ابله تصلح دفاتر مقابل نص دينار من كل طالبه... كارثه

[^همآليل^]

السلام عليكم ورحمه الله وبركاته

شلونكم بنات؟


والله احترت وين احط هالبلوى بأي قسم بس قلت قضايا اجتماعيه احسن ابي الكل يتفاعل معاي: 080402ask_prv:

لانها بجد حرتني
:bbbiu:
اختي بالصف العاشر ودايم تشكيلي من ابلتها العربي وهي مو كويتيه طبعا ومن سوالفها مره قالتلي

ابلتي تقول شرايكم نتجمع بالمسجد العصر برا المدرسه طبعا عشان اعطيكم دروس واسئله مهمه واجابات نموذجيه للامتحان << على حد كلامها خايفه على مصلحتهم وبشرط يفورون لها سايق يوديها ويجيبها

اخر مره امس قالتلي وانصدمت قلت لااازم احط شكوى بالجريده شنووو هذا
تقول ابلتنا كل وحده تعطيني نص دينار عشان اصلح كشكولها واحط لها اجابات نموذجيه بالدفتر عشان تدخلون الامتحان وانتوا ضامنين ....... ولما سألتها وحده ابله انتي تصلحين دفاتر بفلوس ؟ قالت انا ابوي عنده اكبر عماره بـ.... ديرتها وعصبت ع البنت
وتقول اللي ماتعطيني انا مو مسؤوله عنها؟


لا وتقول شسوي احنا بلات جدد ماناخذ معاشات الا بعد 3 شهور شسوي؟ ....... وتقول اخذ من هالصف 15 دينار ومن الصف الثاني 15 دينار هذول 30 دينا كويسين ....؟ <<< لاتعليق :eh_s(13):



بالله تهقون هذي كفو تصير ابله؟
شنسوي الحين؟ ودي احط شكوى بالجريده ماني عارفه طريقتهم؟ :bbbiu:

 

[AnGel GirL]

امبيه مو لهالدرجه دروس خصوصيه وملوعين جبدنا فيها هالدور حتى بتصحيح الدفاتر تاخذ فلوس

من رايي تخلين امج تروح المدرسه مع امهات البنات ويشتكون عليها

وخل تحمد ربها بديرتها راتبها يمكن مايتعدى 30 دينار بالشهر وهنيه رواتبهم تشتري عماير بديرتهم

 

[أم حوور]

الله يعينا عالتدريس وين وصل احسن شي يصورونها صوت وصوره بالموبايل وخالد عبدالجليل مايقصر الله يعينا على المدرسات واسلوبهم وطلباتهم اللي ماتخلص

 

[%عـجـمـيـه صـريـحـه%]

حبيبتي تدرين وين المشكله (( ما عاد فيه ضمير )) وين المدرسه الي تراعي ضميرها بشغلها ؟؟
وين اجتهاد المدرسه بشغلها وتعبها على شرح الدرس لطالباتها وما ترتاح لما تتاكد انها سوت شغلها على اكمل وجه
مو مدرسات هالوقت تسالينها ليش الطالبه مو فاهمه ترد عليج @@ الي علي سويته شرح وشرحت اما الفهم افهم عيالي ابرك لي
أختي كلمي اختج تروح تكلم مسؤؤله بالمدرسه ما يجوز هالمدرسه تتصرف على كيفها هذولا بناتنا ما نرضىى عليهم

 

[^همآليل^]

8
8
8

عجميه عين العقل كلامج يسلملي مرورج

 

[أم حمـــــودي]

آآآآآآآآآآآآآآآآآآآخ وااااااااااااااي لو انا منج والله العظيم اذبحها وهذي بعد تقول على نفسها ابلة دين ؟ هذي ابله ابكازينوهات شارع الهرم انا اقولج شتسوين خلي اختج يكون معاها موبايل فيه كاميرا ولما يتجمعون بالمسجد خل اتصورها ومن غير ما اختج تقول حق احد من صديقاتها انها بتصور علشان لحد فيهم يفتن عند الابله ولما يتم التصوير روحي بالتصوير حق الوزاره والله لو انا منج اوصلها لي خالد العبد الجليل واوصلها لي اكبر واحد بالوزاره علشان اتعرف وزيرة التربيه ان اشلون المعلمات اللي مثل هذي اشلون قاعدين يسيئون ابسمعة وزاااااارة التربيـــــــــــــه و التعليــــــــــــــــــــــم خوش تعليم هذا والله محد منظلم الا عيالنا والله عيالنا راحوا وطي من هالمدرسات اللي مايخافون الله ،، الله يستر على مستقبل عيالنا

 

[^همآليل^]

الله يعينا عالتدريس وين وصل احسن شي يصورونها صوت وصوره بالموبايل وخالد عبدالجليل مايقصر الله يعينا على المدرسات واسلوبهم وطلباتهم اللي ماتخلص

لا صعبه شوي التصوير والا حتى التسجيل

بس جان زين اوصلها لخالد عبدالجليل .....

