ابا محتاجتنكم اضر من الضروري

[اماراتية جامعية]

بناااات انااا مابا استحي ولا شي لان المنتدى كله بناات
ونحل مشااكل بعض ونخاف على بعض وننصح بعض
سيدة بدخل في الموضوع بناات اني فيني حبة كبيرة
في المنطقة الحسااسة بس من وراء يعني (المؤخرة )
عزكن الله وانتن بكرامة مادل من شوو طلعت لي و
كل مااقعد تعورني حتى ماعرفت اقعد لانهاا تعورني
بالقووو وهاي الحبة فيني من ثلاث ايام واناا خايفة
ارووح المستشفى اخااف يقولون فيني شي وبعد خايفة
اقووول حق امي لان امي شديدة شوي يوم اخبرهااا
بتفهم الموضووع غلط وبتقووول انتي فيج شي جااايد
بناات الله يستر عليكن دنيا واخرة منو عندها تفسير عن
هاي الحبة اللي ظهرت في هاذيج المنطقة وليش طلعت
وشووو اعراضهااا فيهااا اضرار علي ولا بنااات لاتستهينون
ف الموضووع انااا ماقدرت اتحمل العوااار وخاصتن يووم
اقعد تعورني وااايد وكيف طرق علاجهااا وهل هيه مضرة علي
ولا يمكن فيني مرض جاايد وانااا ماادري بسبب هاي الحبة
بناات ضروري ردووواا علي لاني ابا ارووح المستشفى وخايفة :yaaaaaarb:

 

[عسل حدي]

عندج مره؟
حبيبتي تصير من القعده والعرق اكيد انتي متروسه شوي
حطي بقطنه او شاش مره وحطيها عالحبه وكل ساعتين غيري القطنه او الشاشه وحطي مره وغسلي بغسول المره سوي منقوع مره وغسلي بتنشف وتروح لاتحاتين مو شي كبير

 

[EL-bawarah]

حبيبتي روحي فحصي أحسن يمكن تكون بداية بواسير لأنها تنتفخ و تكون نفس الحبه
وممكن تتعالج بدهان وحبوب في تلقان وسايد نفس شكل الدونات تحطينها على الكرسي و تقعدين عليها تخفف الضغط على المنطقه
وإن شاء الله مافيچ إلا العافية

 

[latkt7as]

مادري بصراحه

بس الافضل تروحين الطبيب اهو بيفيدج اكثر


لان ممكن نوصف لج شي يظرج بدون قصد

وماتشوفين شر

تقبلي مروري

 

[عسل حدي]

المره علاج لانها ٧ مضادات حيوويه

 

[# غنوجة بيبي #]

مادري


بس اناا كانت تطلعلي حبوب مو من وره ولا بالمهبل


يمهم حبوب صغار


و سالت الصيدلانيه تقولي هذا دليل على انج تنامين على جنابه


و ‏ اناا حزة الدوامات ‏​ٱ‏​نـام على جنابه من التعب و اقعد الصبح و اتسبح


شسوي بعد ابي الحمل عشان جذي انام عليها


بس سببلي التهابات و حبوب

و شريت من الصيدليه غسول طبي مع مرهم احطه عالحبات

و باسبوع اختفوا كلهم

 

[أم ركووووووو]

يمكن دمل او جيس شعر اذا بالمؤخره فوق >>>>>سوري بس لازم اوضح
اما اذا داخل المؤخره عند فتحة الشرج >>>>همن سوررري يمكن بداية بواسير فروحي الطبيب احسن واذا ماقدرتي المرة وااايد زينه

 

[ابدا يالغالي مانساك]

يمكن عاادي حبيبتي حبه وطلعت لكك جذي لاتووسوين ولاتروحي مستشفي

انتي خوذي لك قطنه وحطي مره ونقعيهاا بالماااي وكل شوووي
عقميهاا فيه

وبتروح ان شالله
وملابسكك الداخليه غيررريهم ولايرطبوون

وماتشووفي شر ياقلبي

 

[بناتي عيوني]

السلام عليكم امارتيه جامعيه الي فيج دمل او جيس دهن بس لاتستهبينين فيه وعلمي امج لان حريمنا الكبار يعرفون يعالجون هذي الشغلات احسن من الاطباء وفيه دهن عند العطار للهذا الشي اسمه الدهن الاسود بس تحملي الي راح يصيرلج الله يعافيج ويعافي كل مسلم

 

[بناتي عيوني]

الاطباء اول شي راح يحولونج لغرفت التنظيفات وينظفونه لج ببنج موضعي الله يعافيج ويعافي كل مسلم

 

[غرام القمة]

الله يشفيج

 

[اماراتية جامعية]

ريحتوووني الله يريحكن دنيا واخره والله كنت خايفة حييل
كان عبالي فيني مرض اعوذ بالله منه بس الحمدالله تطمنت

 

[عسل حدي]

اب اب اب