ابداعاتج أول ماسقتي سياره..تعالوا سولفولي عطوني أمل لووووول

[تفداج روحي]

رد : ابداعاتج أول ماسقتي سياره..تعالوا سولفولي عطوني أمل لووووول

لوووووول حبيبتي عادي انا مع المدربه بدعنا تقولي شفيج اقولج لفي اقولها اي لفيت السكان تقولي لفي اقولها لفيت وتاخذ السكان اللي عندها وتقولي هدي وتلفه لفه محترمه عاد انا قمت اضحك تسألني شفيج اقولها متعقده من البليي ستيشن الف شوي والا انا داعمه الجمهور لوووووووووووول تقولي هذي سياره صجيه مو لعبه

لااا ويوم خذيت الليسن لووووووووول اقول حق امي بمر اشتري عصير وارد طبعا اتقلقصلج بدواعيييييس والا سياره بويهي الف على الزباله كرمج الله لوووووووول واحكها ذيج الحكه وابوي يشوف الزلغه يقولي داعمه؟؟ اقوله لا يبا بس بالجامعه مطافيق شوف منو العليمي اللي داعمها بالمواقف


طبعا من كثر الثقه الزايده اللي اهلي معطيني اياها ما خذيت الليسن الا وانا متدربه عند 3 حريم ورا بعض كل مره ابوي يقول هالمدربه مو مضبوطه يعني ماعرفت انها مو مضبوطه الا لما قالتلك هذي اخر ساعه؟؟ لوووووول

 

[اشتياق]

لوووووووووووووووووووووووووووووووووووووووووووووووووووووووول تفداج روحي ابدااع مو صج خخخخخخخخخخخ

 

[نـعـومـه]

رد : ابداعاتج أول ماسقتي سياره..تعالوا سولفولي عطوني أمل لووووول

عادي شوي شوي تتعلمين وتسوقين بأي وحده بس

عادي انا اول ايام بأيدين الحين ايد وحده

بس هالشي اتوقع مستحيل اتعلمه حتى لو اكمل 50 سنه

اللي اهيه السفطه بين السيارتين

 

[كوت الكويت]

كاااااااااااااااااااااااااااااااااااااااااااك موتوني ضححححححححححححك

عادييييييي ترا والله ... انا ظليت سنه من مدربه لي مدربه مرو علي اشكال والوان صرت خبره لوووووووووووووووول

اللي عيوز بسرعه تعصب تدودهني زياااده واللي بايعتها تخليني ادوس فوق 120 واللي واللي واليييييييييي عادي اخرتها تدريب ابوي والزف اهو اللي نفع كككككككككككك والله صج ملاحظته اللي كان يقولهم لي لي اليوم اتذكرهم وامشي عليهم

بس صج حاشني احباط وحالتي حاله ومره دعمت بسياره امي وصعدت الرصيف مره خخخخخخخخخخخخخخخخخخ

بس الحين اوكيييييييييي الحمدالله ... السالفه يبيلها ممارسه وتعوووود .. يبيله مكان زحمه صج تاخذ ايدج ع السكان والدوسه وتصيرين تقدرين تواجهين اي موقف طارئ بالشارع .... والله لا يييب دعمات وحوااادث

وموفقييييييييييييين

*

 

[‏إنگِسَارْ آلشَـوْق ..!]

رد : ابداعاتج أول ماسقتي سياره..تعالوا سولفولي عطوني أمل لووووول

ليما الحين قاعده اتدرب ..~
حابتها .. علشان جذي بحاول حتى آخر لحظه ^_^
من المواقف ..~
طبعا الرصيف .. مدري شفيني عليه .. عاااشقته الظاهر
بس بالبدايه بس بعدين كرهته
الحين صرت تمام .. بس يبيلي شوي علشان الصفطه << مشكلة العصر
والله يعين ويوفق الجميع

 

[مي الحلوة]

رد : ابداعاتج أول ماسقتي سياره..تعالوا سولفولي عطوني أمل لووووول

هلا شواقة..ان شاء الله شوي شوي وتعودين..انا خوافة موت من السواقة..ارجف بس تمر من جنبي
شاحنة..بس الحمد الله الحين احسن ..ومع الممارسة تتحسن السواقة..
انا اذكر لما كنت اتدرب كنت ابي اخفف والا ادوس على البانزين زين ما دخلت بالشبة بغت تموت المدربة من الخرعة..
قالت زين ما اعدمتينااااا..
بس حاليااا مشاويري بس بالمنطقة ما احب اطلع الخط السريع..احس فيه ناس متهورة بالحيل وزوجي بعد مو راضي..

