ااكاد اجن

[خالتي قموش]

مرحبا بنات
مبارك عليكم الشهر

عفيه بنات ابي تفسير للي قاعد يصير لي

المفروض دورتي يوم 18 الشهر
صارلي اسبوع احس بلوعه و قمت ارجع واعرق
وريولي ذابحيني عوار
من الورج للساق
دوخه ما تروح
وزياده لعاب
حرارتي ترتفع وتنزل
صداع قوي من صوب الجبهه
عوار ظهر و بطني مشدوده
و نغزات في خاصرتي
امساك
قمت ما اكل
واللاكل طعمه احسه غير
حتى الشاي والقهوه طعمهم مو هو

يوم 13 الشهر نزل دم بني و عادي
بس خفيف جدا
يروح ويرجع
رحت الدكتوره قالت اذا ما يت الدوره لغاية 25 الشهر تعالي

بنات دورتي تنزل دم وايد اول يومين و الصداع يروح مجرد ما تنزل الدوره
الحين 5 ايام الصداع والتعب والترجيع كل ماله ويزيد
وخصوصا ريولي والدوخه

اشرحولي السالفه

 

[*TOTO*]

حبيبتي اللخبطه بالهرمونات نفس اعراض الحمل بالضبط

دام الدوره اتأخر او اتقدم معناه لخبطه بالهرمونات ولازم تحسين بكل هالاعراض
سواء حامل او لخبطه بالهرمونات

الله يكتب لج اللي فيه الخير يارب

 

[الـخـشـفـ الـنـداويـ]

حللي بيوم ١٨ اليوم يعني انا حللت باليوم المفروض للدوره و طلعت حامل الحمدلله حللت منزلي

 

[الـخـشـفـ الـنـداويـ]

و على فكره انا ماكنت احس باعراض حمل كلش

 

[آشوآآآق]

اب اب ان شاءالله حامل

 

[نسائم الرحمة]

انا قبل موعد الدورة بـ 3 أيام نزل علي دم خفيف بس وقف و صادني امساك و طلعت حامل الحمد لله
حللي اليوم و الله يسوي اللي فيه الصلاح​

 

[شواااقه^-^]

انشاءلله تكونين حامل وتفر حين فيه

 

[خالتي قموش]

تسلمون حبايبي
انا وقف النزيف عندي
والمفروض اليوم الدوره
وللحين ماجت
وللحين حاسه بلعوارض
والترجيع
وخصوصا الام الركب
بنطر يومين و اشوف

 

[شادن33]

قمووووش يالخبطه هرمونات والشهر الياي تحملين بإذن الله
او حمل
والله ينولج مرادج قمووووشه

 

[sosowaty]

الله يرزقج يارب

اعراض الحمل نفس اعراض الدورة

و في بنات ما يحسون باعراض الحمل كلش

كل وحده غير عن الثانيه

 

[Katkoota85]

الله يرزقج ويهدي بالج ويعطيج اللي تتمنين يارب

 

[عتاب الاحبه]

قموشه جربي تحليل المنزل اول ما تصحين رااح يبين اذا طايف موعد الدوره

 

[كتالونيه]

الله يرزقج حبيبتي
وتبشرينا

 

[ابدا يالغالي مانساك]

حللي هرمووني رااح يبين لك الاكيد ان شالله

 

[أأأميرة الورد]

ان شالله تكونين حااامل

 

[t.o.o.ot]

الله يكتب لج اللي فيه الخير يارب

 

[خالتي قموش]

تسلمون حبايبي اللي ردو
انا امس كان موعدها و ما يت
وان شاء الله ما تجي الا بعد 9 اشهر
انا وكل البنات اللي في هلقسم

فقلت انطر اليوم وباجر احلل منزلي
مع اني كل شوي احس شي نزل
اركض اشيك ماكو شي