ابلات الابتدائي،،، ضرووووررري تدخلون

[Life is short]

السلام عليكم بنات
انا قبلوني تعيين جديد بالابتدائي لكن للامانة مااااعرف شي كلش
ماعرف اتعامل مع الطلبة و لا المناهج
ممكن تنصحوني نصايح عامة و خاصة و افكار حلوه لضبط صفوف الابتدائي؟؟؟

و اذا احد عنده منهج الابتدائي انجليزي ياليت يعطينا نستفيد

 

[اخت شيوخ]

اب اب

 

[Life is short]

دفعه بلا يا جماعه
صدقة جاريه
احد يرد و يعلمني

 

[3houd86]

و عليكم السلام و الرحمه

المنهج راح تتعلمينه مع الوقت إن شاء الله.

أما التعامل مع البنات أول ما تدشين عليهم كوني شديده, لا تضحكين و لا تصارخين عطيهم قوانينج كامله. بعدها لما يتعلمون على نظامج تقدرين تخفين عليهم شوي شوي.

هذولا البنات, الصبيان مادري. أتوقع نفس الطريقه.

 

[miss_math]

كوني شديدة اول مرة تدخلين عليهم

عطيهم قوانيج مثلا ( ملف داخله الكتاب و الكراسة و يكونون مجلدين و محطوط عليهم طابع و اذا تستخدمون الصبورة الذاتية و قلم صبورةة )


علميهم تحية يحفظونها , و قوانيج مثلا محد يتكلم من غير استئذان , الاجابة مو جماعية

وهكذا

و شوفي هالموضوع حلو http://www.q8yat.com/t457337.html

 

[ReD&FoSHia]

وسعي صدرج على الاطفال وتحاشي القاء الكلمات اللي اتييب لج الحجي .. لانهم ينقلون لاهاليهم و ساعات ممكن يالفون ولا يبجون يخافون .. وخليج شديدة وياهم بس بلطف

بالنسبة للمنهج اتبعي اللي معاج بتحضيرهم و طريقتهم و وسائلهم