ابلات الروضه ساعدوني

[خفايا الروح]

السلام عليكم ورحمة الله وبركاته

تكفوووووووووووووون ساعدوني

انا عندي تكليف ميداني وعليه 25 درجة والتكليف هذا يبي موضوع او مشكلة اتكلم عنها واسوي استبيان ومقابلات واحصائيات وغيره انا الصراحة مو عارفة شنو الموضوع اللي اختاره ابي موضووووع خطييييييير مافي احد سوا مثله
انا شفت موضوع حلو مسويته طالبة اسمه الانفاق المادي من دخل المعلمة الشخصي في مرحلة رياض الاطفال كنت بسويه بس حسافة في بنت مسويته قبلي الحين ابي موضوووووووع اسويه لاني بأول كورس وما اعرف شي ......

يلا ناطرتكم ...

 

[لوميه]

اهم مشكله في الروضه و تسبب احباط للمعلمات هو التوجيه التعسفي و البهرجه الزائده.... في رياض الاطفال ....​

 

[ArEEj]

شرايج بهالموضوع

نظام الرياض المطور هل طبق بشكل صحيح ؟؟​

 

[خفايا الروح]

اثنينهم حلوين بس انا ما اعرف المراجع ولا الكتب ولا الجهات اللي اسالهم يعني لو كنت بكتب عنهم من وين احصل معلومات

ومشكووورين

 

[لوميه]

حبوبة بالنسبه لموضوع اختي اريج حلووو

وتلقين كتب من ضمنهم كتاب الدكتور طلال المسعد وروحي له بكلية التربيه
اهو تخصص النظام المتطور .... ​

 

[رضاب]

ليش ماتكلمين على العنف لدى اطفال الروضه
موضوع مهم ترى لان من شب على شي شابه عليه


ولان لازم بكل روضه يكون فيها واحد او اثنين يعانون من هالمشكله
وتستفيدين من مراجع علم النفس والصحه النفسيه
ومن الإخصائيه النفسيه

 

[رضاب]

ليش ماتكلمين على العنف لدى اطفال الروضه
موضوع مهم ترى لان من شب على شي شابه عليه


ولان لازم بكل روضه يكون فيها واحد او اثنين يعانون من هالمشكله
وتستفيدين من مراجع علم النفس والصحه النفسيه
ومن الإخصائيه النفسيه

 

[خفايا الروح]

العنف خالصين منه في بنت كتبت عنه

شرايكم بالنشاط الزائد لطفل الروضة من ناحية الاسباب وطرق العلاج وتأثيره على معلمة الروضة..... ينفع ولا لا

 

[لوميه]

اهااا صج حلووو

فرط النشاط الزائد وعدم الانتباه

اوما يسمى Hyperactivity-Impulsivity​

 

[خفايا الروح]

ان شاء الله بس يعجب الدكتور لانه حييييل يتشرط

 

[خفايا الروح]

مدري بحثت عنه واحس مو مقتنعه فيه احسه شوي صعب

والله زهقت ...صج شقااااا

 

[الحياة]

اممممممم عندج موضوع اختلاط اطفال التوحد مع اطفال الرياض الطبيعين

انا العام كان عندي طفل فيه توحد واهله حاطينه مع الاطفال العادييين..
مادري شوفي هالموضوع وبحثي عنه
والمشكله الاهل ما يرضون يعترفون انه ولدهم فيه توحد او ضعف عقلي ...الخ

انشالله يعجبه​

 

[خفايا الروح]

يسلموووو حبيبتي الحياة ان شاء الله ببحث عنه واشووووف

والله حدي تعبانة من هالبحث كرهت التخصص كله من طلباتهم الزايدة والمتعبة وتوني مستجدة وحتى ما اعرف شنو يصير بالروضة ولا اعرف نظامها وهذا يبيني اتكلم عن المشاكل والصعوبات الله يسامحه ....