ابشركم .. قررت انشر كتابي .. بسسسس !!!!

[S.O.S]

لسلام عليكم حبايبي

شلونكم؟؟؟

حبيت تكونون اول ناس ابشرهم .. قررت انشر كتابي

الكتاب يتكلم عن الطرق المثلى للصرف والعامل مع الفلوس>> لان انتو اكيد ملاحظيين ان هالجيل هذا ابدا ابدا ما يعرفون يتصرفون بفلوسهم وكلها رايحه عالمطاعم و السوق وووو خرابيط مالها آخر

لكني ابي اسشيركم بشي

انا كتابي باللغه العربيه الفصحى ..

لكن انا عندي فكرة ومتردده فيها .. بس قلت اقولكم اول

بسوي الكتاب باللهجه الكويتيه >>> بقولون ليش؟؟

انا كتابي موجهته حق فئه معينه (( جيل محدد))
اللي هم الشباب واللي لاحظته انهم يميلون لقراءة الكتب والروايات اللي كون باللهجه العامية .. يمكن لانها توصل لهم اكثر .. او انهم يفهمون للشرح اكثر ..
شوفو موضوعي هذا ..فيه بعض الافكار الصغيرة من كتابي اللي بسويه عشان تفهمون شنو اقصد اكثر

http://www.q8yat.net/showthread.php?t=708105

شفتو شلون الشرح كان سلس ؟؟ لانه باللهجه العاميه الدراجه الحين
انا كل ما اشوف وحده بالجامعه او رفيجات خواتي اسألهم .. اقول تحبون تقرون كتاب بالعربي والا العامي .. الغالبيه يقولون بالعاميه احسن
انا ابي شي يوصل للقلب بسرعه .. ويستوعبونه الشباب بسرعه .. وبنفس الوقت ما يملون منه ..
شرايكم ؟؟
اخليهم بالعربيه الفصحى .. او اللهجه العامية ؟؟؟​

 

[pinky berry]

رد : ابشركم .. قررت انشر كتابي .. بسسسس !!!!

شي حلوو بصراحه

انا اقوول لو تنشرينه بالعاميه افضل ويوصل للقلب اسرع

الى الامام حبووبه

 

[كلي أنوثة]

انا افضل اللغة العربية البسيطة و مو مشكلة لو دخلتي بعض الجمل العامية راح يكون وايد حلو بس انه كله بالعامية لاااااا وايد ابتعدنا عن لغتنا حرام
و بالتوفيق حلوة فكرة الكتاب و يحتاجها المجتمع الكويتي بالتحديد

 

[miss-fofo]

الفصحى احلى برايي

بس مادام انه موجه للجيل اليديد فبالعامية

 

[~ miss NERD ~]

مادري حبيبتي .. احس مو لايق انه يكون بالعاميه .. الفصحى احلى .. و اشدعوا شبابنا ترى يعرفون يقرون فصحى .. لا تخربونهم عشان كله يقرون باللهجه العاميه
هذا رايي و انتي حره لانه كتابج .. و انا اتكلم بصفتي وحده من هالجيل اللي تتكلمين عنه لاني احب اقرى بالفصحى و اخذ مصطلحات تفيدني بالتوفيق

 

[Dr.Nouf]

انا افضل اللغة العربية البسيطة و مو مشكلة لو دخلتي بعض الجمل العامية راح يكون وايد حلو بس انه كله بالعامية لاااااا وايد ابتعدنا عن لغتنا حرام
و بالتوفيق حلوة فكرة الكتاب و يحتاجها المجتمع الكويتي بالتحديد

نفس رايي بالضبط :eshrab:







,

 

[princeSs rose]

ممم
أحس بالفصحى أحسسن
أتكلم كـَ صفتي قـآرئة تفضل هذا النوع من الكتب وأبداً ما ششرت كتاب باللهجة العــآمية لأني ما أحسسه يدخل قلبي أبداً

 

[miss_math]

رد : ابشركم .. قررت انشر كتابي .. بسسسس !!!!

