ابرة التفجيرالبويضات بمستشفى الهادي ؟؟؟؟؟

[عروسه 99]

تكفووووووووووووون منو فيكم جربت هالابره تفجير البويضات واشرايكم فيها وهل يابت معاها نتيجه وامانه كل وحده فيكم تكتب تجربتها من ناحية هالابرة وشنو حست فيه تكفون والله انا قازتها ودي اعرف نتايجها هل منها نتيجه ولا لأ مع العلم انا ما فيني اي شي بس قزيتها فامانه ناطره ردودكم بليز ردوا علي عسى الله يرزقكم وينولكم اللي في بالكم انشالله

 

[بدوره 22]

هلا حبيبتي

انا غزيت هالابره بس ما سوت لي شي ...

واعرف بنات ماشاء الله انفعت معاهم ...

بس شلون غزوج اياها وانتي ما فيج شي ؟؟؟؟؟؟؟؟؟؟؟؟؟؟؟؟؟؟؟

غريبه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

 

[xxx]

هلا اختي

انا غزيتها وايد ومامنها ضرر ان شاءالله

بس لازم تكونين معالجه علشان يعطونج اياها

 

[كويتيه مذهله 87]

صح
مالها مضاار يقلبي

ولازم معاها علاج
انا كنت اقزها ومباايضي يعورني لان كبار بس ما يصير حمل سبحان الله

وايد بنات يااخذونها يحملوووووووووووووون

 

[المهذبه]

عااااادي حبيبتي وأذا التبويض عندج ممتاز مولازم علاج هي بس الأبره يقزونج عشان تحدد الجماع عشان تساعد بعدالله تحديد وقت الجماع بضبط لفرصه الحمل أكثر وكلي أمرج علي الله وأنشالله مافيها ضر بس لا تأخذينها واجد أذا أنتي طبيعيه وماحملتي هالمره بس أنشالله تحملين ياااارب...

 

[عروسه 99]

مشكوووووووووووورين حبايبي على ردكم ريحتوني الله يريحكم كلامكم حلو بس انا جربت هالشهر وانشالله الله يسهل علي بس هالعوار انا ماني عارفه شنو سببه واليوم لكن من بعد الجماع بيوم ماكو اي عوار يعني راح بس ماكو احد من الموجودات جربتها واحملت عقبها انا ودي اعرف تفيد بنسبة جم بالميه تقريبا وخاصة اذا الوحدة مافيها شي والبويضات زينه عندي والف شكر على ردكم والله يرزقكم انشالله يا رب

 

[كويتيه مذهله 87]

طبيعي تحسين بعوار

واذا مافيج شي ان شالله ياااربي تحملين هالشهر

 

[عروسه 99]

شلوووووووووووون يعني طبيعي ما فهمت يعني ووالعوار خف اليوم من بعد ما كان يعورني امس والله خايفه انه الابره تطلع بس كلام لاني ما سمعت احد مجربها اهني تدرين كويتيه مذهله والله جد ادعيلج من كل قلبي على ردودج ومشكوره حبيبتي وما تقصرين واتنمى تكونيين دايم متواصله معاي بالردود لاني ارتاح من اقراها والف شكر لج والله يرزقج انشالله يا رب

 

[عروسه 99]

بنات واللي يرحم واليدينكم ويرزقكم تكفوووووووون ردوا علي لا تخلوني بروحي وجنه اكلم نفسي من بين 73 وحده بس 6 اللي ردوا امانه كل وحده تدخل ترد علي اماااااااااااااانه عسى اللله يرزقكم ويوفقكم لا تبخلون علي بردودكم

 

[al7nooona]

والله ماعندي فكرة يالغالية

بس اذا تساعد ع الحمال بسال وبغزها لعل وعسى يصير حمل

والله يرزقج بالذريه الصالحه يارب

 

[عروسه 99]

مشكووووووووووره حبيبتي على ردج وانشالله ببلغكم اول باول عن هالشي وبقولكم عن نتايجها اماااااااااااانه ادعولي

 

[البندري22]

حبيبتي مافهمت انتي يعني مافيج شي وحمالج طبيعي ؟

ليش ناويه تغزينها اذا كان حمالج طبيعي ؟

وهل حملتي قبل او اول مره مو فاهمه قصدج ياقلبي

 

[F O O S H I A]

حبيبتي تصدقين انا مافيني شي و......................حملت وطرحت صارلي سنه وراجعت كلهم يقولون تحاليلي الحمدالله زينه انا وزوجي .... وبعدين في دكتوره قالت ليش ماتجربين الابره التفجيره خفت منها وطلعت والحيــــــــن وايد افكر اخذهاااااا علما مافيني شي بس تساعد فرص الحمل ...وانشاءالله عن قريب اكلم دكتورتي تعطيني اياهااا دام ما فيها ضرر ربي يكتب لج الذرية الصالحه يارب واعرف وحده خذتها وعقب 3 اشهر حملت ووولدت والحين حامل

 

[<Miss ROoSe >]

حبيبتى أنا مجربيتها وايد بس الحمد الله على كل حال حملت عليها مرة وحدة بس شرط يكون بعلاج
يعنى أنا كنت أعالج من ضعف بالتبويض وكنت آخذ كلوميد وجلوقوفاج 500 وبعدها خذيت أبر منشطة gonal-F 75
ولما صار التبويض عندى وايد زين خذيت الابرة التفجيرية عشان بعدها يصير جماع والحمد الله ماكنت متوقعة ان يكون فيه حمل
وبعدها بشهرين الحمد الله حللت الا وأنا حامل
ان شاء الله ربى يرزقج مثل مارزقنى ورزق البنات ولا تحاتين مافيها أى ضرر وايد بنات مجربينها​

 

[عروسه 99]

البندري حبيبتي انا مو حامل وما فيني شي اقصد بتحاليلي انه كل شي عندي طبيعي بويضاتي زينه وكل شي اوكي بس الدكتوره قالت لي غزيها عشان اتصير فرص الحمل اكثر ومشكوره على ردج

حبيبتي فوشيا انا خذيتها لانه ما وراها اضرار وعادي يعني بس ثاني يوم اتحسين مثل عوار دوره عرفتي يعني انشالله ماكو الا العافيه اخذيها وانشالله اذا انفعت معاي راح ابلغكم ادعولي تكفون عسى الله يرزقكم

كاكاوه حبيبتي انتي حاولي وانشالله اذا مو اول مره بتحملين بالثانيه او الثالثه اهم شي انج ما توقفين او تيأسين وانشالله ببلغكم عن اخرر تطوراتي حبيباتي والف شكر لكم وعسى الله يرزقكم ورزقني معاكم بالذريه الصالحه