اااه ياقلبي

[مالك عذر]

السلام عليكم ورحمه الله وبركاته
ححححابه افضفض لكم خواتي حبيباتي لاني احس كل الطرق مسكره بوجهي احس بالاختناق :eh_s(2):
انا مطلقه وعتدي 2
غمري 32
بيتنا كئيب جدا ابوي الله يظول بعمره فيه حاله نفسيه غلى طووووووووووووووووووووووووووووووووووووووووووووووووول هذره ع الفاضي المليان
وغير كذا يشرب خمر
امي الحنون مغلوب غلى امرها ماعندها كلمه غلى احد
احس نفسي تائهه بلا هدف
تعبت وانا ادور وظيفه
كلا مسكره على نفسي غرفتي
لدرجه وزني زاددددددددددد بشرعه
وضعي المادي تدهور فتره دخول اطفالي المدرسه ابووهم ابد ابد مش متعاون معاي وووربي مايدري هم حيين ولا ميتين
وعائلتي نادر مايجتمعون مش غلى قلب بعض
طفشت وانا ادور ححححل
حاولت ادورلي زوج علشان اعدل وظغي الاجتماعي والمادي بس اغلب الرجاجيل مايبون غيالي معاي
ابي اطلع من البيت مش قادره اتحمل
رحت كلمت جهات مختصه طبعا رفضوا لان ماعندي واسطه

انا تحملت علشان عيالي وتفاجات ان لا رححنا بيت خواتي ولا اى حد عيالي يصيحون يقولون ماما ماتبي نرجع طلعينا من هذا البيت
قلبي يعورني
خايفه عليهن ينحرفون ب فتره المراهقه
والله على ماقول شهيد
اسفه على الاغلاط الاملائيه بس الاب توب ممسوحه الاحرف :eh_s(22):​

 

[ميونة الحلوة]

الله يكون بعونج يا ربي و يفرج همج

اصبري و الصبر مفتاح الفرج و ادعي ان الله يرزقج بالوظيفه و الزوج الصالح عن قريب ان شاء الله

بس انتي ما تقدرين تطلعين لو مره بالاسبوع طلعات ما تكلفج شي يعني حديقه منطقتكم كنوع من التغيير روحي البحر اهم شي تطلعين و تغيرين جو انتي و عيالج و الله يخليهم لج و يهدي ابوج ان شاء الله

 

[عتآق الخيل]

الله يسرلك اموورك ويوفقك حبيبتي
ويهدي ابوك ويسخره لكم
.~
​

 

[ماتغير شي]

الله يعينج وعسى الله يرزقج بالريال الصالح

كملي دراستج وإذا كان معاج شهاده بسرعه توظفين

 

[granted]

الله يفرج همج. اخذي كورس كومبيوتر بيساعدج بالوضيفة والحمدلله عندج بيت ابوج اتقعدين فية انتي واليهال ولا منة احد
الله يفرجها عليج ويرزقج بالي يفرحج وان شاء الله ربي معاج

 

[ديانا سبنسر]

اول شي ارضي بنصيبج وقولي الحمدالله على كل حال

ادري هالشي. صعب بس لازم تحاولين
عيالج اهتمي فيهم وربيهم عدل. من ناحية أكلهم ولبسهم وتدريسهم. وكل شي لما تربينهم عدل ماراح يضيعون حاولي تعلمين. شي منه يشغل وقتج ومنه تكونين منه مصدر دخل. لج مثال تعلمي خياطة طبخ اطبخي وبيعي تعلمي ميك اب سوي أي شي لاتوقفين حياتج على احد ولا تستسلمين لليأس خلي من كل طيحة لج بداية قوة وانطلاق

اذكر قبل ما تشتغل. الثورة السورية. سافرنا لسوريا واللي سكنا عندها أرملة ريلها مات كان ولدها عمره سنة والثاني حامل فيه تقول ماكان عندي شي وربيت عيالي من تطريز الشراشف. والمخدات عيالها واحد أخصائي علم نفس. والثاني مدرس. أنجلش ولاضاعو ولاشي وهي سورية أكيد ضروفج أحسن منها

 

[روجَ آحمرَ ..×]

حلك اولادك ربيهم زين زين
وان شاء الله تشوفين العوض فيهم

 

[مالك عذر]

مشكورين حبيباتي و تسسسسلم الانامل ياررررررررررب
كلكم ريحتوني بس مشوشه وجججججججججايني نسيان رهيب
وحبيبتي اللي كاتبه ادرس كمبيوتر او اي شى مقدر لان ماعندي امكانيه
وربي احححاول اربي عيالي كويس بس يشوفون الاطفال الثانين يبون مثلهم انقهر لاشفت عيالي مكسور خاطرهم
غيالي نقطه ضعفي​

 

[ام لعيال]

