ابجي لين ونهار على حالي

[عضوة غير مرتاجة]

السلام عليكم ورحمه الله وبركاته

بنات انا عمري 21 سنه تعتب والله وقلبي لين ونهار يعورني وابجي علي حالي

شعري بوجهي كثييف حيل وسميك صاارلي سنه ونص على هالحاله وما عندي حل غير اني اشيل شعري بالشمع او الخيط كل اسبووووووع

ويعووووووووور حييل تحملت الالم عشان نفسي ولكن وجهي بدا يجف ويتقشر اهملت بشرتي حيييل وظهور حبوب وصارت بقع كثير سود علي وجهيي

وصرت استحي واتفشل اروح عزايم وانطويت علي نفسي وما قمت اروح مكان وحتى استحي اطلع لاخواني

اظل طول الوقت بغرفتي ادرس اتهرب من العالم لان وجهي بشع

كم مره وحده تقولي انتي وجهك محترق لانه الشعر صار ينبت داخل ومن البقع السوداء وحراق الشمع !!

قررت اسوي ليزر بعد ما شفت ناس كثيره سوته ، ابي اظهر للعالم وانا واثقه من نفسي

ابي حل يا بنات ساعدوني شسوي والله قلبي يتعتصر من الالم

ابي اصير مثل باقي البنات

 

[عضوة غير مرتاجة]

ساعدوني

 

[حبوبة الجميع]

انا اجوف انج تروحين لدكتور جلديه وسوي ليييزر احسن شيء
وان شاءالله البنات يفيدونج اكثر

 

[ranh]

ما تشوفين شر حبيبتي
في حلين

اما تراجين طبيب غدد لتظبيط الهرمونات
او ليزار

في موضوع مثبت عن تجارب البنات مع الليزار اطلعي عليه بليز
الله معك حبيبتي ويسهل لك امورك ان شاء الله

 

[روائع ديما]

الله يعينك حبيبتي أفضل حل لك الليزر شوفي تجارب البنات معاه والله يسهل أمورك حبيبتي

 

[_ظل الياسمين _]

حياتى ربى يريح بالج يارب..........................
اعرف وحده مثل حالتج وسوت ليزر وتبارك الله حتى بشرتها
تغيرت من بعد الليزر................وربى يوفقك.

 

[فالنتينو]

شوفي حبيبتي صديقتي كان فيه حبوب كثيره وراحت عياده ادمه بالرياض وعطواها حبوب الروكتان بس لازم تحاليل والله 6 شهور وراحت الحبوب وبعدها سوت الليزر للوجه وطلعت روووعه وهي ماشاءالله عليها كانها باكستانيه قصدي بجمالها قلت قصه حياتها لوووووووووووول

 

[أسيرة بدران]

كل مشكله ولها حل والمفروض تختارين اسم ثاني غير كلمة مو مرتاحه ليش تنكدين ع نفسج أكثر روحي عند طبيب جلديه عشان يعطيج الي يناسبج ويحل مشكلتج وانتي عندج مشكله بالهرمونات اهيا الي مطلعه لج شعر بويهج والليزر أحسن حل الشمع والخيط راح يخربون بشرتج بزياده حلي المشكله مع طبيب جلديه وبعدها سوي الليزر وان شاء الله ترتاحين

 

[كاجـــو]

الشعر بالوجه.......هرمونات

روحي ينظمونها لك

الله ينولك الي ببالك

 

[&موناليزا&]

حبوبه سوي تحليل هرمونات

 

[• JoJo •]

حبيبتي اول شي روحي سوي تحاليل وتأكدي من السبب لان ظهور الشعر الكثيف مو طبيعي بالنسبة للانثى وبعدها سوي ليزر والله يكتب لك الصحه والعافيه

 

[متضايقه حدي1]

وخري عن الشمع اول يرهل ويجفف البشره وانتي تسوينه كل اسبوع اكيد بشرتج بتروح فيها
سوي ليزر اهوة الحل الوحيد وروحي طبيبة جلديه تعطيج كريمات

 

[الله كرريم]

والله ولايضيق خلقج ولاتنطوين على نفسج , ماتسوى السالفه ,,

حبيبتي احسن شيئ روحي دكتور جلديه شااطر وراح يساعدج بعد الله ويحل مشكلتج , و بكل بساطه يسوي لج ليزر وترتاحين وتفتكين من الشعر

 

[معشوقتهـ]

يابعد عمري والله انتي لا تحاتين ياقلبي

ماااااااااكوووو حل بعد الله سبحانه غير ليزر طيبه كلينك رؤؤؤؤعه

 

[بنت بني تميم]

اللهـ يسهل لك أموووركـ ياقلبي
للررررررررررررررررررررررررررررفع ..

 

[دافنشي كود]

جربي الليزر

 

[Killer^Girl]

سوي ليزر
انشالله تشوفين نتيجه معاه

 

[تسبدي مولعة]

حبيبتي نصيحة مني استخدمي ليزر والله ما راح تندمين بس سويها بعيادة ممتازة

والله يسهل امرك

 

[كنوشة 2009]

ليش البجي يا حبيبتي ان شاء الله كل مشكلة ولها حل
والحين الطب تطور
وصار الليزر حل لااغلب المشاكل الجلدية
شوفي احسن دكتور او دكتورة ولا تروحين حق صالونات
يقصون عليج وان شاء الله تنحل مشكلتج

 

[الأبتسامة الدام]

حبيبتي وسعي صدرج بهالوقت مافي شي مالة حل شوفي الهرمونات عندج وضبطيهم بعدها سوي ليزر واجد ناس مسوية ومافيها الا العافية والله يوفقج ياقلبي