ابتدائية المطوعة منيرة

[doll2008]

السلام عليكم بنات .. شلونكم عساكم بخير؟

بغيت أسألكم عن مدرسة المطوعة منيرة الابتدائية بنات الموجودة بمنطقة العدان .. منو يعرفها وسامع عنها؟
شلون الابلات ومستوى المدرسة؟ وناظرتهم منو؟ تنصحوني أدخل بنتي هالابتدائية؟ منو بناته هناك؟
المدرسة صايرة صوب (روضةالجوري).. ياريت تجاوبوني ماعليكم أمر

 

[أسولة]

حبيبتي أنا بيتنا جنب روضة الجوري بالعدان وبنتي في المطوعه منيره الصراحه المدرسه وايد حلوه والناظره تينن اتغشمر مع البنات وتعرف أسامي البنات كلهم وصدرها رحب والوكيله ماشاء الله عليها تعرف ربها ومدينه حيل والمدرسات مافي أروع منهم بس دير بالج المدرسه شديده بالدراسه أنا بنتي دايما تطلع من المتفوقات بس ماشاء الله من كثره المتفوقات هالسنه قالت ناظرتهم المتفوقات بالكورس الأول والثاني تسوي لهم حفله هذا من كثر المتفوقات وبعدين المدرسه مافيها زحمة بنات يعني أولى ابتداثي ثلاث صفوف ولهم حمام بروحهم وكل صف في وحدتين والصف فيه بس عشرين طالبه بالكثير واحد وعشرين والمدرسه محافظه على البنات وايد وبالفرصه يبيعون ذره ونفيش وكل هذا فرش والناظره مسويه غرفة سينما تعرض فيها للدروس وبعد بوقت النشاط الحر تحط أفلام كرتونية والتذكره بربع وبالقرقيعان هالسنه وزعت عليهم جياس قرقيعان مطبوع عليها إسم المدرسه والسنه إلي طافة ماغ أكواب فيها قرقيعان بعد مطبوع عليها اسم المدرسه والعيد الوطني يحتفلون لمدة جم يوم ويلبسون ملابس العلم حتى الناظره لابسه معاهم وبالقرقيعان حاطه جيستهابرقبتها وتحتفل مع البنات والله خوش مدرسه لا طوفينها بنتي ثاني سنه لها بهالمدرسه قبل كانت بمشرف الإبتدائية

 

[doll2008]

مشكككووووة أسولة جزاك الله خير
طمنتيني لي دشت بنتي هالمدرسة
بس خوفك يغيرون الناظرة خو على حظنا من تكون الناظرة زينة مايمديها إلاتغيرت.. بس ان شاءالله خير
تسلمين حبيبتي ماقصرتي:aha::aha::aha:

 

[الجوررري143]

انا مدرسة و اعرف بالهسوالف المدرسة هذه طق مطاقق عليها مستواها حلو و المدرسات اللي فيها و الادارة كلهم يننون ... دخلي بنتج و انتي مطمئنة )

 

[الواثقه]

حبيبتي انا بنتي فيها
اولى ابتدائي

هي خوش مدرسه من ناحية التنظيم
وفيه شغله عاجبتني فيهم ان اذا البنت قل مستواها تطلب استدعاء ولي الامر وماتنطر ليما اجتماع اولياء الامور

لان انا الكورس الاول صار عندي ضرف واهملت بنتي عن الدراسه بالمره والله ياعمري عمرها كانت ترد البيت واهي من نفسها تكتب الواجب
لان كنت بالمستشفى
والحمدلله لاحظت ان المدرسات يهتمون فيها والاداره تتصل علي تسأل عن مستواها تغير نسبه بسيطه
ومع هذا الحمدلله مستواها زين
ماقولج ممتاز بس الحمدلله جيّد جدا نعمه من الله وانا اهملتها اهمال مو طبيعي لان الضروف اقوى من الدراسه
بس انا ناويه بالصيف اجيب لها مدرسين تاسيس عربي ورياضيات وانجليزي وراح اكثف عليها انشالله عشان السنه الجايه ابيها تكون من المتفوين
والله يوفق عيالج يارب

 

[Dancing^Queen]

اول مره اسمع بهالمدرسه؟
اهي قطاع خاص والا حكومي؟