ابـوظبي&دبــي...ماكو احلى منهم..حيااكم بصور رحلتي

[om MaRyooM]

الســــــــــــــــــــــــــلام





من جم يوم رديت من الامارات الحبيبة .. :68_asmilies-com:



رحت ابوظبي عشان ازور عمامي صارلي 6سنوات موشايفتهم ... وبعدين سيرنا على دبي 3ايام نغير فيها جو


طبعا الجو كان يونننس ... احل من جونا وباالليل احلى واحلى


بالنسبة للتذاكر حجزنا ع الكويتية الفاشلة على الشخص الواحد 46 كنا انا وامي واختي وزوجي وبنتي وخذينا الشغالة

لأن بنتي ماقدر عليها بروحي ولا يصير فيني هستيريا لووول

المهم ..


الحين نيي لصور ابوظبي ..


طبعا بما ان اهلي هناك فقعدنا عندهم ... وماطلعنا وايد لأن كانت وناستنا في يمعتنا ..


بس رحنا مكان يسمونه (قصر المؤتمرات) اهو فندق وفيه مطاعم وجنه مكان سياحي تدلخون وتصورون وجذي ..

وصج روووعة ويستاهل الزيارة .. وفيه كافيه اذا احد يحب يقعد بس يقولون ان نااااااار يعني القهوة عادي ب10دنانير والكتكات عندهم بدينارين

لووول

وهذي صورته من برة


url=http://www.herosh.com]

[/url]




وهذا من الداخل

طبعا بالصور غيير الطبيعة . . المكان قمة بالشياكة صراحة










وهني قبال الكافيه حاطين فرقة تعزف ... يااااااااي عزفهم كان روعة





وهالممر المدخل للوبي الفندق

عقبها ... رحنا مجمع مارينا مول عند كافيه فووووق فوق ويطل على البحر وقعدته تونس ورومنسية

^
^

هذا الاصنصير اللي يودي للكافيه ..





هذي الصور اللي قدرت اصورها في ابوظبي والحين بنزل صور دبي

يليييت محد يرد

 

[om MaRyooM]

Back





عقب ماقعدنا 6ايام في ابوظبي ... وصلونا عيال عمي لدبي انا وزوجي وبنتي والشغالة



حجزت من النت ولأول مرة للفندق من موقع booking ... حجزت شقة فندقية غرفتين نوم و3حمامات وصالة ومطبخ لمدة 3ايام .. ولما وصلنا هناك دفعنا


الليلة كانت على 40 دينار !!! يعني وايد رخيص بالنسبة لجذي شقة كبيرة ونظييفة حيل وصاير مكانها قريب من امارات مول


عاد من وصلنا دفعنا حق ال3ايام عاد وانا احوووس باللوبي جان اقرا لوحة الاسعار انصدمت ان سعر الليلة بنفس الشقة اللي انا حاجزتها من النت تطلع 70 اذا حجزتها من عندهم !! يعني تقرييبا ظعف السعر


بصراحة انصحكم بموقع booking رووعة صج ..

اي نسيت اقولكم اسم الشقة minc al barsha وهذي صور الفندق






شكل الفندق من برة :









هني اللوبي :








وهذا الكافيه صاير عند الاستقبال اسمه fresca











والحيييين ... صعدنا شقتنا كانت بالدور الثالث








وهني الصالة:





بصراحة الصالة شرحه وحلوة .. واللي عجبني بالشقة انها راهية مو ظيييج وديكورها مودرن صاير





وهذي ايضا صورة ثانية للصالة من زاوية ثانية .. ياعييييني عالتصوير احم احم








وهاللافتة معلقينها ورى الباب لفتت نظري البدلية خخخخخخخخخخخخ



^
^
تنضيف مو تنظيف لووووول






وهذا المطبخ ... مجهز من كل شي








ومثل ماقتلكم اهو عبارة عن غرفتين و3حمامات .. بس قدرت اصور بس غرفة وحدة الثانية كانت بنتي نايمة فيها حزتها



وهالغرفة داخلها حمام اكرمكم الله ..
يعني ماتلعوزت وانا اروح الحمام واخذ راحتي عشان الشغالة لاتقعد تراقب فيني لوول









وبعدين صعدنا فوق عشان نشوف المسبح .. طبعا مااكو احد وناسة




طبعا قصة المسبح قصة ...

