ابتسم فانت كويتي..........

[gazl~q8]

السلام عليكم شلونكم.............

انا كتبت هالموضوع عشان اعزز الوطنية او اذكر الي نسى وطنيته وقام يتشكى بشي مهم بنعمة الكويت.......

اي الكويت نعمة لازم نحمد ربنا عليها لانها ديرت الخير والعطاء ولازم اول ماتقومين الصبح وتذكرين

انج كويتية تبستمين وتحمدين ربج الي خلقج كويتية.............

ابتسم لانك كويتي للاسباب التالية...........:

1.لانك في دولة دمقراطية وتقدر تقول رايك بكل حرية وانت مرتاح ومحد يقولك شي.....

2.لانك في مجتمع عادل ومافي غني وفقير كلنا سواسية.......

3.لان احنا بوقت الشدايد نصير عصبة وحدة وعلى قلب واحد (مافي بدوي-حضري-سني-شيعي)

4.لان تحس الامير والد ماتحس بالخوف والرهبة بسبب تواضعه وطيبته ومشاعره الابوية....

5.لان اهل الخير والناس المحترمة فيها وااااااااجد اما المنحرفين فنسبة قليلة.....

6.لانك اذا سافرت برة تحس بهيبة وهذا ليس غرور بل فخر........

7.لان اذا بغينا الشي سويناه وهذا دليل على قوية الشخصية والاعتزاز........

................الخ..........

ومليون صفحة ماتكفي عشان اذكر صفات ديرتنا الحبيبة وبسكم تشكي (انا مااقول ماعندنا سلبيات

ولكن كل ديرة فيها الزين والشين واحنا احسن من غيرنا) لازم تحمدون ربكم ليل نهار على هالنعمة

لان الانسان مايحس بالنعمة الا اذا فقدها وانشالله الله يحفظ ديرتنا من كل مكروه يارب.......



والحين ابي الكل يرد بكلمة لهالديرة ويبين وطنيته............


يلا بانتظار ردودكم.......:eh_s(6):

 

[*كويتيه يونيك*]

مشكوره يالغاليه على الموضوع

الحمدلله على نعمت الإسلام والوطن وأفتخر إني كويتيه

 

[نملة حوره]

الحمدلله
في كل موضوع يخص الكويت او عن اي شي يخص الابوه
اذكر بابا جابر الله يرحمه ان شاء الله ويدخله جناته سبحانه
والله فاقدينه وايد الكويت بدونه وايد متغيره علي

 

[gazl~q8]

هلا بنات نورتوا .........

نملة حورة الله يرحم ابونا الغالي وعمرنا ما راح ننساه والكويت كانت حلوة وراح تصير احلى بيد بابا صباح

الغالي......#

 

[طبيخه]

عسى الله يحفظ لنا ديرتنا من كل شر ويكفينا شر واعيوون الحساااااااد يا رب
ويكفينا شر إللى يبوون زعزعت ديرتنا حسبى الله عليهم



الكويت دار السلالالالالالالام عسى الله يحفظها
لى الفخر انى كويتيه :tek:​

 

[Stylist]

ألف الحمدلله
على ديرتنا ...وعلى حكامنا
اذا بنكتب عن اسباب حبنا لهالوطن ماتكفينا 10000 صفحه

مشكورة على الموضوع الحلو

 

[زيـنـه]

الحمدلله

 

[Hello_kitty]

:eh_s(6):

:dddds:

شفتي ابتسامتي لأني كويـــــــــــــــــتيه

كبرت ابتسامتي وصااااااااارت قهقهقه بعد

اي والله اكبر فخر لكل كووويتي

انه كووووويتي:q8:

الله لا يغير عليــــــــــــــــــــنا

يارب

 

[سمو]

اول شي قبل كل شي


الحمدلله على كل حال

الحمدلله الذي جعلني مسلما



الحمدلله اني كويتيه ابا واما وجد

 

[شسوى مليت]

الحمد لله ان الله خلقنى كويتيه


فنعم راح أبتسم لا وبعد أكركرررررر

 

[أفرض هيبتي]

هههههههههههه ماي سستر
حلوه بكركر

الورده الخجوله يسلمو على الموضوع صج الحمدالله
كا شوفي ابتسامتي

 

[gazl~q8]

هلا بنات نورتوا اي دايم هالضحكة انشالله انا مو بس بضحك بفطس من الضحك هههههههههههههههههههههههه.....

 

[مرت ريلي]

واخيرا أحد قال شي زين بحق هالبلد
مادري اشيبون ترا احنا وايد احسن من
غيرنا وعايشين الحمدالله والكل حاسدنا
على هالعيشة الله لايغير علينا انشالله

 

[honeybee_q8]

اي والله ألف الحمد لله والشكر أني مسلمة أولا ثم كويتية

 

[нάγoηά cнεмίsтяγ]

حبيبتي تسلمين على هالموضوع . . . ياليت الكل عنده نفس اعتقاداتج هذي ودي اصدق الكلآم بس للأسف اللي اشوفه بعيني غيـــر جداً غيـر بس ودي اقول شي واتمنى محد يزعل مني آنا والله احب الكويت واموت عليها والحمدلله ان عندي روح وطنيـة عالية وافتخر بهالشي ... وأفتخر اني كويتية واني " بنت جابر " الله يرحمه يارب ..


