ابا احلى الاماكن في الكويت ،،

[أجنحة الورق]

السلام عليكم ورحمة الله وبركاته
انا من الامارات
بي الكويت مع اختي وامي من تاريخ 28/12 لين تاريخ 1/1 ابا تعطوني لستة باحلى الاماكن و المولات و المحلات الي فيها اشيا حلوة و فنتوكية و مميزة و مو موجودة فالامارات...

و اذا في انشطة او محاضرات دينية او مهرجان او مسرحيات او معارض خبروني بالتفاصيل

 

[krkooora]

52 ديقريي مجمع التلال كافيهات و مطاعم حلوة و اصحابها كويتين مشاريع كويتيه هناك حلو المكان يستحق الزياره يعني في مطعم جووي قووي انصحج تجربيه

و المولات الحلوة عندنا الافنيوز و 360 و مارينا مول و الفنار و المارينا مول

و اتوقع في مسرحيات حق طارق العلي لانه مسرحه مفتوح بالويك اند اعتقد

و عندج ارض المعارض الدولي في معرض الازياء الشتويه من تاريخ 22 ديسمبر لما تاريخ 31 ديسمبر مثل مو مكتوب بالموقع مالهم
http://www.kif.net/index.php?view=c...sumer&option=com_eventlist&Itemid=162&lang=ar

و المباركيه سوق تراثي قديم بس وايد حلو و يونس لا يطوفكم

حياج الله بالكويت

 

[أجنحة الورق]

مشكووورة,, ابا بعد .. بليز بنات

 

[عيوني حلوه]

28 / 12 الى 1/1 قليل احس

على العموم عندج

الأفنيوز

المرينا مول

المركز العلمي

شارع الخليج في مطاعم ومقاهي حلوة

شارع سالم المبارك فيه مجمعات ومحلات ومطاعم حلوة

الأبراج

مطعم البلد المطعم الدّوار ومكانه يشوق

سوق شرق

نادي اليخوت

مركز سلطان على البحر

 

[أجنحة الورق]

هيه اعرف الفترة شوي لانها الفترة الوحيدة الي كلنا اجازة ^^ ...
مشكورة

 

[درة أهل الطولات]

الافنيووووووووووووووز واحضري فيلم اكس لارج لاحمد حلمي وايد حلووو

وروحي 360 كله ماركات وجربي مطعم صبح ومسا فيه

واذا تبي تتسوقين بمكان اسعاره معقولة عليج بسوق السالمية ستي سنتر والدور الثاني فيه مطاعم هم اسعارها حلوة

ارض المعارض في معرض الحين الازياء الشتوية

صالون الروضان في معرض تصاميم حريم

تبين دراريع روحي العربيد اخذي جاهز

 

[om 3zozi]

بتنورين الكويت حبيبتي

عندج 360
الافنيووووووووز
و ريد تاغ + تاون مول
والمارينا
وبعد مطاعم شارع الخليج
وشرق

 

[أجنحة الورق]

مشكوووورين ..

انا من سنتين ييت الكويت و رحت المارينا و الافنيوز و شارع الخليج و وايد استانست هالمرة ابا اروح اماكن حلوة و غريبة

 

[عبق البنفسج]

القهوة الشعبية .. طلبيلج نخي وباجيلا وخبز رقاق
يوم البحار .. هم في قعدات ومحلات يبيعون شغلات قديمة ..
عندج مسرحية طارق العلي وداوود حسين (الطرطنجي) بحولي
عندج الكافيهات والمطاعم الي بمارينا كريسنت
أرض المعارض بمشرف عندج كذا معرض .. في معرض الغذاء ومعرض المنزل اذا ماني غلطانة ..
عندج مجمع البيرق بالعقيلة ومجمع المهلب بضايعهم غير عن الافنيوز ومارينا
مجمع التلال فيه 52 ديقريز .. ومطاعم وكافيهات .. وبضاعتهم ماتحصلينها برة لأنها صناعة كويتية ..
شارع الخليج حلووو ..
أبراج الكويت ..
المركز العلمي والأكواريوم ..
سوق المباركية كبير وفيه وايد شغلات تراثية وغير تراثية :d
عندج معارض بس لازم تشوفين الجرايد بأول صفحات وتعرفين وين في ..
مرات الفنادق مثل هيلتون ومارينا يسوون باربكيو عالبحر بس مادري هالفترة في ولا لأ

 

[عبق البنفسج]

http://www.e.gov.kw/sites/kgoarabic/portal/Pages/Visitors/TourismInKuwait.aspx

 

[Maybe_87]

تفضلي حبوبة
إهداااااء مني لج

http://www.q8yat.com/t989397.html​

 

[أجنحة الورق]

مشكووورين عالردود الحلوة و ماقصرتوا بنات تبعتكم معاي

 

[درة أهل الطولات]

حياج الله

 

[....وبس]

شوفي بما انكم شعب يعشق العطور

عندج بالسالميه
مجمع الثريا
عطورات سهاد القناعي شي عجييييب وغرريب واسعارها غاليه بس معقوله

روحي مجمع المثنى
احلى مافيه انج تشترين باسعار زينه صح قديم بس كل شي فيه
احب محل الاحذيه فيه اسمه سكوزي حاليا اول كان اسمه تيجان حق سوالف الكعوبه الي فيها كريستال شغل لبنان عجيييب بس لاتخاذين المرتفع حيل يعور بالمشي وكعوبته منظر بس

لافنيوز +شرق كل شي فيهم

روحي المدينه الترفهيه تونس بهالوقت من السنه

٣٦٠+فيلا مودا+الصالحيه سوالف ماركااات غاليه

المباركيه هم بعد كل شي فيهايعني الوالدة باتسنانس فيها غير هذا يمها البلوكات سوق الصفاة حق الخام والكلف وبالنفس الوقت تقدرين تمرين مجمع الاوقاف اذا تبون دراريع الشك الثقيله انا عن نفسي ما احبها يعني ٣اماكن تقدرين تروحين لها مره وحده لانها يم بعض

بالنسبه للعبي
عندج حناين +الشهد+شدو وااايد حلوووين وغير عن الي عندكم

واي شي بالخاطر حابه تسالين عنه راسليني ع الخاص

واذا جيتي الكويت وضايعه بعنوان ولا حايسه دزي لي ع الخاص وادليج ترى الكويت ما تضيع واغلب الاماكن جنب بعض يعني صج بتسانسين وبتحبونها وتحفظون شوارعها من اول مره