ابلات ابلات تعالووا ابيكم ضروري

[((صاحبة السمو))]

يسعدلي صباحكم حبايب قلبي
ابي منكم خدمه ضرووووري تردون علي بليز
الناظره تبي منا انسوي اشياء للطالبات علشان مايغيبون هالفتره هذا خاصه اولى وثانيه وثالثه انشجعهم عالدوام
مثل مسابقات او سحب على شي معين اللي تعرف فناتق تقولنا

 

[كلنا نحب الكويت]

ادفعي للمقصف فلوس
وسوي كوبونات فيها سعر معين ربع دينار - 350فلس 200فلس نوعي
ووزعي على البنات اللي ما يغيبون وراح يتحمسون للدوام
اتمنى اعجبتج الفكرة

 

[ماعرفتك زين!!]

رد : ابلات ابلات تعالووا ابيكم ضروري

سويلهم مسابقات اجمل نفنوف او اجمل تسريحه او اجمل مكياج او نقش حنه ومن هالسوالف البنات يموتون عالتكشخ هاليومين يسابقون امهاتهم مسابق >>>لاتقولين صغار والله بيستانسون
اتمنى اني فدتج وان شاء الله البنات مايقصرون

 

[اريج الجوري]

رد : ابلات ابلات تعالووا ابيكم ضروري

تبين نصيحتي ,,,

لا والله لا تسوون لهم شي وخليهم يغيبون ,,,

منهج وخلص وبرد وملوا لبنات ,,,

خلاااص شهالناظره النحيسه خلهم يغيبون وترتاحون ,,, هع

 

[قمر الكويتية]

رد : ابلات ابلات تعالووا ابيكم ضروري

إذا ترضي ناظرتكم ييبو نطاطية أجار بس تكلف .. يعني لازم البنات يدفعون علشان يركبون النطاطية ،، في مدارس ناظراتهم ما يرضون ياخذون من الطالبات فلوس .. شوفي الوضع

ممكن تسوون يوم يلبسون البنات اللبس إلي يحبونه ،، يستانسون ويحبون هالسوالف

وممكن يوم فني يعني تطولون الفرصة وتعطونهم يرسمون رسمات عن الكويت مثلا .. ويكون الرسم بالساحة المدرسية

 

[((صاحبة السمو))]

حبايب قلبي فعلاااااااااااا افكاركم ابداع في ابداع متميزين دوووما
اشكركم من كل قلب خاصه سالفة المقصف روووووووووووعه