ابره المستوصف في الشهر الخامس .... صج ؟

[بنوتة أمها]

السلام عليكم

شلونكم :eh_s(6):

بس عندي سؤال

البنات بالدوام قالولي ان في ابره اخذها من المستوصف اول ما ادش الخامس و في ابره ثانية لما ادش السابع

يقولون عشان لا يصير في رئة البيبي ماي

صج ولا خرابيط ؟

و سؤال ثاني

:eh_s(3):

متى تحسون بحركة البيبي و شلون تعرفين حركته ؟؟


و شكرا حبايبي:eh_s(17):​

 

[NODA 2]

اول مره اسمع غريبه

 

[حلوه العسل]

في ابرتين تاخذينهم
بس مو بالشهر الخامس
لا بالشهر الرابع ةبالشهر السابع
انا ابجري خذيتهم بس الحين بالثاني اتعيزت اراجع بالمستوصف

 

[ديما ..]

رد : ابره المستوصف في الشهر الخامس .... صج ؟

ايه لازم حبيبتي تسمى ابرة القزاز لازم تاخذينها
اما عن حركة البيبي بالبدايه مثل حركه الفراشة وبعدين تزيد على شوي شوي وعقبال ما يرفسج هههههه امزح
الله يتمم لج على خير يارب

 

[q8 knosha]

رد : ابره المستوصف في الشهر الخامس .... صج ؟

انا قالولي في ابره لازم اخذها بالشهر الرابع من المستوصف
بس يوم قلت حق دكتورتي قالت لا مالها داعي
لان هذي يعطونها حق الوحده مثل تطعيم حق اللي يوللدون بالبيت وقالتلي دام انتي بتولدين بمستشفي مالها داعي لان بتكون كل الادوات معقمه

 

[Ni8 Ni8]

رد : ابره المستوصف في الشهر الخامس .... صج ؟

الابره تمنع التسمم عندج
وخاااصه من الاكل اللي تاكلينه بالمطاعم وغيره
ودكتورتي تقول ان في وقت الولاده من الممكن ان الام او الطفل يجيهم فايروس
وهذي الابره ان شالله تمنع هالشي عنج

انا اخذت وحده قبل اسبوعين بالخامس
والثانيه شهر 3 ان شااالله

واذا مافادتج الابره ماراح تضرج
انصحج اخذذذذذذذيها لاتعاجزين
ويكفي ان طريقتنا بالاكل كلها غلط
ززززززين اذا اكلنا شي مفيد

 

[الــــغاليـــه]

رد : ابره المستوصف في الشهر الخامس .... صج ؟

انا رفضتها الصراحه مادري خفت!!! اهي حق التعقيم يعني اللي بتولد في مكان مو معقم عشان مايحوشج فايروس وبعد الفايروس طبعا الله لايقول غيبوبه

 

[دنيتى زوجي M]

هذي ثاني مره اسمع عن هالابره انا كلش ماقالو لي لا بمراجعتى بالحكومه ولا بالخاص

ان شاءالله البنات يفيدونج

 

[قطرة مطر83]

رد : ابره المستوصف في الشهر الخامس .... صج ؟

ايه حبيبتي روحي اخذيها احسن لج و اذا ما انفعتج ما تضرج .

 

[أم شيــ@وخة]

رد : ابره المستوصف في الشهر الخامس .... صج ؟

وي انا توني اخذتها بالشهر السابع والدكتورة قالتلي تأخرتيالمفروض أخذ وحدة بالخامس ووحدة بالسابع
هذي الابرة مثل التطعيم الي ناخذة بالمدرسة قبل وقالتلي ان كل 10 سنين لازم الوحدة تاخذها لانها تقوي المناعة
وتمنع اي فايروس او جراثيم تأثر علي الام والجنين والي احتمال تصيبهم اثناء الولادة مثل قطع الحبل السري
انا خذيتها احتياطي عشان ما اتحسف بعدين

 

[قلبي القرآن]

رد : ابره المستوصف في الشهر الخامس .... صج ؟

اول مره اسمع فيها !!!

 

[eli87]

انا كنت حامل على بنتي كنت اراجع مستشفى السلام ماخذيت ابر وليش جذي يعني : انا الي روح الخاص لازم اشوف اهتمام اكثر واحسن والحين انا حامل بشهر الخامس عيل لازم اقول حق الدكتورة خوفتوني لوول

 

[حرم بدر]

رد : ابره المستوصف في الشهر الخامس .... صج ؟

ابره التسمم وحده بس بالسادس

وحركة البيبي تقريبا نهاية الخامس او السادس على حسب

ولعى حسب اذا انتى بجر تحسين بالحركه متاخره

 

[!الجادل الصعب!]

رد : ابره المستوصف في الشهر الخامس .... صج ؟

محد قآلي عنها ..!

 

[@سيدة نفسي@]

رد : ابره المستوصف في الشهر الخامس .... صج ؟

ابرة الشهر الخامس هي ابر ة التيتانوس

وتاخذينهاا مرة وحدة كل خمس سنين .. هذا الحجي

اللي قاله لي دكتور المستوصف ..

 

[سبائك]

رد : ابره المستوصف في الشهر الخامس .... صج ؟

هذي ابرة التسمم اخذيها

ابرة الرئه اعتقد يعطونها بالثامن

وعلى فكره الخاص ما يحرصون عليها

 

[غنوة ستايل]

لا ياقلبي الابره حق تسمم غرفه العمليات
عباره عن جرعتين . بأول الحمل و بآخره

 

[رشرشني بعطره]

رد : ابره المستوصف في الشهر الخامس .... صج ؟

حبيبتي لازم هالأبرة ومثل ماقالت (سيدة نفسي) كلامها عين العقل وهذا الكلام الصح
لازم تاخذينها اذا بجر وتتم بالجسم لمدة خمس سنين تحمي البيبي الاول واذا في ثاني ان شالله بعده من التشوهات والامراض الله يكافينا الشرويبعد عنا
واذا حملتي بعد خمس سنين حتى الدكتور يسألج متى اخر مره حملتي؟ واذا كانت المدة اكثر من خمس سنين او 4 سنين يعطيج اياها لحماية البيبي... ولازم تاخذينها حبوبة ضرورية

 

[Mednight Rain]

رد : ابره المستوصف في الشهر الخامس .... صج ؟

انا سألت دكتورتي وقالت ماله داعي طالما بتولدين بمستشفى
هالابره عشان اللي يولدون بالبيت او السيارة واي مكان مو مهيأ للولادة بس المستشفي مهيأ ومعقم
والله أعلم

 

[om_7amny 85]

رد : ابره المستوصف في الشهر الخامس .... صج ؟

مالها داعي انا اخذتها بأول حملتين لي بالخامس و المره الثالثه الدكتور قالي رى مالها داعي مو لازم و ماخذيتها و الحمدالله ماكو الا العافيه
ترى حريم قبل لا ابر و لا فيتامينات ولا شى يعنى عادي اذا مالج خلق مو لازم