ابر الصايغ كلينك للتخسيس مشكلة

[Miss_Moon]

السلام عليكم شلونكم بنات .. حبيت اقولكم قصتي مع الصايغ كلنك وابرهم اللي حسبي الله عليهم خرموا جسمي خرام .. مدحولي ابرهم وايد ناس ودقيت عليهم اخذ موعد طبعا قالتلي الموظفة الابر خلصت وعطيني رقمج واحنا اندق عليج لي وصلوا طبعا متى كلموني عقب 6 شهوور وقالولي الابر وصلت طبعا انا متت من الفرحة قلت بتتحولين الى سمبتيكا
رحت هناك وشافتني الدكتوره قنال الصايغ وقالتلي هالابر راح تخليج تضعفين طبعا قيمتهم 600 دينار وانا خبلة سويتهم وغززتني 120 ابره ببطني لان انا متني في منطقة البطن .. المهم الله وكيلكم 3 ايام ماني قادره اقوم من الفراش وبطني صار مزوورق جني محرووقة وطبعا عطتني جلسات مساج الجلسة قيمتها 25 دينار ولبس حق الجلسة قيمته 8 دنانير .. يعني نصب في نصب .. المهم سويت الجلسات عقب نطرت شهر شهرين الحين صارلي سنتين ماكووو نتيجة والترهل اللي ببطني زااد حسبي الله عليها .. مدامها تدري انهم ماينفعون عيل ليش مسوي دعاية حقهم ..

وانا انصح كل بنت تسمع عن ابرقنال الصايغ انها ماتفكر تروووح لا حق الابر ولا حق البشره لان يوم دشيت عليها للاستشارة عطتني كريمات حق البشره من صيدليتها اللي تحت الكلينك استخدمتهم يومين واليوم الثالث تقشر ويهي وصار جني الرجل الاخضر معني كنت قايلت لها ابي شي يصفي البشرة وانا اساسا بشرتي مافيها شي كلش لا حبوب ولا عماة عين بس تدرون ملقوفه بجرب كلشي وتحسفت ..

هذي قصتي ويااريت تتعضووون من هالاطبة اللي كل شوي طالعيلنا بشي عشان ينصبون عليينا

وسوري على الاطالة

 

[^مزهريه^]

ممممم
قهر والله على هالفلوس وماكو نتيجه
قنال للبشره جربتها زينه
بس حق هالسوالف لا والله
وصج انا سمعت انه عندها ابره بخمسين سعرها جنه
بس ترا الجهاز مال المساج انا جربته مره وماقدرت اكمل بس مو عندها طبعا ..
اهوا زين والله انا شايفه ناس ضعفوا منه اسمه ال بي جي
بس غااالي ونتايجه بطيئه شوي بمس ون ..
عاد انشالله راحت آثر الابر منج؟؟!!

 

[Miss_Moon]

اي الحمدالله السالفة من سنتين بس المشكلة الترهل بس جني بجرب المعهد الصيني يمدحونه

 

[^مزهريه^]

شورانا غير التجارب

 

[Miss_Moon]

اي والله شنسوي

 

[أضوى1]

والله انج صاجة هالقنال هذي نصب بنصب ... حسبي الله عليها

أنا سويت عندها مساج الاندرومولوجي اللي يسمونه ال بي جي مال تكسير الدهون والسليولايت بديت عندهم الجلسات وعطوني معاها رجيم قاسي وقالولي سوي رياضة انا نقصت جم كيلو عالرجيم بس المساج والكورس مالهم فااااااااااااااااااااااااااااااااااااااااااااااااااشل مع اني سويت ال 15 جلسة كلها بدون ما يصير شد والسليولايت ماراح الا جنه زاد عن قبل . صج ياخسارة الفلوس اللي قطيتها عندها .. كنت آخذ جلستين بالاسبوع الجلسه مره تصير ب 30 ومره 35 وعليكم الحساب غير فلوس فتح الملف والفحوصات يمكن وصلت ال 800 دينار كلها . صججججججج قهر لو مسويه شفط لفخوذي جان أبركلي .

 

[كتكوته كويتيه]

انا جربتها نصبت علي و خذت فلوسي على الفاضي
سنـــــــــــــــــــــــــــــــــــــــــــــــــــــــــــــــــــــــــــــــــــــــــــــــه كامله و انا اعلج بشرتي كل مراجعه تقولي راح يخف و اكو الا الخرطي
اخر شي قالتلي انا كل شي اعرفه جربته عليج لا تيجيني مره ثانيه
حسبي الله ونعم الوكيل
عقبها رحت حق الجريوي صفى ويهي بشهر

 

[bnt q8 in usa]

قطيعه من هالسوالف الي اسمعه عنها كرهتها ونفس الشي سوت بحماتي العبت عليها لعب

 

[رند]

انا من زمان وما ارتاح لقنال احسها ماديه
ماكو احلا من دكتوره انجيللا بلندن كلينك ارمانيه بس صج روعه وشغلها سنع

 

[الجــادل]

انا ما جربت سوالف التخسيس


جربت البشرة وحيييل زينة ونفعت معاي .. بالاول بشرتي صارت تخرع بس قالت لي عادي لان التقشير يسوي جذي وبعد شهرين صارت بشرتي رووووووعة واستمريت معاها سنة كاملة لين خلصت علاجي

الله يعوض عليج اختى ... وترى الترهل والتخسيس ما ينفع الا الرياضة والريجيم او العمليات

 

[غلطة حياتي]

مشكووووووووووووووووووره عمري على هذي النصايح بعد عمري عذبوج حسبي الله عليهم عسي زقوم ببطنهم هذي الفلوس سلامات يالغاليه

 

[شيهانه]

اي والله نصابه هل قنال انا رحت لها علشان التشققات الي بطني عطتني كريم اميلين ب 60 دينار الخايسه وشريته وقطيته بعد فتره نشف واصلا اهو حق الوجه ما يكفي اشلون بيكفي حق بطني وظهري تقول حطي بقطنة الاذون وبعدين قالتلي سوي تقشير كريستالي حق بطنك وخذت 100 دينار بالجلسه النصابه اصلا كاني مسويه سنفره بالملح ولا تغيرشي ببطني ولا صار احمر حتى حسبي الله ونعم الوكيل

 

[Miss_Moon]

اي والله الحمدالله على كل حال كل ما اتذكر السالفة انقههر بس يالله ماعليه السالفة صارلها سنتين

 

[cacaw_q8]

السلام عليكم اختى صج كلامك انا نفس الشى صار معاى وقطيت تقريبا سعر الابر 200 دك وحق جلسات المساج 150 هالانسانه نصابه ولا فى اى نتيجه صدقتى ياعزيزتى والله يعوضنا

 

[Miss_Moon]

اي والله الله يعوضنا

 

[Kuwait]

توني كاتبه عن تجربه رفيجتي معاها وابر الميزوثيرابي قضضت رفيجتي عالفاضي اصلا البنت احس انها موشوشه الحين من خرعه الابر لووووووووووول
شغلها خرطي حده

 

[Miss_Moon]

لوووووووووول اي والله ماتنلام حسبي الله عليهم

 

[Fouz]

مشكورة اختي على التنبيه

 

[MiSs^o^OrGaNzA]

الله يعوضج ان شاء الله ومرة ثانية لاتروحين الا حق احد ثقة

اصلا قنال ما سمعت احد يمدحها!

 

[طير الحب]

من حرقت ويهه رفيجت اختلى وعطتها فلوس قالتلها عالجى بره وانا ما احبها