بس انا متضايقة حيل لأن الكويت ماهي كويت أول !! اي والله ولا اهيا كويت جابر اللي تربينا على ايده الدنيآ اتغيرت وصرنا ما نشوف الناس الطيبين اللي اول وصار ماكو أمان؟؟ صحيح دولة خير وبلد طيبة وانشهرنا بين الدول بالطيبـة بس كل شي تغير الحين الطيبين موجودين بس قلة .. " وينهم ! " نسبة المنحرفين اكثر من المحترمين والصج ينقآل ولا ينزعل منه الكويتين صاروا بس يبون يقلدون عيآل الغرب !! بس شافو فلانة الاجنبية وفلان يبون يصيرون مثلهم ليش يعني لازم نقتدي بهذول عشان نصير هاي وكول ؟؟ لحد يزعل انا هذا اللي قاعدة اشوفه جدامييي انا من غيرتي وحبي لهالبلد فيني قهر ماني عارفه اوصفه على اللي اشوفه بهالدنيا

يا اختي وين العدالة اللي من قلتها ما قمنا انحس ان فيه ناس يعدلون .. لمه تمشين مع وحدة غنيـة وانتي على قد حالج عادي تقطهآ بويهج وتقولج انا مو من مستواج .. لمه واحد فقير بيخطب وحدة غنية ليش تتوقعين الأهل بيرضون ويكتفون بأخلاقه العالية؟؟ لا يبآ بيقولوله انت بـره ... لمه تصير من مستوانا تعال اخطب بنتنـا !! ...

العدالة موجودة صحيح بس بقـلة لدرجة اني ما قمت اشوف واسمع غير السوالف الشينه ؟ ما قمت اشوف واسمع غير البلاوي .. والله فترة من فترات عمري اللي اهيه العام يتني حالة نفسيه وربي زين ما شاب راسي .. والله العظيم التمييز والتفريق اشوفه بكل مكان خاصه عندي بالمدرسة بشكل ملحوظ .. ومن ناحية سنة وشيعة ياليت الناس تكبر عقـولهم شوية ترا كلنا مسلمين كلنا عيال الاسلام وقرآنا واحد ورسولنا واحد .. لو فيه اختلافات ترا هالاختلافات ما تودي ولا اتييب ليش تحط عقولنا بأشياء تافهه ترا والله عيب والإشاعات عن المذهبين قامت تكبر وكل واحد يقط عالثاني بكلمه ؟

ليش لمه شيعي بيتزوج سنية أو سني بيتزوج شيعي الأهل ما يوافقون الا بالتحدي والاصرار ؟؟ ليش اهم مو عيال الكويت ؟ مو عيال الاسلام ؟ ليش لمه بنرتبط فيهم صار حجي ورفض وكلام ولا والله مو من ثوبنا هذول حتى لو مسيحي ما يرفضون جذي ؟ والله سمعت عن ناس مو راضين يزوجون بنتهم فلان لأن امه شيعية!! لا والله !! شنو هذا وين قاعدين وشنو يعني شيعية ؟؟ لا وبعد أمه مو اهوه !! وهالشي يتكرر وايد متى يعني بنكبر عقلـنا ونصير ناس على قلب واحد متى نحس انه احنا عيال ديره وحدة ودين واحد .. لو احنا بنظرنا اهمه غلط واهمه بنظرهم احنا غلط ترا احنا ناس ونغلط ومافي احد كامل المهم الواحد يوحّد ربه وما ياذي احد !! لا صار الواحد مسلم عيب نغلط عليه وحرام اصلا الرسول ما وصانا بهالشي ولا امرنا فيه ولا حثنا عليه !!

استغفرالله .. سوري يعني طلعت عالموضوع بس والله فتح بيبان مصكره عالعموم مشكورة واسفه اذا كلامي فيه تجريح !! والله يهدي الجميع انشالله ونكون على قلب واحد وديرة يعمر فيها الخير والامان​

 

[مرت حمد]

لحمدالله اللهم احفظها من كل شر ان شاءالله

 

[^_^ lollipop ^_^]

:q8::eh_s(6)::eh_s(6)::eh_s(6):


الــــــــحــــمد الـــلـــه اني كويتيه وافتخر .. :q8:





عااااااااااااشووووو الكويتين ...

:ggdw:

:lolo::lolo::lolo:

 

[Eng.shosha]

هيا عدل كلااااامج 100% كل الي بقلبي قلتي

وافتخر اني كويتيه والحمدلله على نعمة الوطن >> هذي ابتسامتي

مشكووره الورده الخجووله على هالموضوووع الممتع بصراحه

 

[كويتيه مذهله 87]

مشكوووره حبيبتي ,,,

الله يعطيج العافيه ,,,

موضوع رائع ,,,

 

[gazl~q8]

هلا بنات نورتوا.........

وهيا حبيبتي حيل نظرتج تشاؤمية ومبالغة ترا والله هذي الشغلات الي تقولينها كلها من عندج بس السج

مو جذي الحمدالله ديرتنا الزين اكثر من الشين بس قصدج الكويتين نفسهم تغيروا صاروا بس يتشكون

ومتشائمين مادري ليش صراحة بدال لا يحمدون ربهم!!!!!!!

ويسلمو هلى مروركم##