ابر او ليزر لازاله الخطوط الحمرا

[حلوه بكيفي]

السلام عليكم
شلونكم خواتي

انا حامل في اخر التاسع وبجريه وطبعا بطني تشووووه من الخطوط الحمر ونفسيتي زفت بسبتها مو خط ولا ثنين لا بشكل فضيع وسمعت عن ابر تشيل هالخطوط وجنه في ليزر بعد بس ما ادري وين اروح :eh_s(11):
واللي يرحم والدينكم اللي تعرف عياده زينه ومضمونه تقولي
وعسا ربي يفتح ابوابه اللي يساعدني
والله نفسيتي زفت بسبب هالخطوط ومابي خلطات ابي حل سريع كانت بطني مافيها شي وباول او نص السابع طلعلي خط صغيروووون وقلت خلاوخره قبل لا يكبر ويتفرع وش يت خلطه من من تاجره الله يسامحها مع ان الكل يمدح فيها ومعروفه واستخدمتها اسبوع وقب جسمي حساسيه فضيييييييعه لدرجه اني ما انام وابجي منها نفس العنقز وتمي قالت لي اقطعيها وقطعتها اسبرع وراحت الحساسيه بس عقب نو عقب ما تشوووه جسمي والخطوط قارت فضيعه كل من شافها انصدم انها شلون طلعت بسرعه وانتشرت بهالشكل الفضيع والله امي تقولي جنها مخ وسوري علوصف صف بس من كثر ما يلوع الجبد شكلهم
ماراح اقول الاسم مابي اقطع رزقها ( قطع الاعناق ولا الارزاق)
حسبي الله

 

[ام عبد العزيز م]

لا حوله ولا قوه الابالله حبيبتي استعملي زيت اركان لي عندي وانشالله يخف

 

[حلوه بكيفي]

انا عندي زيت الاركان زوجي جابه من المغرب
بس يمكن استخدمته كم مره
وحاليا بس استخدم بيوتي ماما وصفه لي ذكتوري عقب ما انصدم من بطني

 

[حلوه بكيفي]

انا مابي كريم ولا زيت واحط واعابل ويمكن يروح ويمكن لا
انا ابي حل مضمون علشان جذي ابي عياده مضمونه تسوي ابر ولا ليزر

 

[عشق رسامه :$]

سوي طريقة انل وماي ورد حاطين تجاربهم عن الخطوط الحمره والبيضا وشوفي النتييجه وايد حلوه مع الجهاز السحري اهما يسوون جذي كلميهم بالخاص ويعطونج الحل وعندج بعد جراس ماتقصر وحاضرين

 

[قموووره]

عقب الولاده ان شاء الله لي ولدتي بالسلامه دهني بطنج يوميا بزيت زيتون لانه يشد البشره وايد زين اذا داومتي عليه ويبيلج ست اشهر عالاقل بعد الولاده ماتسوين شي خلج على زيت الزيتون وشوفي النتيجه واذا بعد ست اشهر ما شفتي الي تبينه في ليزر اسمه فراكسل وموجود في بيلا كلينك وايد حلو والجهاز عندهم مطور وايد انا جربت الفراكسل اهو يعالج اشياء وايد غير السترش مارك انا سويته بس حق ويهي ويبيلج جم جلسه يعني عالاقل اربع جلسات
على فكره الليزر هذا يعتبر من اقوى انواع الليزر وهو ترى حار يعني يعور وسعر الجلسه من 180 الى 200 دينار
موفقه ياعيوني​