 

[قمر2009]

هلا اشياق على البركه والله انصحج كملي وخلي قلبج قوي والسياقه يبيلها وحده جريئه شدي حيلج الحمدلله انا سقت ونفعت


نفسي وافتكيت الحمدلله طبعا انابصراحه تدربت عند مدرب مصري بس روووعه الصراحه الحريم مايفهمون شي كلش بقر


طبعا اول الايام اول مايدربني احس فيني نوم ودي ارجع البيت مادري ليش مو متعوده عالسياقه بس الحين معلمه طبعا


صارت شوي مواقف لازم واهم موقف اول ما سقت تخيلي غبيه حدي طلعت عكس السير الناس جايه دايسه وانا جايتهم

بوجههم مسرعه الحمدلله ربي كتبلي عمر جديد واخذ اللفه وارجع قبل لايقشوني الحمدلله عدت [/B][/COLOR][/SI:ssssso:ZE]

 

[القرآن ربيع قلبي]

اشتياق
والله لو تشوفيني انج راح تحسين نفسج فلته وتثقين بنفسج توماتش
واااااااااااي لالالا
انا اجزم مافيه بالكويت بنت تسوق نفسي نهااااااااااااائي
اول شي ماادل مادري ليش من الله وكله مضيعه
ثاني شي اتوتر ويويلي اذا بتلفت وانا اسوق اخوووووووووورها تشوفين السياره ترنح يمين يسار وهرنات
اذا عيالي معاي ام ابو التوتر يحووشني
السرعه وتدعيم حواف السيارات
تدربت مرتين ومرة بعد الليسن وهم ماكو فايده خخخخخخخخخخخخخخخخخخخخخخخخخ
ركبتي اليمين اذا مكان بعيد شوي تتشنج واصفط على كتر ادلكها ههههههههههههههههه
مااطلع بليل اخورها
الحين اعتزلت شوي شوي بس منطقتنا وماحواليها فقط فقط
مادري ليش كل اللي ادعمهم يسامحوني هههههههههههههههههههه شكلي اكسر الخاطر بس مو حيل احوشهم تهويش بس
===
====
--------
هاه شرايج الحين تثقين بنفسج عقب اللي سمعتيه مني

 

[احلى صغيرونة]

رد : ابداعاتج أول ماسقتي سياره..تعالوا سولفولي عطوني أمل لووووول

ههههههههههه امبي بنات تحفة ..


انا اول ماسقت طبعا خذيت سيارة اخوي لان اهوا اساسا بيشتريله سياره يديده فخذيتها عشان مااسوق سياره يديده وادعم فيها واتحسر عليها ..

اول مره اخوي نايم جان ابوق السياره واروح الجمعيه واشخطلج سيارتين ورا بعض علبونه المسافط ضيجه << جذااابه

لا شخطتهم جان اوقف واصكر السياره واقعد فيها ابجي عبالي احد شافني نطرت 5 دقايق محد يا جان ابطل السياره وانحاش طبعا سيارة اخوي تعورت مسكينه واخوي زفني يومها قالي مو كفو سياره قلنا بنشتري وحده يديده بس مو جذي عاد ..

