ابغا اكلات بالشوفان

[لعبة ايام]

مساءالخيرات

كيفكم حبايبي؟

حبايبتي

ابغا اكلات بالشوفان سهلة وصحية وخفيفه مكونات


ويعطيلكم العافية

 

[بـ سـ كـ وتـ ة]

ميزة الشوفان ينحط مع كل شي


تقدرين ترشينه فوق السلطة


فوق الشوربات


تخلطين روب مع مكسرات وشوية عسل وفوقه شوفان


وإذا تحبينه مطبوخ

نقعي 3 قفاش شوفان بشوية ماي عشان ينفش بعدين سخني كوب حليب عالنار

وضيفي عليه الشوفان اللي نقعتيه مع أي إضافات تحبينها (مكسرات أو فواكه) وحليه بعسل



أو سوي شوربة دياي وشوفان

قصصي صدور دياي صغار كلش وحمسيهم بنتفة زيت مع ثوم وبهاراتج المفضلة

وبعدين زيدي ماي وضبطي الملح وخليه شوي يطبخ عشان يستوي الدياي 100%

بعدين ضيفي تقريبا 3 - 5 قفاش شوفان ولا تكثرين لأن وايد راح تصير الشوربة ثقيلة



أو شوربة خضار بالشوفان

فوحي بطاطة وحدة حجم وسط مع حبة جزر وحبة كوسا وممكن بعد طماطة وحدة وضيفيلهم 3 قفاش شوفان


بعدين ضربيهم بالخلاط وحطي نص قفشة لومي مطحون ونص قفشة كمون بودرة وملح حسب الرغبة طبعا



وآخر وصفة في بالي يريش الشوفان


قصصي دياي صدور صغار وحمسيهم بزيت وثوم وضيفي الخضرة اللي تحبينها مكعبات (كوسا-جزر)

وحمسيها معاهم لما يبدا تغير اللون قطي عليهم طماطتين مقصصين مكعبات ورشي عليهم ملح عشان يطلعون مايهم

ونص قفشة لومي أسود مطحون وغطيهم دقيقتين بعدين شيلي الغطا بتشوفين الطماط طلع مايه وصار طري


هرسي الطماط بالشوكة وضيفي عليه تقريبا نص علبة معجون طماط وماي لما يصير لونه مثل المرق

قضي حبتين لومي بالسجين وقطيهم فوق الطماط بعدين


ضيفي له شوفان شوي شوي لما يصير كثيف بس يبقى فيه شوية سائل لأن بعد ما تطفين النار الشوفان راح يبقى يشرب الماي

فإذا كثرتي شوفان راح يصير ناشف وايد


ان شالله يعجبونج وبالعافية ان شالله