ابلة الروضة طقت ولدي

[حامل يديدة]

مساء الخير


بدخل بالموضوع على طول......... ابلة الروضة طقت ولدي طراق وسحبت اذنه

طبعا اهو قال لي واهو يضحك مو زعلان بس وصف لي طريقة الطق


شسسوي؟؟؟؟؟؟؟؟


ابلغ الادارة والا شالحل؟

 

[Queenleo]

اشتكي بالمنطقه التعليمه
عند مراقب رياااض الاطفال

 

[Eva-SS]

حبيبتي تأكدي قبل من ولدج انتي تقولين يقولها وهو يضحك ترا فيه اطفال خيالهم واسع

انا عندي طفله بصفي تألف قصص تقول الابلة رفستني وتتبلى على اطفال قرصوها وطقوها وكل مره تجيني امها جايبه لي قصة جديدة ليما اكتشفوا انه البنت خيالها واسع كلامها مو صج

انا ماقول الطفل يجذب بس مرات يبالغ ومرات يقول هالكلام عشان يلفت انتباهج او لانه يبي يتهرب من الروضة عشان جذي اقولج تأكدي قبل

واذا صج تأكدتي انه الأبلة طاقته لج حق تشتكين

 

[الدلال]

تأكدي قبل واذا اتضح لج ان فعلا طاقته اشتكي عليها عند ادارة روضتها

 

[AL Far7an]

كلام ايفا صحيح

 

[* ليآن *]

تأأكدي من ولدج بعدين اشتكي

عشان مره ثانيه ماتمد يدها على الولد

 

[nero]

انتي تعرفين ولدج اذا راعي مبالغة وخيال اكيد مختلق قصة من خياله

اما اذا مو نوعة جذي مسكيه وقوليله علمني بالضبط شلون وبعدين خليه يقولها حق ابوه بعد فتره وقارني القصص اذا صج كلمي ابلته لا تبدينها بشكوى كبيرة او كلمي الناظرة عن سلوك الابلة

وهل انتي ملاحظة عليها من قبل انها نزرة مع الاطفال والا حبوبة

 

[حامل يديدة]

بكل صراحة انا ولدي قال لي واهو مو متضايق

يقول انا دوخت الابلة

وانا قبل فترة رحت للروضة وقالت لي ولدك صاير مششاغب ومايسمع الكلام

مادري اخاف ولدي يكره الدراسة وبنفس الوقت اعذر الابلة ومرات الومها انا معلمة عمري ماجرحت طالبة حتى بكلمة عششان نفسياتهم

 

[الأميرة كيرارا]

لازم اتكلمينها و تتأكدين
لأن الموضوع ما ينسكت عنه

 

[تااضي]

حبوبة ساليه عدل وقوليله شسويت عشان طقتك والابله تطق اطفال ثانين والا بس انت لا تكون هذي مجرمة ومحد يدري عنها ونطري جم يوم وساليه مره ثانيه اذا نفس الكلام روحي كلميها بالاول وفهمي منها الموضوع بعدين قولي حق الادارة

انا من جم يوم كنت غايبة عيالي مرضى وداومت اليوم والا ياييتني شكوى اني طاقه ياهل ومتاكدين بعد انه طراق شلووووووووووووون مادري ولما دروا اني كنت غايبة ذاك اليوم انحرجوا حيل وطلع الولد اهو اللي طاق ياهل معاه وعاضه بعد ومايبي يداوم خايف ليش ان الولد مهدده بابوه لانه شرطي
ولما فهمت السالفه من الاثنين على قد ما كنت متضايقه استانست على براءة اليهال وشلون يخططون عشان يتهرب
عسى الله يحفظهم ويهديهم

فانا اقولج جذي عشان ما تستعيلين تاكدي قبل

 

[LAW_GiRL]

تاكدي من ولدج واذا صج روحي غسلي شراعها لان الشكوا بالكويت لاحياة لمن تنادي

 

[فرفورة2]

اي والله تاكدي بالاول واذا صج حيلج فيها وانا وياج خخخخخخخخخخخخخخ
وانا ذاك اليوم مدري شاللي خلاني اروح للروضة مبجر قبل الهدة كان الحارس يدخلني عادي
وانا رايحة لصف اولدي وانا بالممر قبل لااخذ الزاوية اللي قبل الصف ولا اسمع صوت ابلة اولدي صراخها شايل عالجهال
ولا تقول جب جب واهي تصارخ عالجهال هذا بس اللي طاح باذني وماخفي اعظم خوش تعليم وتربية اجيال
جان امر عندباب الصف من بعيد اشوي بس ابيها تنتبه لي جان تجيني تركض هلا هلا ام فلان بتاخذين اولدج جنة كابين عليها ماي بارد الظاهر شكت اني سمعت اصراخها وكلامها الحلو جان اقولها لا عادي باقي نص ساعة مومشكلة بنطر عالكراسي اللي برا
مهنة التدريس بالذات يبيلها ضمير حي

 

[Eva-SS]

تاكدي من ولدج واذا صج روحي غسلي شراعها لان الشكوا بالكويت لاحياة لمن تنادي

شنو يعني تبينها تطق الابلة ؟

لا بالله خوش نصيحة


حبيبتي هذي إهانة موظف أثناء تأدية عمله يعني فيها سجن 6 شهور الدنيا مو فوضى

غلطت الأبلة وانتي متأكده مو ظالمتها روحي اشتكي عليها .. اما انج تغسلين شراعها على قولتج فهي مو أصغر عيالج

ياليت الوحده تنتقي الفاظها ولما تكتب شي تكون قد الكلمة وعارفه معناها

 

[doweha]

ترى مدرسه الروضه موعدوة لولدج قعدى معاها وحاولى تفهمين الموضوع ترى بعض الاطفال ابالغ لو المعلمه بعضهم اتشد علشان تضبطهم بس مولدرجة الضرب وكسبي ابله ولدج اذا حسيتي مافيه فايدة كلمى الاخصائيه علشان اتراقب الوضع واذا مانفع المديرة وانشالله مااتطور الامر والله يهدى معلماتنا واعيالنا

 

[كل شيء عادي]

حرام عليكم تظلمون الابلات الله يعينهم على العيال وشطانتهم
الأم إلى هي الأم بعض المرات ماتتحمل عيالها وتطقهم
وأنا متأكده إن الولد خياله واااااااااااااسع لأن الأبله مستحيل تطقه على وجهه
علموا عيالكم احترام المعلم وإن المعلم له قيمته

 

[+بسبوسة+]

كسر ايدها...........

يالحبيبة خلي ولدج عندج لاخر السنة
والسنة الياية احسن ورضة خاصة

وريحي راسج ولا تحتاين

ولي كبر لاحق على شقى الحكومة!

 

[3so0ola]

لو سمحتوا احترموا الابلات ونقوا الفاظكم عدل
وكبرتوا السالفه وواضح ان الطفل قاعد يضحك
واذا صج في ادارة تحاسبها وانتهى الموضوع
امن غسلي شراعها
وكسر ايدها
وشقى الحكومة
وغيبي الياهل لاخر السنة
كلام مرفوض وعيب

 

[لولوة الكويتية]

ما اظن الابلات ما يسوونها

 

[شتتني غيابك]

الياهال يبالغوووووووون
بس انا محترة من شغلة
ان بالفرصة الياهال يتكافخوون ومافي رقابة عليهم
عيزت اتكلم مامو فايدة الابلات طنااااش

 

[خشف العذارى]

سئلية يمكن مسوي شي غلط
واذا ما سوى شي روووووووووحي للادراة