ابلات مستوى اول تعالو

[قايد الغزلان]

السلام عليكم
اول مرة ادرس مستوى اول ولا اعرف شي نورونى
عندى حلقتين << مكمله
يتعرف على الفصول المجاوره
والثاني
يصف بعض مرافق الروضه العاب الساحه - المكتبه او الموسيقي
شلوووووووووووووون اقدم هالدرسين ماادرى حدى ضايعه

 

[mooomooo]

غريبة ليش دروسكم جذي !!


انا عندي يتعرف على ادوات النظافه
ويتعرف على ادوار العاملين بالروضه


تقدرين بالدرس الاول تييبين طفل من الفصل الثاني وتسئلين الاطفال
هل هو معنا بالفصل ؟ احد يعرفه ؟ وبيقولون لاء بتقولين له من وين حذرت
بقولج من الصف الثاني قولي حق الاطفال يالله اطفال نوديه لفصله وجذي


وبالنسبة للدرس الثاني اخذيلج مرفق واحد بس مايصير كذا شي انا بدرسي يتعرف على ادوات النظافة باخذ فرشاة والمعجون بس

تقدرين تييبين صور العاب وتسئلينهم عن الالعاب وتحرصين على ان كل طفل اذا بيلعب لازم يلتزم بالدور وتاخذينهم عند ساحتكم الالعاب






اعذريني ترى حدي دايخه هذي الافكار وتقدرين ترتبينها

وان شاء الله البنات يفيدونج

 

[قايد الغزلان]

عاد شسوي هذى اهدافنا
مشكورة وسهلتى لى تحضير الهدف الاول روعه برووعه
بس الثانى ماادرى الحلقه لازم اختمها بالنشيده اخذهم لساحه وارجعهم لصف !

 

[mooomooo]

عاد شسوي هذى اهدافنا
مشكورة وسهلتى لى تحضير الهدف الاول روعه برووعه
بس الثانى ماادرى الحلقه لازم اختمها بالنشيده اخذهم لساحه وارجعهم لصف !

حبيبتي على راحتج

والله يوفقج ان شاء الله

والحمدلله اعجبج الهدف الاول :eh_s(6):

 

[قايد الغزلان]

هلا والله فيج:eh_s(17): اهوا لثانى حليو بس اطلعهم لساحه وارجعهم لصف ولا شنو مافهمت

 

[mooomooo]

الدرس الثاني خليه بس مرفق واحد تقدرين تحجين عن المطعم بس خصوصا ان المطعم بعد الحلقة

فهمتي علي لا تاخذين كذا مرفق بتظيعين وبيظيعون اليهال معاج

واذا تحجيتي عن المطعم شنو تسوون قبل الذهاب للمطعم يقولون نغسل ايدنا
ونلبس صدارينا

وماذا نقول قبل الاكل ( الدعاء )

ماذا نفعل بالصحن بعد الانتهاء ( نرميه بالقمامه )

وجذي

بالنسبة اذا تبين لساحه الالعاب تقدرين تحجين عن الالعاب واذا قالولج انها موجوده بالمدرسة قوليلهم يالله نذهب لنشاهدهم وتودينهم هناك وتحجين عن الالعاب واشلون كل واحد ينطر دوره ومن هالحجي

 

[قايد الغزلان]

مشكورة المطعم احسن بس مااقدر اتكلم عنه لانه هدف بروحه وماخذته المربيه انا لازم اتكلم عن مرفقين بالروضه الساحه و المكتبه أو الموسيقي
وامينه المكتبه باجازه للاسف وماينفع اتكلم عنه

 

[mooomooo]

على راحتج

بس سئلي المشرف احسن لج اذا تقدرين تاخذين مرفقين بنفس الدرس



والله يوفقج

 

[قايد الغزلان]

مشكورة حبوبه على المساعده والله يوفقج بعد