ابلات الروضة ابي لعبة؟؟؟

[ابلة^روضة]

مرحبا بنات شلونكم يا ابلات ابي مساعدتكم انا ماخذه مقرر اللعب في الرياض والدكتوره تبي منا لعبة شعبية ولعبة تربوية وانا ماعندي افكار ودي تساعدوني الالعاب اللي طالبتها ماتكون مجسمات وتكون مصنوعة من مستهلكات يعني اشياء عندنا بالبيت .....ياريت كل وحده عندها فكره لا تبخل علي وياريت تقولولي شنو المستهلكات اللي اقدر استخدمها

 

[ابلة^روضة]

للرفع

 

[nero]

شرايج تسوين لعبة المطابقه

اخذي علبه جواتي .. وغلفيها .. ومن فوق حطي صور على اليمين واشياء تتعلق فيها على اليسار

يعني عليمين انف - عين - لسان - اذن

وعاليساار تلفاز - رادو - ورده - ايس كريم


خلي التوصيل بينهم بخيط .. وعشان يتثبت الخيط حطي يم كل صوره شي بارز

لزقي خرزة مثلن والا مغطاة قلم



او اذا ما تبين هالعبالة كلها

سوي تركيب علم الكويت بس مو بشكله العادي .. من خلال ورود في حديقه

 

[مخروووشة]

ترى ما يصير يتجا العلم ترى يسولكم سالفة

 

[معلمة متقاعدة]

انا عندي اصدار العاب الحلقة النقاشية فيه 24 لعبة

 

[*أم*خالد*]

بالنسبة للألعاب الشعبية .. في وايد .. بس اعتقد بروي افضل لعبة


تقدرين تسوين دومينو من علب الاحذية وانتي بكرامة او علب الكلينكس

ممكن تسويبن Puzzle تاخذين كرتون مثلا تلفزيون او جهاز جذي ترسمين عليه وتقصصينه على puzzle

اكو لعبه اتييبين بطل .. مع حبات معكرونية .. الطفل يعد جم حبه ويحطها بالبطل

هذا اللي ابالي حاليا .. وموفقة

 

[fofowa_q8]

هذا موقع فيه العاب تربويه اتمنى يفيدج حبيبتي

http://www.p48.75.fr/jeux.htm

 

[أتوش حياتي]

تقدرين تجمعيين غطاء علب البيبسي و تستخدمينهم كلعبه تربويه تفيد العد و تسوين من خامات مستهلكة أكياس صغيرة تكتبين عليهم مدلول العدد ، و اللعبة تستخدم للعد و كل عدد يكون عدد و الأكياس الصغيرة للمدلول .

لعبة شعبية سوي عرايس من صنع ايدج قطن و خام و العيون خرز و هالأمور ، أو سوي حيلة من خيش سوي عليه الحيله

أتمني فدتج ..

 

[عهود الحب]

ابشري الحين اوريج العاب منوعة


السلام عليكم ورحمة الله وبركاته..
جايبه اليوم لكم خواتي مجموعة ألعاب من صنع ايدي لمسابقات العددي..
وأتمنى تستفيدون منها ..وتدعولي

لعبة الأعداد..

صندوق للعطورات فرغته وحطيت عليه المسمى..

عباره عن صندوق فيه مجموعه من الاعداد يقوم الطفل باستخراج العدد الجديد.
أو بترتيب الاعداد تصاعدي او تنازلي

مادري شسميها

بس فكرتها انه الطفل يرتب العدد تصاعدي..يعني يتميز بين العدد الاحق والعدد السابق بعد ترتيب الاعداد.

:

لعبة التطابق..

على الطفل ان يطابق العناصر مع العدد ويلصقه..


لعبة كم الساعه..

لعبه حلوه حيل ..شفتها بمسلسل أجنبي وبسرعه طبقتها..
عباره عن كرتون قاسي وفوقه ورق الوسيله وبالنص حاطه سهم..
اللعبه حيل حلوه وعيالي بالصف ينطرون متى يلعبونها..تطلبين من الطفل يحط السهم على الساعه 6 مثلا والعدد 6 اهو العدد الي انتي كنتي تشرحين فيه..بهالطريقه الطفل يتعود يقرأ الساعه واهو يلعب ويستانس ويعزز العدد المأخوذ..



::
​

 

[عهود الحب]

أتمنى اكون افدتج تبين بعد ؟

 

[الخلوقة]

يعطيك العافيه مشكوره

 

[المعلمة الصغيرة]

افكار حلوة وايد

 

[الغـ(Q.8)ـلا]

شوفي انا بقولج جم لعبة وان شاء الله اتفيدج


او لعبة اهي لعبة التظليل يعني اتيبين صور حيوانات باللون الاسود والابيض طبعا كل حيوان اتيبين صورتين الة اول صورة اتلونينها بلون اسود كلهاا والصورة الثانية اتخلينها عادي بعدين اتغلفينهم " باني ميشن " وبجذي يطلع عندج كل حيوان اله صورتين صورة الظل ماله والصورة الثانية الاسود والابيض سويلج اربع حيوانات كافي وبعدين خلي اعيالج اهم ايطابقون الصوره على حسب الظل


اللعبة الثانية اهي عباره عن اشكال حيوانان مثـــال شكل " البطة _ الاسد _ السمكة _ الارنب " وبالجانب الثاني حطي الكلمات كلمة بطة واسد وسمكة وارنب وخلى الطفل اهو ايب الكلمة وايطابقها مع الشكل والاول طبعا ميزية عشان اتحفزين باقي الاطفال



اللعبة الثالثة ممكن اتيبين اتصورين 15 بقرة اة سمكة او اي شكل على حسب الخبره مالتج طبعا التصور يكون على ورق ملون وكل لون 3 ورقات عشان يطلعلج 3 سمكات لون ازرق وثلاثثة لون احمر الـــــــــــــــخ بعدين حدديهم يعني قصيهم عدل وبعدين غلفيهم " باني ميشن " وبجذي السمكان يكملون عندج الحين اللعبة شلون رح تكون انا اقولج يبي اربع اشكال شكل " مربع _ دائري _ مستطيل _ مثلث " وكل شكل له لون على حسب الوان السمكات عندج وطلبي من الاطفال يجمعون السمكات على حسب اللون .


وبعد عني جم لعبة ان شاء الله اضيفهم

 

[لذكرى سأبقى]

صلوا على النبي

 

[:: عائشه بقلبي ::]

رد : ابلات الروضة ابي لعبة؟؟؟

اللهم صلى وسلم عليه

 

[توتــه]

رد : ابلات الروضة ابي لعبة؟؟؟

سوي حجله من السماط اللي بالمتر اخذيلج لون ترابي متر وقصيه مستطيل وقسميه 6 ارقام بالتيب الاسود
ورقميهم .. او لعبة الدامه من قواطي الروب بعد حلوة ..

اتمنى اكون فدتج