عقبها بيومين ترجيته اودي امي الطبيب جان يعطيني ياها طبعا وديتها وكان اكو واحد مسكين توه بيسفط جدام باب بيتهم ولا يشوفني ويلحقني انا وامي انا عبالي بيرقمني ويترك ويطق هرنات و ياشر وانا مستحيه طبعا عبالي بيغازل الاخ ههههه وامي تقول صج جليل حيا شيبي هذا وانا معاج عيل شلون لو بروحج وتسويله بايده روح روح امبي وانا منصدمه كل هذا حب ياربي و لا وصلنا صوب الدوار ولا ايي صوبنا بالضبط ولا يقول لامي خالتي الدبه مبطله ولا امي تطل ورا ولا انا استحييييت طول الطريج وانا اسوق الدبه مبطله خو طالعي المنظره شوفي شمهببه لا كلش ماكو سايقه تقريبا منطقتين ورا بعض وتوني بدش شارع الخليج ولا اييلي ولد الحلال هههههههههه امبي بس صج صج فشله ..

ومره كنت هم بايقه سيارة اخوي رايحه فيها الكليه كان عندي تسجيل مواد باي فورس طبعا محد كان قاعد يوديني ولا ابوقها محد يدري ورحت سجلت موادي وانا بالكليه قاعده اسوق ولا سرحت بشغله قاعده اسمعها بس مادري بشنو سرحانه يعني بس جذي اطالع صوب واحد واظل اطالع ماانتبه كلش فيت يمي بي ام اليديد ولا تطقلي هرن انا نقزت جان الف عليه << طبعا اهوا طقلي هرن عشان البوابه جدامي والباب ماكان مبطل كله واهوا طقلي هرن ينبهني انا لفيت عليه مسكين اهئ اهئ كسر خاطري والله جان اسفط واعطل اللي وراي كلهم و اهوا نزل من سيارته يبي يتحرش يقولي فداج البي ام بس عسى ماتعورتي هههههه انا لافه عليه ويحاتيني المسيجين .. اهم شي سيارة اخوي كلها تشخيطات مني سويتها الفيرو مارتيني بعد شيبي


ترى السياقه حلوه انا اقول لريلي برد الكويت عشان اسوق سياره ليش ان اهني ماسوق .. بس والله ونااسه مغامرات وسوالف تحسين ان كل الناس تطالعج وانتي محد داري عن هوا دارج

 

[حصووونه]

شواقه والله لو اخذج ادربج لاهبل قلبج عدل اخليج ميه ميه لوووووووووول اطلع لج قرون

 

[nono-ful]

لووووووووووول

انا يووم التراي ادوس بانزين والسيارة ما تمشي وفلت عليها ادوس الا ابيها تمشي جان يزفني الشرطي طلعت مو منزله السايد لووول

بس لا تخافين وهم مو تصيرين ثقه بزياده اول ايام لازم تديرين بالج

انا اول يوم اخذت السياره رحت فيها الجابريه حزه طلعت الدوامات دعمت دعمتين باول يووم لووووول

بس اللحين ينضرب فيني المثل هههه

 

[~Unreachable]

LOOOOOOOOOOOOL

مواقفكم مو صج

عيل ماطلعتوا علي

انا اعترف اني بالسواقه صبي

كلش ماخفت و اصلا من اول يوم شاخطه على صبحان 120

المدربه استخفت تقولي انتي من اولها جذي لوول

وتقولي طقي اشاره اذا بتروحين من سايد لي سايد اعاندها

اقولها شنو سوالف هنود !!

لووووووووول

تقول حق ابوي بنتك وايد تعاند شسويلها

و طبعا من اول مره ابوي ركب معاي و حده مدح سواقتي

يقول حق اخواني الكبار صكت عليكم لوول

وامي كانت خايفه تركب معاي تقولي ما أأمن

بس الحين ماتحب تركب الا معاي .. تقول حق اخواني سواقتها احسن منكم راكده

> طبعا معاها بس

والا بروحي كله شاخطه و ابتون لوول

واكرررررررره سواقة البنااااااااااااات اف اف اتنرفز من جذي اقولكم انا صبي لمه اسوق

 

[اشتياق]

لووووووووووووووووووووووووووووووووووووووووووووووول
موووزين اهلكم يشوفون الموضوع لا خخخخخخخخخخخخخخخخخخخخخخخخخخخخخخخ



