ابتكاراتي بالمطبخ

[athora]

بنات حبيت اكتب لكم تخبيصاتي بالمطبخ ..انا ماحب اعتمد على كتاب احب اخبص بالموجود عندي


(( اليوم ))
يبت دياي امريكانا شرائح الدجاج المشويه وقليتهم شوي

الطبقه الاولى: صفيتهم بالبايكس

الطبقه الثانيه : رشيت بطاط عيدان الحار بالفلفل

والطبقه الثالثه : حمست بصل شرائح طوال مع ثوم وبابريكا ونص ماجي وسماق ومشروم وشويه بقدونس

وكزبره
الطبقه الرابعه: خلطت قيمر كيديدي مع كريمه وسماق وبابريكا وصبيته عليهم

الطبقه الاخيره: رشيت جبنه موزريلا وزرشك
ودخلته الفرن

الطبق الثاني*****

يبت صدور دياي وقطعتهم مكعبات متوسطه
تبلتهم بكمون وكزبره وكركم وفلفل اسود وثوم وزنجبيل وحطيت عليهم ملعقه كبيره نشا ورشة ملح وبيضه
مخفوقه بعدين خلطتهم عدل وقليتهم بزيت حار غزير ليما صار ذهبي وشلته


حمست بصل وثوم وزنجبيل وكمون وكزبره وحطيت الدياي وشوي كاتشاب وكريمه حامضه كامله و4 ملاعق
طرشي المانجا وخليته يطبخ ليما يستوي الدياي بعدين خلطت وياه كزبره وبقدونس مفرومين
بالعافيه

 

[اشواق2008]

الله يعطيج العافيه وتسلم ايدج

 

[hmama]

تسلم الايادي

 

[>"نسمه"<]

ممم شكل الطبق الاول حلو بس شنو اهو الباربيكا ؟؟


مو عارفته



ويعطيج الف عافيه حبوبه

 

[F.A]

تسلم ايدج

 

[جارة القمر]

تسلم ايدج

 

[omdoodoo]

بالعافيه

 

[الاطلالة]

يعطيج العافية

 

[غروري ضروري]

يعطيج العااااااافية

 

[athora]

هلا وغلا فيكم

اشواق-حمامه- نسمه-حواء-جارة القمر-ام دودو - الاطلاله- غروري
الله يعافيكم حبايبي منورين ....بسوين مشاركتكم يا الله همتكم وياي شاركوني بطباقكم حبايبي
البابريكا هو الفلفل الحمر البارد مو حار (اللي نسميها فليفله ) يجففونها ويطحنونها تلقينها بالجمعيه مع البهارات
((اليوم))
صينية كبة الصلصه سويت سور

*كبة برغل امريكانا مقليه بالزيت لما تحمر ونشيلها

*نحمس بصل طوال مع فلفل اخضر بارد طوال وشويه ثوم بعدين نحط عليهم شويه صويا صوص وشويه دبس
الرمان ونزيدهم ماي بس مو وايد شويه للصلصه ونحط ملعقه وسط سكر ولما يطبخ نحط عليه الكبه
ونخليه يطبخ شوي علي نار هاديه عشان ماتفج الكبه
بالعافيه

 

[جوووووووووريه]

يعطيج العافيه

 

[athora]

((اليوم))

سويت سلطة جرجير..انا الجرجير اسويه بكذا طريقه

يبت الجرجير وقصيت الاعواد وحطيت عليه شرائح بصل فاركتها بسماق وايد

وحطيت عليه شمندر مقطعته طوال

الصلصه( شويه خل البلسمك وشويه خل بني وشويه ثوم وشويه زيت زيتون ) خلطتهم بعلبه

خلطت الجرجير مع البصل مع الشمندر وحيتهم بصحن السلطهبشرت عليهم شوية جبن كرفت وحطيت شويه زرش(احب حموضته ) وصبيت الصلصه ويبت شويه كريمه
حامضه ملعقه كبيره مع شويه ماي لما تجانسو صبيته دائره فصار شكله حلو لان الصوص بني والكريمه بيضه
بالعافيه

 

[basema]

يعطيك العافية

 

[على وجهها سمة الأبرياء]

تسلم ايدج

 

[SPIDER-WOMEN]

شنو هالابداع اختي انا عجبني الطبق الاول شكله حلو
يعطيج العافيه