يسلملي مرورج حبيبتي حياج

 

[^همآليل^]

امبيه مو لهالدرجه دروس خصوصيه وملوعين جبدنا فيها هالدور حتى بتصحيح الدفاتر تاخذ فلوس

من رايي تخلين امج تروح المدرسه مع امهات البنات ويشتكون عليها

وخل تحمد ربها بديرتها راتبها يمكن مايتعدى 30 دينار بالشهر وهنيه رواتبهم تشتري عماير بديرتهم

الظاهر هذا اللي بيصير

بقول لامي تروح تشتكي عند الناظره
<< شدعوه بتسوي شي الناظره عاد اهي بحاجتها

 

[^همآليل^]

ام حموودي ودي اوصلها لخالد عبدالجليل بس ماني عارفه شلون

تسلمين حبيبتي ع المرور والتفاعل معاي

لاهنتي

 

[الحلوه نونو]

لا لا حبيبتي شنو شكوى بالجريده بلا بطـــيخ

حبيبتــي المخفر والمخفر يحول لوزاره التربيه ويبدي التحقيقـــــــــــ

لا تتنازلون هذولي الناس ما يستحون على وجيههم

 

[أم حمـــــودي]

ام حموودي ودي اوصلها لخالد عبدالجليل بس ماني عارفه شلون

تسلمين حبيبتي ع المرور والتفاعل معاي

لاهنتي

هذا رقم خالد وانا اقولج لا تسكتيييييييييييييييييييين عنها هالزبااااااااااااااله (( 66807807 )) والله بيكون ما عندج سالفه ان سكتي عنها وترا الناظره ماراح تسويلها شي لانها ابحاجتها

 

[* قلبــ أنا ــك *]

لا وتقول شسوي احنا بلات جدد ماناخذ معاشات الا بعد 3 شهور شسوي؟ ....... وتقول اخذ من هالصف 15 دينار ومن الصف الثاني 15 دينار هذول 30 دينا كويسين ....؟ <<< لاتعليق :eh_s(13):



بالله تهقون هذي كفو تصير ابله؟
شنسوي الحين؟ ودي احط شكوى بالجريده ماني عارفه طريقتهم؟ :bbbiu:

نصاااابه شلون معاشاتهم بعد 3 شهور ...؟؟

معاشاتهم تنزل من اول شهر ..لا ومن اول ما يوصلون يوفرون لهم

تلفون وخط عشتووووووووو

بعدين معاشاتهم الحين بعد الزيادات تقريبا وصل 400 هذيلا اللي تعاقد جديد

يعني ماعليهم قاصررر بس شتقولين ...فراغة عين

يجيبونهم من اقصى القرى اللي حتى مو موجودة ع الخريطة ويجون مو شايفين خير

اذا اهم يطرون من البنات اقلام سبورة ...متعودين ع الطباشيرررر؟؟

والله مو كفووو تصير معلمة اجيال ...هذيلا النوعيات اللي تجيبهم نورية الصبيح

اللي على قولتها الوحدة منهم تسوى عشر كويتيات !!

من سيء الى أسوأ ....يا قلبي لاااتحزن:bbbiu:

 

[makhroosha]

طرشي فاكس حق جريدة الوطن و حطي المشكله خاص حق قسم الشكاوي او حق ايميل فؤاد الهاشم و كتبي نبيها توصل حق خالد العبدالجليل

 

[رائعة]

يا خوات نصيحة خل تكون ردودنا راقية ما فيها قذف على الغير حرررررررام

عجمية كلامك عين العقل لافض فوهك

أختي بندووورة خل تروح الوالدة المدرسة وراح يتضح الأمر وصدقينيني راح يبين الأمر

وبالتالي الناظرة إن شاء الله راح تتصرف بالشكل الصحيح والله يوفق أختك

 

[yam_yam]

99777770
هذا رقم موبايل العبدالجليل اخاف ماتحصلينه بالمكتب
و اقولج صوريها بالبلوتوث
و حيلج فيها

خلج من الوزارة مامنها فايده و نورية موفاضية قاعد تتهاوش مع رشا خخخخخخخخ


مالج غير خالد العبداجليل

 

[غربــــة اِحساس]

قهر لاتسكتون عنها باجر تتمادى وتبيع الامتحانات

وصلوا الشكوى للمنطقة التعليميه بكبرها

ع الاقل يحولونها تحقيق وجان زين يفصلونها ماصانت الامانة الي عندها وطلبت الفلوس الحرام بدال الحلال

 

[أم حمـــــودي]

لا لا حبيبتي شنو شكوى بالجريده بلا بطـــيخ

حبيبتــي المخفر والمخفر يحول لوزاره التربيه ويبدي التحقيقـــــــــــ

لا تتنازلون هذولي الناس ما يستحون على وجيههم

المخفر ماراح يسوي شي تدرين ليش ؟ لان لازم ترفعين شكوى من وزارة التربيه وبعد هالشكوى اذا تبين توصلينها المخفر تقدرين بس من غير الشكوى المخفر بيقولولج مانقدر انسويلج شي من غير اي دليل نصيحتي لج وانتي ابراحتج

 

[^طيوبه^]

اشتكي بالبرنامج الثاني عالخط لان هذولي مو كفو يربون اجيال

 

[أم حمـــــودي]

يا خوات نصيحة خل تكون ردودنا راقية ما فيها قذف على الغير حرررررررام

عجمية كلامك عين العقل لافض فوهك

أختي بندووورة خل تروح الوالدة المدرسة وراح يتضح الأمر وصدقينيني راح يبين الأمر

وبالتالي الناظرة إن شاء الله راح تتصرف بالشكل الصحيح والله يوفق أختك

يا اختي احنا ولله الحمد كلنا اسلوبنا راقي وما قذفنا احد وبقولج شي لازم اتعرفينه ترا اللي ترضى تاخذ فلوووووووس حرام فهي بنت حراااااااااااااااااام ولا اشرايكم خواتي ؟ شنو تعليقكم على هالفئه انا قلت فئه فئه فئه منهم مو كلهم اظن الكلام واضح مو كلهم فئه منهم مايستحون ولا يخافون الله وعساهم بالمرض ابكل فلس ياخذونها من الطلبه بالحرااااااااااااااام

 

[^همآليل^]

8
8
ام حموودي فديتج

لا شكلي بدق على خالد عبدالجليل احس صوتي يوصل اسرع


.......................

رائعه احنا ماقذفنا احد

يعني تبين نمدحها ونقولها يعطيج الف عافيه ماقصرتي؟