وهل هناك أجمل من الكتابة بالفصحى؟ ..

أنا أفضل الفصحى وأبدا لا تستهويني الكتب المكتوبة باللهجات المحلية

 

[حرم القيصركمودس]

رد : ابشركم .. قررت انشر كتابي .. بسسسس !!!!

يعني انتي من خلال معرفتج ان العامية هي الافضل خصوصا ان موجه حق الشباب ؟ّ!
توكلي وسوي العامية
وانا اول وحدة راح ادعمج اذا نزل بكلا الحالتين بالعامية او باللغه العربية
انا معاج
معاج
معاج واذا نزل كتابج دزيلي رساله ع الخاص قوليلي

good luckلو شنو كان قرارج حياتي

 

[عيون منوعه]

انا افضل باللغه العربيه الفصحه و ممكن انج تضيفين جمل بالعاميه

لكن ما اايد فكرة الكتاب كله بالعاميه ..

و لج كل التوفيق في عالم الكتابه ^^

 

[راعية الطويلة]

رد : ابشركم .. قررت انشر كتابي .. بسسسس !!!!

الفصحى أحسن و أفضل و أدوم

بالتوفيق

 

[حياتي فراغ]

رد : ابشركم .. قررت انشر كتابي .. بسسسس !!!!

فصحى وبس

 

[شمعه حزن]

موفقه ان شاء الله


يمكن بالعاميه احلى واسهل

 

[م.بابونج]

رد : ابشركم .. قررت انشر كتابي .. بسسسس !!!!

الفصحى طبعا .. و تسلمين حبيبتي

 

[أساور]

ممكن تكون بالفصحى البسيطة وعلى هيئة نقاط
منها كل الفئات تقدر تقراه ومنها توصل بسرعة وسهلة الفهم
موفقة

 

[بريتي كات]

رد : ابشركم .. قررت انشر كتابي .. بسسسس !!!!

بالفصحى البسيطـة و العاميـه مكس يعني

 

[cup-cacke]

اممممممممممممم..خليها بالاثنين

 

[joja <3]

انـآ عمري 16

انا من ناحيتي مـآ افكر اقرا شي بالعاميـة

وآعرف بـنآت بعمري يقرون فصحى

انتي اذا بتنزلينة بتنزليه لـ قآرئ

ومـآراح يقرآه الا شخص يحب القراءه

والله احلى شي الفصحى

وانتي كيفج والله يوفقج حبيبتي

 

[Tom ♥ Jerry]

>3


مآ آفضل آنه يكون كتآبج الي يتكلم عن الفلوس و شلون نصرفهم !
يكون باللهجه العآميه الكويتيه ! لأنه آكيد آنتي رآح تنشرينه بمكآن مآ رآح يشترونه بس الكويتيين !
و بعضهم مآ رآح يفهمون بعض الكلمآت !

يعني لو روآيه أوكي ممكن تكون بالعآميه !
مثل روآيه بنآت الثآنوية و غيرهاآ " بس بنآت الثآنوية ممزوجه باللغه العربيه و اللهجه الكويتيه " !

مآ آشجع الصرآحه آنه يكون كتآب علمي أو آدبي
و يكون باللهجه الكويتيه ! خلج على اللغه العربيه و خلي كلمآتج مثل مآ قآلوآ البنآت سلسه ! (=

موفـــــقه (= !

.

 

[وصيّه جــــابر]

رد : ابشركم .. قررت انشر كتابي .. بسسسس !!!!

انا كقارئة ومن الجيل الي ذكرتيه افضل الفصحى بل اني زيادة لاستفادتي من محتوى الكتاب
احرص ع ان استفيد من طريقة كتابة الكاتب باافصحى عشان جذي حيل تستهويني كتب الشيخ سلمان العووده لان فيه كمية بلاغية ممتعه ومرادفات جميلة



ووو قوليلي اسم الكتاب واي مكتبة تتوفر لانشرتييه لاني حيل افضل النوع من الكتب الي تتكلم عن اددارة المال
وموفقه حياتي