ابرة فيتامين د

[أم الهواشم]

السلام عليكم بنات بخصوص هالابره منو خذتها وهي حامل ويعطيكم العافيه

 

[دلوعة المطران]

.


.


انا دكتورتي نصحتني فيها بس يووم قلت لها افضل الحبوب جان تنصحني بحبتين يوميااا بدال الابره ,,

 

[أم الهواشم]

مشكوره اختي عالرد منو دكتورتج انا اخذ حبوب الكالسيوم مع الفيتامين د بس هم قالت لي اخذ الابر

 

[om MaRyooM]

لاتاخذون شي مني والطريج ومافيكم نقص فيه


يعني اذا مافيج نقص فيتامين دال او بالكالسيون ليش تاخذون الابرة !!!!!!!!


وحبوب الكالسيوم اذا لزم وانج تبين تاخذينها لاتاخذينها كل يوم
لأن كثرة الكالسيوم بالجسم خصوصا الحبوب .. تسوي حصوة وامساك قوي

 

[دمثة]

انا اخذته لانه فيني نقص فيتامين د واخذت كل شهر ابرة لمدة 3 شهور والحمدالله تحسن واحسن لج

 

[ام أحمدووه]

أنا كان فيني نقص فيتامين د
ودكتورتي حولتني على دكتور عبدالناصر العثمان وااااايد ممتاز عيادته بالجابرية
وعطاني حبوب ٣ مرات بالأسبوع

 

[tho tho]

انا اخذتها بالرابع و الخامس و السادس
الدكتوره قالتلي اخذيها عشان لا يصير بالبيبي هشاشة عظام

 

[أم الهواشم]

يعطيكم الف عافيه ماقصرتو على الردود بس بسال اللي خذتها منو دكتورتها وشلون خذيتي الابره من المستوصف

 

[ورده عنابيه]

بنات انا عقب ولادتي القيصرية صارلي اربع شهور عظامي تعورني وحتى ماقدر اقعد عالارض تهقون احتاج فيتامين د

 

[tho tho]

يعطيكم الف عافيه ماقصرتو على الردود بس بسال اللي خذتها منو دكتورتها وشلون خذيتي الابره من المستوصف

الله يعافيج ياقلبي
اذا اتراجعين بالصباح دكتورتج تعطيج الابره كل شهر
اما اذا خاص لازم تشترين الابره و اتغزينها بالمستوصف

 

[Mednight Rain]

انا كان فيني نقص بهالفيتامين وحولتني دكتورتي للدكتور عثمان عبدالناصر وعطاني هالحبوب 3 مرات بالاسبوع لمده شهر وتعادل ابره وحللت بعدها طلعت النسبة زينه الحمدلله بس نشفت جسمي ومت من العطش
وصار العكس نزلت نسبة الكالسيوم