السلام عليكم حبوبة بالبداية بعطيج خطوات الربط
أول شي تبلشين بالمنبه (لازم يكون على عناصر تصنيفج)
مثلا اذا بتصنفين مسامير لازم منبهج مسمار (ادري انج مستوى ثاني لان اولى للحين ما اخذو 5)
بعدين يحضر احد الاطفال العناصر+مناقشة بسيييييطة +واحضار رمز العدد من السبورة(تكونين حاطة من 1الى 5)
وبعدها علطوول مسابقاااااات نوعي فيهم ولاتخلين الطفل يزهق باسلوبج وبطريقتج المشوقه ينتبه الطفل لج وتقدرين تضبطينهم
هذا اذا تبينهم ينضبطون بالحلقه مومعقوله يصير الدرس نايم وتبين الاطفال ينتبهون لازم حركة لازم تنشيط
واذا شفتي مومنتبهين قوميهم لعبيهم واهم واقفين راح يستمتعون
اما الضبط بالفترات الثانية فاهو على شخصيتج يا ابله لازم شخصية معلمة الروضة وليست قاسية وفي فرق كبير بينهم
الشاطر يتكافأ وله اهتمام خاص واللي حركته زايده ومايسمع الكلام في انواع للعقاب بس دير بالج غييير الطق طبعا
مثلا اذا ماسمع الكلام لاتحطينه بالركن اللي يحبه بالاركان
أنا مع اطفالي كافي اسوي نفسي زعلانه منهم علطووول ينضبطون ههههههه يحبووني ههههه
اتمنى اكون افدتج
