السلام عليكم ورحمة الله وبركاته •••والله يابنات اني من فتره احاتي ومو قادره انام احترت ماادري من يبرد جبدي ويعطيني رد مقنع احس فيه بالعدل واني مو مظلومه بديرتي••••• سالفتنا او بالأحرى مأساتنا
بدت ايام التحرير لما امر ابونا الشيخ جابر رحمة الله عليه بالمكرمه الاميريه بتحرير البيوت وتسليم وثايقها لاصحابها وقتها كان زوجي عمره 22 سنه تقريبا وهو اصغر اخوانه من ذكور واناث وابوهم متوفي من سنة ال86 الله يرحمه وجميع موتي المسلمين وصدرت الوثيقه باسمه واسم امه يعني لابدل ايجار ولا طلب لنا وتعرفون خالتي كبيره بالعمر يعني من حريم اول، وماترضى نغير بالبيت شي ،،والله ثم والله ان البيت حشاكم كان جاخور مو بيت وتدرون ممنوع تسوي طابوقه بالبيت الا بموافقتها وهي صعب توافق ومع ذلك صبرنا ••• الحين خالتي مريضه وماتدري عن شي الله يغفر لها ويشفيها ،راح زوجي واخذ قرض مو هين وعدل بالبيت وغيره 180 درجه،،، مدة القرض اكثر من 25 سنه يقاسط 420 بالشهر وغير اني بعت كل ماعندي من ذهب واخذت قرض 5000 وكل شهر نحط فيه وللحين البيت فاتح حلجه لانه قديم ومتهالك القهر انه بعد عشرين سنه زواج وبعد كل هالديون علي وعلى زوجي خاصة وان عيالي شباب اكبرهم عمره 18 سنه واصغرهم عمره4 شهور وعندي ولد عنده اعاقه بصريه شديده وبالاخير وبعدماحطينا دم قلوبنا على البيت ونقصنا على عيالنا مصاريفهم وبعدماصار البيت يسوى يطلع البيت مو بيتنا بروحنا ويطلع للورثه حق فيه وطلعت الناس على حقيقتها وصرنا نسمع منهم ونشوف تصرفات تذلنا تخيلوا واحد من عيالهم بالابتداائي يقول حق ولدي انا اقدر اطردك من بيتنا بس انت ماتقدر تطردني من بيتكم قال ولدي ليش؟!! انت تقدر وانا مااقدر ؟ قال ماتقدر لانه مو بيتكم هذا بيت جدتي ولنا فيه !!!! •••• وغير كلام الكبار اللي يسم البدن وحتى المتوفي منهم لعياله حق من البيت مع انهم مو كويتيين على حساب عايله كويتيه ••••• آآآه يابنات شلون وضعنا الحين وشنو مصيرنا ومصير عيالنا لو لا سمح الله صار لنا شي ؟وشنو هالقانون الللي يجبر الصغير على البيت ويحرمه حق السكن المستقل الآمن ويعطي غيره بيت وزياده ؟وغير بدل الايجار اللي كانوا ياخذونه••••• ردوا علي قولوا لي منو كان مثل وضعنا وشصار عليه وهل فيه قانون يحل مشكلتنا احنا واللي مثلنا ارجو الرد ايضا من اصحاب الخبره والمعرفه وكل من عنده علم ودرايه بهالموضوع
بدت ايام التحرير لما امر ابونا الشيخ جابر رحمة الله عليه بالمكرمه الاميريه بتحرير البيوت وتسليم وثايقها لاصحابها وقتها كان زوجي عمره 22 سنه تقريبا وهو اصغر اخوانه من ذكور واناث وابوهم متوفي من سنة ال86 الله يرحمه وجميع موتي المسلمين وصدرت الوثيقه باسمه واسم امه يعني لابدل ايجار ولا طلب لنا وتعرفون خالتي كبيره بالعمر يعني من حريم اول، وماترضى نغير بالبيت شي ،،والله ثم والله ان البيت حشاكم كان جاخور مو بيت وتدرون ممنوع تسوي طابوقه بالبيت الا بموافقتها وهي صعب توافق ومع ذلك صبرنا ••• الحين خالتي مريضه وماتدري عن شي الله يغفر لها ويشفيها ،راح زوجي واخذ قرض مو هين وعدل بالبيت وغيره 180 درجه،،، مدة القرض اكثر من 25 سنه يقاسط 420 بالشهر وغير اني بعت كل ماعندي من ذهب واخذت قرض 5000 وكل شهر نحط فيه وللحين البيت فاتح حلجه لانه قديم ومتهالك القهر انه بعد عشرين سنه زواج وبعد كل هالديون علي وعلى زوجي خاصة وان عيالي شباب اكبرهم عمره 18 سنه واصغرهم عمره4 شهور وعندي ولد عنده اعاقه بصريه شديده وبالاخير وبعدماحطينا دم قلوبنا على البيت ونقصنا على عيالنا مصاريفهم وبعدماصار البيت يسوى يطلع البيت مو بيتنا بروحنا ويطلع للورثه حق فيه وطلعت الناس على حقيقتها وصرنا نسمع منهم ونشوف تصرفات تذلنا تخيلوا واحد من عيالهم بالابتداائي يقول حق ولدي انا اقدر اطردك من بيتنا بس انت ماتقدر تطردني من بيتكم قال ولدي ليش؟!! انت تقدر وانا مااقدر ؟ قال ماتقدر لانه مو بيتكم هذا بيت جدتي ولنا فيه !!!! •••• وغير كلام الكبار اللي يسم البدن وحتى المتوفي منهم لعياله حق من البيت مع انهم مو كويتيين على حساب عايله كويتيه ••••• آآآه يابنات شلون وضعنا الحين وشنو مصيرنا ومصير عيالنا لو لا سمح الله صار لنا شي ؟وشنو هالقانون الللي يجبر الصغير على البيت ويحرمه حق السكن المستقل الآمن ويعطي غيره بيت وزياده ؟وغير بدل الايجار اللي كانوا ياخذونه••••• ردوا علي قولوا لي منو كان مثل وضعنا وشصار عليه وهل فيه قانون يحل مشكلتنا احنا واللي مثلنا ارجو الرد ايضا من اصحاب الخبره والمعرفه وكل من عنده علم ودرايه بهالموضوع