ثاني يوم الصبح ابوالشباب قعد وراح شره لمريوومة مايوه ولبسها بالغصب مسكينة كسرت خاطري وكان ملبسها المايوه مع البامبرز لووووول عاد ت ظحك فصختها ياه ولبستها مرة ثانية

وصعدوا فوق عشان يسبحها ... طبعا فحطت من البجي ياعمري عليها لأن الماي كانت بااردة وكان ماخذها وللحينها و متريقة ولاشاربه حليبتها فماكان لها خلق كلش بعد عمري امبي رح ابجي لووووووووووووول


بعد شوي تاقلمت واستخفت ع الماي .. ويوم باخذها تبجي تبي تسبح لووول




المووووهم ..


الحين عقب ماقطينا اغراظنا الفندق تعالو شوفو برنامجنا لأول يوم شنو كان :



يتبـــــــــــعــ :

 

[أسيرة_أحزاني]

الحمدالله على سلامتج حبي

وخوش سفره اهم شي استانستو

 

[om MaRyooM]

Back













عقب ماحطينا الاغراظ بالفندق وتطمنا انه نظيف وكل شي اوكي .. رحنا مع عيال عمي وبنات عمي لدبي مول عند مطعم عبدالوهاب اللبناني .. عشان نشوف النافورة يعني ماتمشينا بالمول .. بس عبينا بطونا ومشينا لوووووول




وهني من بعيد مبين المطعم









وهذا كان اكلنا .. عاد صج اكلهم لذييييييييذ بس مادري اللي بالكويت نفس اللذة ولا لا








واشتغلت النافورة الساعة 6 .. وصج حللللوة بس مشالله زحمة مووووووووت فكانت الاغنية مو مسموعة حيل حسافة




هذا صماخ ولد عمي موراظي يوخر لووول





عاد بعدين صارت الساعة8جذي .. ولا اييون جرسونات المطعم (جمع جرسون لوول) وبيدهم كيكة ويفقون ويغنون . . ولا مسويلي مفاجأة حق عيدميلادي .. صج افتشللللللللللللللللللت حيل اول مرة يصير معاي جذي

وبعدين كل واحد مع زوجته عطوني هديتهم .. وويهي يقط الوان حتى زوجي لأن ماكان يدري



الموووهم وبعد ماخلصنا وصلونا الفندق واهما ردو ابوظبي ...

عاد قلنا انا وريلي نروح ناخذلنا ماجلة خفيفة من كارفور


وبما ان امارات مول يمنا رحنا علطول هناك وخذيت بنتي بس تمت تحن كانت يوعانة مسكينة لووول وعطيتها كرواسونة وسكتت أشوا

وبعدين ردينا بالليل تعشينا من الكافيه اللي تحت وصعدنا شقتنا

وهذي شكل الثلاجة بعد التجييل لوووووووول مصدقة انها ماجلة





يعني خذيت الاشياء الظرورية جاي وبيض وخبز وببسي وخرابيط من ككاو وهالسوالف..





والحييييييين تابعوني وشوفو شنو سوينا باليوم الثــــــــاني :eh_s(8):



يتبـــــــــــــــعـ :

 

[om MaRyooM]

برنامجنا لليوم الثاني :


*قعدنا الصبح ومثل ماقتلكم ابوالشباب راح السوق بسرعة وياب مايوه حق مريووم وتسبحو وخلصو ورحنا تغدينا في امارات مول

*اتلانتس

*مجمع ابن بطوطة



......



عاد انا قعدت الصبح وقلت اسوي ريوق خطير وصج كان متعوب عليه :ggdw: :ggdw:








وبعدين رحنا امارات مول تمشينا شوية فيه وتغدينا

ودشينا هالمحل وايد حلو كله العاب لليهال :









عقب خذينا تكسي ورحنا اتلانتس .. وماتوقعت جذي الطريج شوية بعيد

وعلى طاري التكاسي .. تكاسيهم ناار صراحة يعني بالمشوار الواحد نقط ال5 و6دنانير .. عاد عليكم حسبة اليوم كله



وهني المدخل







عاد قصينا التذاكر ودشينا ..

وبصراحة ماعجبني وايد !!!!!! استغربت من الزحمة ادري على شنو
عندي اكواريوم الكويت احلى وايد






















ولما طلعنا من الاكواريوم كان فيه محل ايس كريم نسيت اسمه بس لذييذ ويونس













وعقب ماتعبنا او بالاحرى مريووم تعبتنا ردينا الفندق نومتها وطلعت مع زوجي ابن بطوطة ..

بس كانت الساعة 9 واهو عالـ 10 يصكر




هذا كورنر بالمجمع ..



