ابرة نحت الخشم دعواتكم حاليا بسويها وحدي خايفه :(

[غرور 9]

تكفووووووون ادعولي تو حطولي تخدير موضعي لنوزي بقز ابر النحت وربي يستر دعواتكم خواتي واي سؤال مايردكم الا لسانكم وبنقل الي صار معاي بالحرف الواحد وربي ع ما اقول شهيد

 

[الاسكريم]

الله يشفيك

 

[بشوفتك ارتاح]

حياتي ابي اعرف اي دكتور سويتيه عنده و بجم و شنو نتوجه الله يتمم عليج

 

[~ كرز ~]

انتي مسوية تجميل و لا لأ


بالتوفيق

 

[رتو الكيوت]

حطي صوره ابي اسويها : (

 

[غرور 9]

خلصت ولله الحمدالي سالتني عن التجميل لا حبيبتي انا مو مسوية شي خير شر هاذي اول شغله اسويها بحياتي

 

[غرور 9]

سويتها عند دكتورة ارمنيه وخذت مني ٣٢ دينار حق ابرتين وفتح الملف يعني السعر شامل

 

[غرور 9]

اي سؤال كاني موجوده

 

[عزوتي خالديه]

حبـيـــبـــتــــي حطي التفاااصيل

و جم جلســـه ؟؟ ^^ ؟ سويتي ؟ وحده ؟

ولا يبيلج اكثررر ؟

 

[بشوفتك ارتاح]

وين مكانه ؟ شنو في خشمج انا في عظمه وادي اطق ابره تنفعني ؟

 

[غرور 9]

حياتي التفاصيل بالحرف الواحد اني دشيت عند الدكتوره وحطولي مخدر موضعي لمدة نص ساعه تقريبا ويتني الدكتورة واستفسرت منها كل الي بخاطري والي يريح الدكتورة نفسيتها عسل وربي
المهم ماطول عليكم قزتني اربع ابر ثنين فوق بالعظم او الغضروف وثنين ع الجوانب وانا خشمي مدلقم وعوي شوي وقالتلي كل ابرة بينقص من حجمه ملي واحد وبالاخير انا اقرر واقولها ستوب جذي عجبني يابنات عشان ابري ذمتي الابر الي فوق بالغضروف ماتعور بس نغزة خفيفه اما الي بالجوانب تعور وربي بس شنسوي الي يبي الدح مايقول اح وحطتلي مضاد حيوي عليه وبس

 

[غرور 9]

وانا اليوم بلشت باول ابرة وباقيلي خمسة باذن الله كل اسبوع وحدة بس ترا في بعض خشوم يبيلها ثلاث ابر يعني ع حسب خشمج وجذي

 

[غرور 9]

الي فيها عظمة بالانف تنفعلج ونص توكلي ع الله ولا تترددين

 

[انوثتي غير وياك]

تهنين

وين مكان عيادتها ؟؟

والابر مؤقته ولا دايمه ؟؟

وكل جلسه تدفعين 32 ؟؟

 

[غرور 9]

مكانها بالجليب ولا تستغربون هاذي كنز والله طيحني عليه هههه وقلت استفاد وافيد خلق الله والابر مؤقته ياقلبي من ست لي تسع شهور ولا مو كل مرا تدفعين هالسعر بس اول مرا والباجي كل ما تيينها تدفعين حق ابره وحده يعني ١٥ دك

 

[غرور 9]

وربي احس خشمي فش مع ان ملمسه وايد صلب صار بس المهم الشگل يارب لك الحمد

 

[بشوفتك ارتاح]

الحمد الله علي سلامتج والله يتمم عليج

 

[ام شريفه]

بالتوفيق

بس شالفايده اذا ست شهور بس

 

[ام عيالي]

اشصار وياج الحين
اشلون خشمج صار
اول مره اسمع عن دكتوره ارمنيه بالجليب اشلون عرفتيها هل في تجارب لناس تعرفينهم عندها
تنفع للي تبي رفع خفيف بس
انه خشمي حلو بس ابي ارفعه شووووووي
اشلون تقولين تنفع للعضمه يعتي الابره شتسوي بالعضمه
هالدكتوره من زمان بالكويت
ممكن اسمها وعنوانها
عشان نبدا التحريات هههه
يزاج الله خير واسفه للإطاله

 

[احساس ملكه]

بلييز لا تقولين دار الصحه كلينك؟؟؟؟؟؟؟؟؟

لانه يذمووووووووووووونه