لاتفكرين اتزوجين بالمره لانه اهنيه فكرتي في نفسج بس واعيالج بينظلمون اكيد ,حطي همج كله اشلون اتخلين حياتج احسن وشلون تقدرين تسعدين اعيالج مثل ماقالوا خواتي العزيزات شوفي شي اتكونين فيه بارعه من اعمال يدويه بسيطه ومطلوبه حاولي تغيرين نظرتج للدنيا ولاتنتظرين حد يمد لج يد العون انتي اللي لازم تسحبين نفسج من ها الحال لحال افضل بعقلج وبهمتج مب بزوج ثاني تنكديين فيه عيشه اعيالج وانا قدرت وانتي انشالله بتقدرين ,صح البدايه والمسوؤليه صعبه بس بالعزم والتصميم بتقدرين ولا تتركين صلاه نص الليل لها اكبر الفضل في تحسن ظروف المحتاج 0000​

 

[عصفورة شمر]

الي اعرفه عندكم بالكويت يمشوون
للمطلقه معاااش
ادعي لبوكك بالهداية
واانتي درسي كملي دراستك

 

[روح مرحه]

وعليكم السلام ورحمه الله وبركاته...
حبيبتي من جد انا متعاطفه معاج ومع وضعج الصعب وحاسه فيج...
بس انا متاكده انج اقوى من خذلان الظروف..
اولا ياعمري..العمر يمضي وعيالج يكبرون<<علشانهم اعطي نفسج دافع للحياه...ترا والله بعدين بيشيلونج بعيونهم وبيعوضنج وبيخدمونج...
اولا ياقلبي..وهذا اهم شي...غيري نظام حياتج وحياه عيالج..كيف؟!!!!!
اهتمي بغرس القيم الدينيه ..<<هذا اكبر عاصم وحافظ من الانحراف
كيف علاقتج برب العالمين!!...اذا نص نص ابدي حطي جدول ..استغفار+اتصدق حتى لو ب 100 فلس+قيام ليل+اذكار صباح ومساء
والله راح تحسين وضعج تغير وااااااااااااااااااااايد عن قبل
ثانيا امسكي ورقه وقلم وسوي لج جدول يومي...>>عباره عن
وقت اطلع امشي فيه العيال او اقعد العب معاهم /اقص لهم قصص/اي نشاط يطلعهم من الجو الكئيب ...
الدخل المادي:مثل ما قالو البنات...تعلمي اي شي ..وبيعي واستفيدي...ترا التجاره مو عيب...
لا تحكرين نفسج بغرفه وتنغلقين عن الحياه بس لانج مش حابه الوضع الحالي...اهتمي بنفسج وبعيالج ..عيشي يومج ترا والله الطلاق مو نهايه الدنيا
لاتستهينين بالنصايح فديتج..ترا والله محد بيتاثر من هالوضع الا العيال...اللي من جد قلبي معورني عليهم..:eh_s(2):

ربي يوفقج ويسعدج ويبدل حالج للاحسن ويعوضج بخير من اللي راح...:eh_s(7):

 

[روز بآريس]

استغفري وآيد وشوفي النتيجه

الله يوففقج

 

[مالك عذر]

الي اعرفه عندكم بالكويت يمشوون
للمطلقه معاااش
ادعي لبوكك بالهداية
واانتي درسي كملي دراستك

حبيبتي انا سسسعوديه وبغدين انا مخلصه ثانويه عامه والجامعه مقدر لان ماعندي مجموع
شكرا
:tek:

 

[مالك عذر]

مشكووووووووورين كلكم حبيباتي

وبالاخص ( روح مرححححه ) كلامك يبرد القلب الله يرضى عليك ويوفقك .​

 

[هناء - Hana]

آلله يفرج همج ي رب
ومثل مآيقولون (آلصبر مفتآح آلفرج ) آصبري وبتلقين طريق ومفتآح حلو بآذن آللهه وآنآ جربت هآلشي وآلحمدالله ربي فتحهآ علي آللهه يهدي آبوج ي رب >>:$

 

[كويتيه فرنسيه]

من ناحية الماده كلمي ابوهم او خلي اخوج او عمج او خالج يكلمه قول له يساعدج بالصرف على عياله لانه مسؤؤل عنهم والدنيا غاليه ماتقدرين بروحج توفرين لهم احتياجاتهم

وقدمي على اكثر من مكان يمكن الله يوفقح وتنقبلين

حاولي كل اسبوع تطلعي وياهم مكان عام حديقه عامه او بحر او تتمشو بمول غيرو جو واطلعو من وضعكم

والله يفرج همج ويرزقج بانسان يكون لج ولعيالج سند

 

[مالك عذر]

مشكووورين قلباتي
اححححححححبكم

 

[قابوسية وافتخر]

الله يسرلك اموورك ويوفقك حبيبتي​

 

[alzeen- almuteri]

مااقدر اقولج شي غير
اكثري من الاستغفااار اهوا الحل وراح تنفتلحلج الابواب

 

[شهرزآد]

عليك بقيام الليل سهام الليل لاتخطيء
حاولي مره ومرتين شهر وشهرين مع الفعل بالاسباب
تكلمين ابوهم يصرف عليهم او تهددينه انه بترفعين عليه نفقه + تبحثين عن وظيفه

الله يكون بعونك