ابشركم

[قناديل الخير]

:RoadRunner: ابشركم تم الغاء الامتحنات القصيره من التوجيه قرار جديد صدر اليوم:lololoe: انجنينا من قرارتهم الى كل يوم وانتوا بعد تاكدوا القرار:080402ask_prv:

 

[الحراير]

انا اليوم معطين ولدي ورقة امتحان للانجليزي باجر يعني كلام!!!!

 

[قناديل الخير]

ولدج اي صف لان اولى وثانيه وثالثه ملف انجازي اعتقد -بس بنتى بخامسه كان عليها امتحان اجتماعيات اليوم والى بارابعه كان عليها وطنيه ولغوهم وقالوا لهم تم الغاء الامتحانات القصيره من التوجيه وهذا كلام مدرساتهم مو كلامي وياليت ياكدون لنا مدرساتنا الحلوات انا بعد حابه اتاكد

 

[قناديل الخير]

والله شككتوني بنفسي يعني يمكن بس التوجيه مال الاجتماعيات

 

[78MariMar78]

اي امتحانات...

 

[nona307]

من قال قاعدين يقدمون امتحاااااااااااااانات

 

[حرم الحوت]

يالله تكفون يامدرسات اسعفوووووووووووووونا

 

[الحراير]

ولدي برابعه ومن المفروض مافي امتحانات

 

[نووووونا]

ولدى بثانيه اليوم معطينه ان الخميس عليه رياضيات

واليوم عطوه امتحان انجليزى

 

[Um Hasan]

ولدي امتحن امتحان قصير علوم ؟؟؟؟

 

[(( الذهب ))]

ولدي اللي برابع عليه امتحان رياضيات اليوم وما عطون قالو بكره وبكره عليه تسميع قرآن كريم
وحتي اللي بثالثه واولي عليهم بكره انقلش ؟؟؟

 

[om al ghaleen]

..,, مازلت الامتحانات القصيره مستمره
واليوم طاح حظي وانا ادرس
ياليت صج والله تعبنا كل يوم امتحاااااااااااااااااان مافي رااحه

 

[قناديل الخير]

اجل انا شقول والله بناتى ما ستانسو في الاجازه الي بخامسه عليها اجتماعيات و علوم وجزء موهين والى برابعه علوم واجتماعيات والعلوم كميه كبيره بس امتحنوهم علوم اليوم والاجتماعيات والوطنيه يقولون بناتي الابله تقول خلاص ما في امتحانات قصيره انا اول شي تفاجئت !!!!! وقلت خل اتاكد منكم يا احلى منتدى

 

[أم عبووووود]

حبيبتي احتمال بس الاجتماعيات

ولدي امتحن علوم ورياضيات قصير وبقى له علوم عملي امس عطوه ورقة تاريخ 12/1 امتحانه العملي وباجر القران

ابلتهم الرياضيات قايلة لهم ممنوع اوزع الامتحان اللي امتحنتوه عليكم هذا القرار من التوجيه ====> التوجيه لاعب لعب فيهم

 

[حبيبة الكويت]

ولدي اليوم عنده اختبار علوم ورياضيات وتسميع قرآن وباجر اختبار علوم عملي حرام عليهم شنو هذا الظلم اختبارين بنفس اليوم توهم صغار مو ثانوي وينج يا أيام أول محد يتحلطم أو يشتكي الله يوفق عيالنا ولازم نشجعهم مو نخوفهم وأنا دايما أشجع ولدي أناديه يا مهندس يا دكتور حتى يصير عنده حماس

 

[شيــوخه]

من قال هذا انا بناتي قاعدين يمتحنون الامتحنات القصيره

امس بنتي الي برابعه عليها اجتماعايات وعليها رياضيااات

والي بصف خامس عليها رياضيات
والي بثانيه خلصو المنهج تقريبا ماكو شي بس جذيه يماطلون فيهم

يليت الي عندها بر اكيد تقول لنا

 

[(( الذهب ))]

انا امس عيالي عطوهم جدول اختبارات للاسبوع الجاي كله

حتي اللي باولي ابتدائي عليه امتحانات