عمرك بس اتوقع مالك وقت لنفسك

تشااااااااااااااااااااووووو

 

[ام الاسيرالشهيد]

بيتك وزوجك اولى باهتمامك ولا تضغطي على نفسك بالعمل

 

[APpel76]

حبيبتي تري انتي باسلوبج هذا قاعد توخرين ريلج عنج
وانتي توج بسم الله اول المشوار
تري الريال مثل الياهل بس يبي احد ينتبه له ويهتم فيه ويداريه

الله يسهل عليج

 

[مارشميلو..]

بكره لا راح لغيرك لا تجين تبكين وتقولين شسوي
انتي عافسه يوم
طيب رجعتي من الدوام كليتي نامي بعدين قومي على 5 العصر شوفي شغلك وبعدين شوفي بيتك اذا في غسيل ولا خلي الغسيل
بالويكند او جيبي خدامه اهلك مره بالابسبوع تنظف الشقه وتغسل الملابس بعدين ماعندكم عيال يوسخون يعني البيت يقعد كم يوم نظيف
المهم وقت العصر سوي شاي ولا قهوه مكسرات حطي جيبي حلو وقعدي مع زوجك اذا عندكم شي بتقضونه اطلعو المغرب ولا اطلعو تعشوا مع بعض ولا اسهروا في البيت طبعا تكونين كاشخه ولابسه ع 12 خلاص تقدرين تنامين
واهلك روحي مره بنص الاسبوع ومره بالويكند
انتي ملخبطه حياتك بنفسك رتبي وقتك ونظميه واكسبي زوجك ترى توكم معاريس

 

[t0o0fa]

فديتكم نصايحكم ذهب .. و ما الوم اللي نقدوا علي
انا اساسا كنت ناقده على نفسي و ابي نصايحكم
ان شاء الله راح احط جدول حق كلشي و انظم وقتي
وراح اطلعكم عليه و اقولكم شنو التغيرات اللي صارت مع زوجي

مشكوورين حبايبي ​

 

[هذا مزاجي]

موضوعك كله مايبيله الا ترتيب وقت فقط لا غييير

 

[miss_uk]

تبين الصج انتي مثال حلو لأسهل طريقه لنفور الزوج

حامل عادي !؟؟ دوام هم عادي!؟؟ واذا ياج جم ياهل شنو تسويين!؟؟

لا تزعلين مني بس ابيلج الخير قبل لا يمل ريلج،،،

الصبح روحي المدرسه،،وشغل المدرسه بالمدرسه كيفج دبري نفسج انا مدرسه وما اطلع شغلي برة المدرسه،،ردي تغدي ونامو كلكم قومي قومي قعدي معاه وعندج لين ال 12 سهري بعدين نامي ،، استمتعي بالحمال معاه *

 

[الاخلاص]

حدج دلوعه كلنا حملنا ومالنا خلق بس نتحمل ونلبس ونفسيتنا حلوه وبعدين تقولون زوجي يغازل

 

[Om_Ksha]

وااااااي ترا ما الومها ،، صحه عن صحه يفرررررق
انا اشوه اني استقلت من التدريس جان علووووم