ابرة الظهر ( او ) الكمام ؟؟؟؟

[coco honey]

السلام عليكم
حوامل بلييييز لو صار وقت ولادتج شنو بتختارين او شنو اخترتي ابرة الظهر او كمام وبس
وبعرف السبب
الله يسهل علي وعليكم

 

[iLLuMinaTion]

اعتقد في موضوع مشابه

 

[tho tho]

رد : ابرة الظهر ( او ) الكمام ؟؟؟؟

اي و الله هذا سؤالي بعد

 

[أبله كويتيه]

البنات الي اعرفهم مايمدحوون ابرة الظهر يقولون تسبب عوار بالظهر على المدى البعيد

يعني عقب الولاده فتره تبدين تحسين فيه

 

[الأميرة كيرارا]

آنا جربت الكمام ما جربت إبرة الظهر
مافي أعراض بعد الولادة بس اثناء الولادة تكونين حيل دايخة
و غصب يصحونج

 

[ba6bo6a1]

http://www.q8yat.com/showthread.php?t=800985

 

[الأميرة جوري]

الكمااااااااااام ابره الظهر تسبب مشاكل والمشكله لي غلطوا الله ياكفينا الشر

 

[أأأميرة الورد]

رد : ابرة الظهر ( او ) الكمام ؟؟؟؟

الكمام من مستشفى لمستشفى يختلف بعضهم ماتحسين بالالم وبعضهم تحسين بكل شي
انا اخذت ابرة الظهر صج راحة وقت الولادة بس صج الالام ظهري مستمرة لبعد الولادة بفترة
وصج مكانها يخوف انا خفت حيل
الله يهون على كل حامل

 

[غنوة ستايل]

جربت ابره الظهر بولادتي القيصريه تخوف صج وتتعبين يومين عقبها لان ممنوع تنامين ع المخده لازم السرير يكون سيدا يعني جنج نايمه عالارض وتخوف لدرجه اني رفضت اني اشوفها وبس اتشهد من الخوف ،،،،،،،،،  ومع هذا اهون من الكمام لان سوالي حساسيه وبس ارجع منه

 

[sweeta77]

والله انا كنت اخذ الكمام بس احس بكل شي والالم يعني ما يفيد بس يدوخ شوي

 

[حجيه هيونه]

بالنسبه لي ماقد جربت الابره اكتفي بالكمام


والتساهيل من رب العالمين

 

[دمثة]

انا اخذت ابرة الظهر برويال حياة عجيبة ولاحسيت بشي بس بعد الولادة يشيلونها تحسين بالم بالظهر يعطونج مسكن وطبعاا العوار يروح والله يوفق الكل والجميع


اما الكمام وع وع دوخة وريحة وعوار راس

الله يسهل على كل حامل ويقر اعيونها بضناها الي ببطنها بصحتة وعافيته يارب

 

[أنفاسي دخون]

ما جربت ابره الظهر اخاف منها ومن نتايجها عقب الولاده

الكمام يخليش بعالم ثاني ممتع وكريه بنفس الوقت

انتي استخيري واللي يهون ولادتش

 

[*احلام*الدجى*]

حبيبتي صلي استخاره اعرف وحده خذت ابرة الظهر تقول ولااااا جنه ولاده مقارنه بعوار ولادتها القبليه مع الكمام بس همن وحده انشلت الله لا يبلانا ما تسوى عليها لو مستحمله العوار ابرك عشان جذي لو بتسمعين كلام الناس ما راح تاخذين ولا تخلين كلمن يمدح ويذم وكلي امرج لله والله يسهل عليج

 

[coco honey]

http://www.q8yat.com/showthread.php?t=800985

مشكوره حبيبتي
بس ماقلتي انتي اخذتيها او بتاخذينها

 

[ام محمد***]

واللي مااجربهم اثنينهم


يعني الالم عشته من طقطق لسلااااااااااااام عليكم
وتعالي شوفي الاحساااااس مدوووبل لما ينزل الياهل 4 ونص

ااااااااااااااااااااااااااااااااااااااااااااااااااااااااااااااااااااااااه


بس الكمام اضمن للسلامه
واايد اسمع من اللي خذوا ابرة الظهر انه البعض يصيبه شلل

والله ييسر لج الولاده

 

[زينانه]

انا دايم كمام وما اطلب ابرة ظهر
اخاف من مضاعفاتها او سبحان الله ماتنطق عدل... وعساني مااحتاجها
هذا غير انها تدخل بمكان حساس وخطر(العمود الفقري)
وحتى الكمام كثرته موزينه
يعني الدكتوره اللي ماتزيد لج على قوة الكمام هذا لمصلحتج

 

[دآنة آلرشآيده]

الكمام على حسب المستشفى
وابره الظهر عجيبه ماتحسين بشئ
بس جسم عن جسم يفرق صلي صلاه استخاره

 

[؛؛حلاوه؛؛]

رد : ابرة الظهر ( او ) الكمام ؟؟؟؟

واي حيرتوني بنات عمي ٢ ماخذين ابرة الظهر حيل يمدحونها

 

[fun88]

انا محتاره .. ولارتي قربت وللحين ما حددت

خالتي ماخذتها وحييل تمدحها تقول يا ليتني ماخذتها بعيالي الاربعه اللي طافووو

ولها الحين 6 شهور ما شكت من شي الحمد الله بس تقول اذا سجدت احسن بمكانها .. وانا ما ادرري شاسووي ...