ابشركم حجزت؟

[الغلا؟]

ابشركم يا حبايبي ومشكورين على المعلومات االلي عطيتوني اياها
وهاللله اللله بالبرامج السياحيه الحلوه لاني ابي اشوف كل شي في ماليزيا ومابي يطوفني شي
حجز على القطريه لشخص 276
كواللمبور 9 ليال (غراند مالينيوم ) االليله 41
بينغ 4 ليال (بيف يو بيش ) اللليله 40
الطيران الداخلي 100 للشخصين
شرايكم ولا تنسون ابي منكم برنامج سياحي كامل

 

[sara-84]

تروحين وتردين بالسلامه لكن غيري حجزج بجزيرة بيننج وحجزي بفندق يارك رويال حده عجيييييب اهو منتجع كامل ونفس شارع بيو بيتشوبالنسبه للبرامج دخلي منتدي العرب المسافرون او منتدي سفاري بتلقين كل المعلومات تقريبا

 

[ريومه المزيونه]

تروحين وتردين بالسلامه


بس حبيبتي 9 ايام واجد على كوا?

حطي 3 ايام لجنتغ لانها رووووعه وماتطوف خصوصا جوها البارد

 

[الغلا؟]

سارون ريومه ثانكس

 

[Watches]

أي صح وايد 9 أيام كوالا .. ليش ماتفكرين تروحين لنكاوي بعد حلوة ..

 

[0ام الحلا0]

الله يهنيج

 

[om MaRyooM]

بالعافية عليكم ياقلبي




بس بعطيج نصيحة وانشالله تتقلبينها .. من خلال تجربتي بقولج

ترا الطيران القطري روووووووعة .. زين تسوين
والطيران الداخلي ترا وايد ماخذين منكم... لو رحتو من مطارهم هناك وحجزتو داخلي بيطلع على الواحد بحدود15الة30 دينار بس .. وكل ساعة اكو طيارة يعني ماتتوهقون

وبالنسبة لكوالالمبور 9ايام وايد عليها !!!!!!!! صج واايد

انا قعدت 10ايام طقت جبدي .. يعني 5ايام وزود .. تزورين جم مجمع وتروحين افاموسا(اكبر منتجع بالعالم) وتروحين منطقة جنتنغ(مدينة العاب بالسحاب) وبس ..

انا لو منج اقعد 5 يام في كوالالمبور .. وباجي الايام في بوكيت .. والله بوكيت مو بس روعة الا ادمااان ..
او على الاقل اذا ماتقدرين على تايلند قللي عدد ايام كوالالمبور ..

مادري انا كانت تجربتي مو شي مع ماليزيا .. وانشالله تتهنون ياقلبي

 

[فرحه عمر]

هلا يا قلبي تروحين وتردين بالسلامه
انا مثلج للحين ادور بالنت حجوزات والصراحه هالسنه الاسعار ناااااااار
التذاكر الداخليه فعلا ترى وايد ماخذين منكم زياده يمكن 50 -4- دينار ترى بس اذا انتو ماتعرفون لغه وخايفين تتوهقون ولا مالكم خلق خليكم على الحجز

بيننج حلو الفندق انا ساكنته رووووعه والغرف كبار وفي معلومه يديده قالوها لي البنات انه في السطح عندهم حمام سباحه خااااااااص تحجزينه انتي وريلج
وكوالا لمبور مثل ماقالو البنات وايد خليها اسبوع كافي منها يومين كامليت تطلعين حق جنتنج وتردين بالليل لانه صغيره وبيوم واحد تفرينها كلها ويوم ثاني حق افاموزا انا مارحت لها بس وايد يمدحونها يبقى عندج من الاسبوع خمس ايام وزعيها بالسوق يوم klcc ويوم صن واي لاغون ومجمع الماينز بنفس المنطقه افضل تروحين لهم بيوم واحد مدام مامعاج يهال وباجي الايام على الراحه متى ماشبعتو نوم تطلعون بس ترى 10 ايام وايد انا حماي كان مسافر معانا وتوهق مايعرف لغه طلب منى ادورله حجز يرجع معانا بس مالقى يقول طقه جبدنا

واذا ميزانيتكم اوكي وتقدرون وودكم بعدد هالايام روحو بوكيت او سنغافوره ترى قريبه من بيننج وايد يعني تكون سنغافوره 4 ايام بعدين بيننج 4 ايام واخر شي كوالالمبور 5 ايام
وبوكيت بروحها يبيلها 5 ايام اذا ماتبين سنغافوره وتردين بالسلامه

 

[أزهااار]

تروحين وتردين بالسلامة

 

[الغلا؟]

حياتي مشكككورين على ردكم كلن بسمه

 

[Tender Heart]

عليج بالعافيه والله يسمح دربج بس صج ليش ناسيه لنكاوي حلوه ماتطوف ؟؟؟؟؟؟؟؟؟؟؟؟؟

 

[الجورى 2007]

مبرووك يالغلا وربى يسهل دربكم
انا تونى رادة من ماليزيا وسكنت بالملينيوم صج فندق راقى
بس كوالا حدها خمس ايام بالكثير وروحى مرتفعات جنتنغ باردة وحلوة واسكنيى فيها لو ليلة طبيعة حلووة والتل فريك حلوو
وتبعد ساعة عن كوالا انا سكنت فندق روعة فيه بلكونة اسمه اوانا وفيه مساج للنساء تصعد لحد غرفتك واسعارهم حلووة
وافا موسى منتجع وفيه حديقة سفارى حلووة وفيها فعاليات بس حارة شوى تبعد اربع ساعات عن كوالا

ولا تطوفك الجزر واتمنى لك رحلة سعيدة

 

[الغلا؟]

تيندر هارت
موناستها بروحلها رحله بحريه يوم كامل من بينغ
الجوري عليج بالعافيه والحمدالله على السلامه

 

[الغلا؟]

فرحة عمر
جنج طيرتي قلبي على سنغافورا
ولو بروحلها شلوت اروحلها ؟ طيران داخلى او رحله بحريه
وهل يكفيها 3 ايام ؟
وشنو فيها اماكن سياحيه ؟