عاد مامدانا افترينا بجم محل وردينا وتعشينا بكافيه الفندق







والحين تابعوني باليــــــوم الثـالـــــت :

 

[om MaRyooM]

اليــــــــــوم الثــالـث :



* قعدنا متأخر وقظينا اليوم كله في دبي مول

........







خذينا التكسي ورحنا دبي مول وهني اول مانزلنا من السيارة










وهني واجهة المجمع




والمجمع اغلبه ماركات .. وهمن فيه محلات عادية

بس لاحظت ان بظايعهم احلى من عندنا بواايد

لو مو الميزانية جان خميت الاكو والماكو لوووول




والحين بسم الله .. دشينا المجمع











ولما دشينا وصلنا لنص المجمع كان فيه الاكواريوم ويمه مطعم مادري شسمه بس ديكوراته حلوة صاير ةعلى ادغال وجذي بس مادشيناله






وهذا شكل الاكواريوم .. بس مادشينا صراحة ماكان لي خلق













وقباله كان في محل كله للحلويات Candylisious

وصج رووووعة .. دشيت نسيت منو معاي صرت جني ياهل وانا ادور خخخخ والله فشيلة













واااي شوفو شحلات هالشجرة شلون مسوينها .. صج رووعة

والحيييييييييييين رحنا نتغدا ...


بس يتبعـــــــــــ ........ لاتردووون

 

[om MaRyooM]

Back











الحييين نكمل .. .


عقب ماافترينا وتسوقنا شوية .. صعدنا فوق عشان نتغدى وكان في عدد من المطاعم لاايحصى :ggdw:







ومن تغدينا وشبعنا الحمدلله واحنا نفتر بالمجمع حاطين هذي حق اللي يبي يلعب .. وصج توننننس لو مو الحجاب جان دشيت فيها :ggdw:







هني بعد بالمجمع










وهذي بنتي اللي لابسة برتقالي من بعيد راحت تتمشى بنص المجمع وماتبينا نشيلها لووول فشلتني .. توها تكتشف المشي وماتبي احد يشيلها بس بعدين على بو انه تعبت راحت تحبي وتنظفلهم الارظية خخخخ :eh_s(4):




.....


وبعدين قربت الساعة على 6المغرب وكنا ناطرين النافورة وقلنا نقعد برة بالكافيهات ومنها نشم هوى حلوو لأن الجو كان روووعة وماكان رطوبة اهم شي








قعدنا هني بـ كافيه بلان شربنا عصير ليموون وريلي طلب الشيشة وبنتي شافت الايس كريم واستخفت
االلي يشوفها يقول مو ماكلة من عمر بعد عمري لووول








وهني المطل






ومن خلصنا وزهقنا ردينا الفندق وزهبنا اغراظنا عشان ثاني يوم نرد الديرة



واليوم الرابع تريقنا بالفندق وطلعنا الساعة3 ورحنا المطار






وهذي سفرتنا والحمدلله استانسنا وصج دبي ترد الرووووح .. بس اهم شي انه السفرة ماتكون بعز الصييف لأنها خنقة


وسلامتكم

 

[كويتيه ملكيه]

الحمد لله على سلااااامتكم وتقريرج رووعه .,.,.

 

[om MaRyooM]

^
^


الله يسلمج مشكورة ياقلبي

 

[أم@الحلوين]

حمد الله على السلامه
وعليكم بالعافيه
وتقريرج رووووووووعه

 

[ام مهاوش]

الحمدالله على السلامه وبصراحه خوش تقرير

 

[mngo67]

الحمدلله علي سلامتكم...وكل عام وانتي بخير
تتهنون الصراحة خوش سفرة

 

[om MaRyooM]

الله يسلمكم


مشكورين حبايبي على الردود

 

[من حقي أغير]

يسلمو والحمد لله علي السلامه

 

[om-3abodey]

علي بالعافيه يا عمري والله يحفظج ويحميج شوقتيني على الامارات

 

[قطوة@@]

ماشاء الله خوش سفرة

الحمد لله على سلامتكم

 

[سفرجل]

عليج بالعافيه حبيبتي يااام مريوم وان شاءالله اتشوفين مريومه عروووس

 

[سبائك]

خوش تقرير يعطيج العافيه

 

[Business Girl]

الحمدلله على السلامه

ماشاءالله الفندق وايد وايد حلو واسعاره حلوه

دبي اتينن وماينمل منها

 

[om MaRyooM]

الله يسلمكم .. حبايبي





مشكورين ونورتو صراحة