اليوم انزفيت زف بالسفطه كرهت عمري دمعت عيوني

اخر شيء قلت مو مهم اقلقص روحي بين سيارتين عشان اعجب

ان مالقيت مسفط بذلف بيتنا "السعه لابارك الله بالضيق السعه "

لووووووووووول الله ماكثر الا المسافط شحقه التقلقص بين سيارتين؟؟؟

 

[أم أنومي]

انا اول ماسقت كان عمري 16 الحمدلله ماكنت اخاف اخذ السيارة واروح الفرع والجمعيه وساعات اودي نفسي المدرسه بالفاينل
فالحمدلله ماوصلت18 الا انا متدربه عدل

وفي موقف مره صارلي يوم كان عمري 17 الأخت راهيه رايحه الجمعيه بدون ليسن
ولا عند الدوار الي قبل الجمعيه تفتيش !!!!!!!!!!!!!!!!
انا هني طقتني ام الركب

مافي مجال الف لايمين ولا يسار الشارع جبري يوديني سيييييييييييييييده

المهم جبلت عليه جان يقولي وين الليسن جان اقوله لحظه خل اطلعه من الجنطه <<<<<<<<<<<<< مصدقه جذبتها

قعدت احوس احوس بالجنطه جان أقوله ناسيه البووووووك تبي الدفتر

يرد يقولي اقوووولج ليسن مابي الدفتر >>>>> الظاهر شاك مبين اني صغيره وبعدين تنحت واهو تنح ينطر وارد اقوله ناسيه البوك

جان يقولي طوفي طوفي <<<<<<<<<<<<<< وااي مابغا


بهدها صرت اخااف من التفاتيش

بس يوم استلمت الليسن >>>>>>>> تفرعنت عدل



كره كنت ماخذه اختي من التجاري وبالطلعه اخذت عكس السير وكان جدامي جم سياره طلعت معاي عكس السير

قام الشرطي وقفني انا من بدهم جان يقول عطيني الاجازه والدفتر قلت له ليييييييييش جان يقول لانج مخالفه واقوله على شنو
جان يقول ماشيه عكس السير وتقولين ليش
جان أقوله مادري انه عكس السير >>>>>>> بدا التفلم عندي هههههههههههههههههه
قال ليش ماشفتي اللافته
وارد واقوله اشمعنا الي جدامي طوفتهم يت علي انا
يقول ماشفتهم >>>>>>>>>>> اهني بدا التفلم عند الشرطي هههههههههههه اشدعوه عمي خو سياره مرت جدامك مو نمله عشان ماتشوهم


المهم ناده رفيجه وايي رفيجه ويعيد نفس المنوال ليش ماليش

ويوقفون على جنب ويتناقشون جنه قضيه بطو جبدي

آآآآآآآخر شي جان ايي ويقول خلاص احنا مسامحينج لا تعيدينها >>>>>>>> يعني متفضلين علي

عاد ايامها كنت مستهتره شوي الحمدلله ثقلنا الحيل

بس سلمني الليسن
وادعس بالانفوي واقحص عليه وامشي >>>>> مادري اشلون كنت اسوي جذي

زين انه مالحقني



ابييييييييييييه جني قلت قصت حياتي طولت عليكم
يسلموووووووووو عالموضوووع
وااااااااااااايد حلو

 

[اشتياق]

لوووووووووووووووول اشوى عقلتي والا جان انتي بالسجن الحين لوووووووووووووووووووووووول

 

[عهود الحب]

رد : ابداعاتج أول ماسقتي سياره..تعالوا سولفولي عطوني أمل لووووول

الشاطر شاطر من اول مرة

انا لي سنين ولازلت حمارة بالسواقة تكرمين

والمشكلة محد يركب معاي وكله يتشهدون على عيالي

وللحين الي يحاجيني واناا سوق اتدوده


ودلالة ما أدل


اخاف اقولج انا اسوق من متى تنصدمين


خلاص حالتي ميئووس منها

 

[اشتياق]

عهود

 

[شندوخه]

