ابغى استفيد منكم؟؟؟؟؟؟؟؟؟؟

[حارت بي خطاي]

اخواتي انا من السعوديه
وان شاء الله بجيء للكويت يوم السبت وهاذي اول مره ماعندي اي خلفيه عنها
ابغى تفيدوني بشقق فندقيه او فنادق روعه
وبعد ابي اعرف مطاعم تدلوني عليها
كني طولتها بس وش اسوي
وابي اعرف الحين فيه عروض مسرحيات او لا
وابي اعرف مجمعاتكم مابي الي فيها ماركات ابغى الجلابيات والاكسسوارات الي مو موجوده عندنا
ادري اني ثقيلة دم بس اررررررجوكم جاوبوني قبل مااسافر
مع دعوه صادقه لكل من ترد:edbf4317b9:

 

[حارت بي خطاي]

ماهقيتها منكم:0bee2e8d89::0bee2e8d89::0bee2e8d89:
وين الردود قاعده انتظركم بفارغ الصبر
لاتفشلوني

 

[aengineera]

حبيبتي فنادق عندج هلتون - فندق مرينا - فندق الراية هذول كشخه

مطاعم لبناني عندج عبدالوهاب توه فاتح يديد - ميس الغانم - ميجانا بالكوت ...
مطاعم انترناشونال عندج فرايديز - جليز - نينو ...
كفيهات حلوة عندج جوكليت بار - ستار بكس - كوستا

المجمعات الراقية عنج الافنيوز - الفنار - سوق شرق - الكوت - المنشر - الراية - المهلب
تبين مجمعات درايع عندج الفروانية
تبين اسواق شعبية عندج المباركية وسرداب الشايع بالمباركية فيها اكسسوارات وخرابيط وايد

تبين اماكن ترفيهية حق اليهال عنج المركز العلمي وحديقة الشعب والترفيهية و ...

ان شاء الله اكون افدتج واذا عندج اي سؤال انا جاهزة

 

[حارت بي خطاي]

مشكوره حبيبتي على الاجابه الوافيه
طيب فيه عروض مسرحيه وابغى اسأل بعد عن الاماكن الترفيهيه
ومشششششششششششششششكوره ماقصرتي الله يسعدك في الدنيا والاخره

 

[Judy abbott]

حيااج الله بديرتج الثانيه

اماك ترفيهيه عندج بعد حولي باارك وعندج بعد جزيره فيلجاا

العرووض المسرحيه اعتقد مافي الحيين الا طارق العلي وما ادري اذا لي الحين او وقف

 

[حارت بي خطاي]

مشكورررررررررررره حلوة المشاعر
والله يوفقك واكيد انها ديرتي الثانيه

 

[حارت بي خطاي]

معليش طولتها بس ابغى اسماء محلات للملابس والاكسسوارات الكشخه والجلابيات الي انتوا مشهورين فيها
والسوق الي موجوده فيه مابي الماركات لانها عندنا انا ابغى شيء جديد
وبعد ابي اسالكم عن بودل للسكن
الله يوفق الي ترد

 

[حارت بي خطاي]

وين ردودكم خواتي انتظركم الله يخليكم
لاتنطشوني انا رايحه السبت::080402ask_prv::080402ask_prv::080402ask_prv:

 

[!!.. غير البشر ..!!]

الاغلبيه قالو لج
اما الفنادق مالي فكره والله
ان شاالله يفيدونج
وحياج لله بالكويت
بتنوين =)

 

[حارت بي خطاي]

مشكوره اختي غير البشر
ومن جد ماقصروا جاوبوني
بس انا سأـلت بعد عن اسماء محلات
الي مو ماركات وعندها اشياء حلوه وبعد عن بودل للسكن ينفع او لا
مع الشكر لك ولكل من رد علي ودعوه صادقه لكم

 

[يــاغربـــالي]

بودل << عمري ماسمعت فيه !

المحلات اللي رخيصه وعندهم دراريع جاهزه تلاقينهم في مجمع الحمرا مول بالفروانيه .. واسعارهم حلوه

والأفضل لج روحي مجمع العربيد .. كله خياطين هنود يسوون دراريع .. ابداع وفناتق واسعارهم رخيصه حيل

بس احنا يالكويتيات مانروحلهم لأن دراريعهم حيل منتشره بين الحريم عندنا وبجميع الالوان .. / بالنسبه لج اخذي وانتي مرتاحه لأنج بالسعوديه

دراريعهم تقدرين تاخذين جاهز او يفصلج نفس المعروض على مقاسج اذا انتي تبين تطولين بالديره ..


والفنادق الحلوه الثقه قالولج خواتي .. وأنصحج بفندق المرينا لأن قريب منج مجمع بين وبينه جسر .. وجمبج صالون ومطاعم وكوفيات حلوه ورحي جوكليت بار لايطوفج .. تقدرين توصليلهم بسهوله بدون تاكسي لأنهم مو بعاد عنج ..

المسرحيات ماظنتي في عروض الحين لأن بالأعياد الوطنيه الناس مشغوله بشغلات ثانيه

شوفيلج امسيه اذا انتي بخاطرج تدشين مسرحيه شوفي امسيه ردي نفسج

اماكن ترفيهيه للأطفال (المدينه الترفيهيه- حولي بارك-منتزه الشعب-الجزيره الخضرا)

وشوفي بعد منتجع( سليل الجهراء ) اذا انتم عايله جدا مناسب لكم .. فيه سكن وشاليهات .. ومكان ترفيهي صغير نفس المدينه الترفيهيه بس مصغره جدا .. وفيه مجمع صغير .. ومطاعم لبنانيه حلوه .. وفيه مطعم (السبعينيات) حيل حلو اكلاته شعبيه ..

يعني خلي الجهال يلعبون بالألعاب وانتي فري بالسوق يمهم ..

اذا تبين مطاعم حلوه داخل الديره .. روحي مطعم الأبراج داخل ابراج الكويت .. ودشي الكوفي اللي عند المطعم اخذيلج جووله

وشوفي المطاعم اللي بسطرة الأبراج كلهم يطلون ع البحر وحلوين حيل وهم (فرايديز-جليز-أبل بيز_فدركرز< قالوا شالوه بس مادري)

وبالشارع اللي جدام الأبراج مري ميس الغانم حيل حلو

وهم برج الحمام < مطعم بعد حلوو

بالتوووفيج حبووبه وحيااج الله أي استفسار جاهزين

 

[يــاغربـــالي]

نسيت اقولج ..

روحوا رحله لجزيره فيلجا .. أو كبر

حده جو وناسه .. يكفي ان تروحيلها بعباااره

 

[يــاغربـــالي]

http://q8yat.net/showthread.php?t=311465


شوفي هالرابط حبوبه تقريبا نفس الموضوع وفيه ردود مفيده :/::

 

[حارت بي خطاي]

ماقصرتي من جد افدتيني
وكل معلوماتك بكتبها حتى ماانساها
الله يسعدك تعبتك والله
ومشكورررررررررررررررررررررررررره والله يوفقك في الدنيا والاخره

 

[يــاغربـــالي]

حياج الله حبيبتي ..

مشكوره على هالدعوات الحلوه

واي استفسار كلنا عندج