رد : ابداعاتج أول ماسقتي سياره..تعالوا سولفولي عطوني أمل لووووول

انا قصتي نكته مو قصه
اول شي دربتني مره واهي بالاساس اصلا يبلها تدريب لوول تخيلي توديني خط سريع وتقضبني اليمين على سرعه 60
ابوي يوم درا زفني واغيره واروح لمدرب سوري الله يذكره بالخير ولازم واحد من اخواني معاي عشتو يعني محرم لوول
وخلالالاني على راحتي وادوووووس 120 وابتون الخطوط السريعه شحلاتي بس لاتدعس بين سياير ماقدر ماعرف
وشرولي السياره قبل لا اقص الليسن ومستانسه فيها وحالتي حاله
ومره من المرات قبل التراي اختي الكبيره قالت وديني المستوصف وانا كاشخه بسيارتي اليديده يعنني الكبيره حمدالله والشكر
وداشه شارع داخلي دااااااااايسه وسياير سافطين على اطراف الشارع بيني وبينهم شعررررررررررره واحكهم اختي قامت تصرخ بقمه راسها لالالالالالالالا انا من بعدها تعقدت وقلت لابو السواقه لابو التراي لابو اللي يسوق زين لووووول
ولي يومج والله ماسوق اركب مع السايق واذا مرت يمنا شاحنه اقعد اصرخ دش فينا دش فينا السايق صار يعرفني يحقرني لووووول
والسياره خذاها اخووي وسلامتج

 

[Eva-SS]

ويييييه عادي تتعلمين .. كلنا جذي قبل

انا اخذت الليسن بواسطه ولا حتى رحت للتراي ولا تدربت .. دربني الوالد على وانيت قير عادي خخخخخخخخخخخخخخخ مانغشمر حنا

ويوم سقت حطوا تحتي بلاند كروزر جنه موديل 99 طبعا هالكلام قبل 5 سنين تقريبا .. وكل دعماتي كانت بيبان طوف ارصفه .. دعمت باب بيتنا مرتين مره صلحوه والثانيه ليما الحين باب بيتنا مايصكر ماصلحوه مخلينه ذكرى لووووووووول


الحين لا تشوفيني ابتون وادوس صرت حريفه ..

خل اقولج موقف صارلي ليما الحين مو ناسيته عاد ياكثر حوادثي اول ماسقت وكلها سخيفه هههههههههههههههه عاد اول ماسقت كنت احط موبايلي جمبي لما اسوق بس اذا دق مارد بس اشوف منو دق علي ماكنت اعرف اكلم وانا اسوق .. المهم مرا دق اخوي علي وانا كنت داخل المنطقه وبلف لفه U-turn المهم كان زحمة الشارع وفيه سيارات جايه انا رديت على التلفون وبدال ماحط رجلي على البريك دست بانزين دوسه قووووووويه طلعت بوجيه السيارات وخمست بنص الشااااااااااارع عاد اول مارديت على اخوي جان اقوووول لااااااا امبيه امبيه وصوت البريك والهرنات واسكر السماعه بوجهه هو حرقني يدق مارد عليه .. ولا اللي طالعه بوجهه سيارته وانيت مادري شسمه هايلوكس مال الشباب الكبير لحقني هههههههههههههههههه انا خقيت امبيه هذا شنو يبي يعني بيطقني ولا شنو .. طلع يغازل حمد لله والشكر وانا بغيت ادعمه

ومرا اول ماسقت بعد طالعه فيها يعني بسحب من الـ ATM بالسيارة والظاهر قربت السيارة حيل يوم سحبت وخلصت حطيتها على الـ D ودست جان ادش بالطوفه مالت البنك اللي وراي واقف يبي يسحب اشوفه بالمنظره يضحك ههههههههههههههههههههههه امبيه موقف بااايخ

 

[« لـ / غيـرگ »]

اذا استلمتي سيارتج بتسوقين بثقه

انا ابوي حط لي ستين مدربه ومانفع معااي

عطااني سيارتي ومن بعدهآ صرت حتى حولي والسالميه اروح لهآآ

طبعآ لازم دعماات بسيييطه < :denya: