ابله علوم اسرة ومستهلك؟؟ تدرسين منهج التصميم الداخلي؟؟ حياااج عندي نتساعد بالتحاضير

[om3abod]

قوة يا ابلات يا مكروووفات يا حلوووات
شرايكم نتساعد بالتحاضير والافكار حق منهج علوم الاسرة والمستهلك للمرحلة الثانوية مقرر التصميم الداخلي؟؟؟؟ :eh_s(17):

 

[om3abod]

وهذا اول تحضير بنزله لكم

وحدة تدريسية مصغرة في مجال التصميم الداخلي
عنوان الوحدة: عناصر وأسس التصميم

زمن الحصة: حصتان

الأهداف السلوكية:
بعد دراسة هذه الوحدة تكون المتعلمة قادرة على أن:
1-تذكر شفهيا في نقطتين عناصر وأسس التصميم الداخلي.
2-توضح شفهيا في نقطه واحده كيفية استخدام الخطوط في التصميم.
3-تثبت شفهيا بالمخطط المرسوم أن الألوان علاقة كبيرة في التصميم الداخلي.
4-تصنف شفهيا في نقطتين المواد والخامات المستخدمة في أي تصميم.
5-تزود بالمعلومات شفهيا لتوزيع اللون بشكل صحيح.
6-تحكم شفهيا على اسس وعناصر التصميم وانواع التوازن ودورهم الفعال في اثراء التصميم في نقطتين.

الأهداف الوجدانية:
7-تبدي اهتماما لأقسام الالوان وأساسياتها.
8-تتفق مع زميلاتها لضرورة اختيار الخامة الملائمة للتصميم.
الأهداف النفس حركية:
9-تسمية الاشكال والخطوط المختلفة من قبل المتعلمات وتدونها في كراستها الخاصة.

التقويم المبدئي
طرح اسئله متنوعة ( كيف تختارين اثاث غرفتك؟؟ ولم اخترتي هذا النوع من الاثاث؟؟ اذا هناك شي يسمى بالتصميم سنتعرف عليه اليوم)


الأنشطة التعليمية المقترحة
1-مناقشة واستنتاح بين المعلمة والمتعلمات حول عناصر واسس التصميم الداخلي ويتم تعزيز الاجابة بالتدوين على السبورة (1).
2-شرح وتوضيح كيفية استخدام الخطوط في التصميم وذلك من خلال رسم المعلمة للمتعلمات على السبورة لبعض انواع الخطوط (2).
3-من خلال المعلمة لفيديو تستنج المتعلمة ان للالوان علاقة كبيرة في التصميم الداخلي (3+7).
4-عرض المعلمة لبطاقات توضح المواد والخامات المستخدمة في أي تصميم (4+8).
5-مناقشة واستنتاج بين المعلمة والمتعلمات حول توزيع اللون في المنزل بشكل صحيح وتدعم الاجابة بذكر بعض الامثلة (5).
6-من خلال عرض المعلمة للبوربوينت وعرض وسيلة لانواع التوازن تستدل المتعلمة على اسس وعناصر التصميم ودورها الفعال في اثراء التصميم (6)
7-بيان عملي من قبل المعلمة للمتعلمات من خلاله تستنج المتعلمة الأشكال والخطوط المستخدمة للتصميم (9)
التقويم النهائي
س1:اكملي الفراغ بكلمات مناسبة:
1-من انواع الاتزان (المتماثل ) و(الغير متماثل).
2- يعتبر المخمل من المواد (اللينة).
س2:اذكري 2 من عناصر التصميم الجيد:
الخط – الشكل – الملمس- اللون.
س3:عرفي الاتزان الغير متماثل:
فيه يختلف الاثاث من حيث الشكل والطراز ولكنه يوزع على مسافات متغيرة من مركز الاتزان.








المادة العلمية:
الكتاب المدرسي
المراجع والمصادر:
http://ar.wikipedia.org
http://www.lakii.com

التقويم الشفهي:
ماهو المسكن؟
ماهي الشروط الصحية لاساليب البناء الحديثة للمسكن؟
الجدول الزمني:
التقويم النهائي الأنشطة التعليمية التقويم المبدئي التقويم الشفهي
15 د 55 د 10 د 10د

 

[miele]

يعطييج العافيه ام عبود ،، انا تعيين جديد علوم اسرة ومستهلك

وان شالله بنفيد بعض ونستفيد

 

[om3abod]

انشالله حبيبتي ... اي منطقه انتي؟؟؟؟ ووين ناويه ثنوية والا متوووسطه

 

[miele]

انا الفروانيه . واتمنا يحطوني ثانوي

 

[بنات حواء2]

ام عبووووووووووووووود
اهلين و يهلين منوره المنتدى
انشالله لي داومت ببدع وياج بس خنداوم و خنعرف مراحلنه تصدقين ليلحين مادري اي مرحله موراضين يبوحون بسر المكنون >>> حلوه هذي
عاد انا احب رايج وسوالفج
قوليلي شلون الطالبات بثانويه وفرق وياج عن المتوسط و لالا
وياريت لو تقولين لنه السلبيات و الايجابيات بين المرحلتين
فديتج ام عبود مليون سؤال بس لاني اثق في رايج و احب سوالفج فابي اجرجرج بالحجي
هخهخهخهخههه
لا تستغربون
ترى ام عبود رفيجتي ولها فضل علي وياما ياما نشفت ريجها بتلفون بأسألتي

 

[om3abod]

ام زنووووب ههه بدعتي فيني حياتي حتى انتي ما قصرتي معاي واللله فدييييتجج
دام جذي عيل سمعي ....
المتوسطه : البنات صغار وتدرسين حصة وحده بس يعني على ما تييبينهم وتشرحين ويستوعبون الا طق الجرس ما يمديج تنتدمجين بالحصة وغير هذا مادخ مو اساسيه يعني نادر ما يهتمون
شغلج ولوووويتج كلها على ماده مو اساسيه مستووعبه
وغير هذا ملوعين جبدج احتياطات وغير منهجج تدرسين منهج ثاني تربيه حياتية شي جذي عرفتي
بس احلى مافي الموضوع انهم اطفال يعني براءة لووول
الثانوية : حصصج اقل يعني نادر ما تتعدى ال4 حصص بالاسبوع وماده اساسيه وعليها درجات فالبنات يهتمون ويجابلون غصبن عليهم ساليني عنهم مطلعه عينهم
غير هذا الصف الواحد تدريسنه حصتين ورا بعض يعني تاخذين راحتج بالشرح وبالفيديوات الي بتعرضينهم عرفتي ؟؟؟
والبنات كبار بسرعه يفهمون وما يلوعون جبدج بسرعه تستوعب التقويم المبدئي
وماكو احتياطات وايد
يعني والله انا سنه كامله خذيت يمكن 4 احتياطات ولااا داشه ببلعومهم ليش معطيني مو عاجبني حضرتي خخخ
وبس سلامتج عرفتي الفرق؟؟؟؟؟

 

[بنات حواء2]

عارفه الفرق وهذا الي مضيق خلقي لاني خايفه انقط متوسط و انا جربت المتوسط و شقا المتوسط
يسلمو ام عبود ماقصرتي
جيكتي علبرودكاست اليوم قلت اتحرش فيج علماشي
هخخخخخخخخخخخخخخخخخ

 

[miele]

وااي اكره المتوسط....

 

[om3abod]

خخخخ اي قريته يالمجرمه تتحرشين هاااا
قتلج شدي حيلج بالواسطه دشي على مراقب تعليم الثانوية وصكي راسه بالحنه وخل يكون معاج اخوج او ريلج ويحاجونه وبس

 

[بنات حواء2]

ام عبود
مراقب تعليم الثانويه وين احصله بالمنطقه ؟؟؟
ووين باي قسم بالضبط
من يوم الاحد بزن على راسه
خخخخخخخخخخخخخخخخخخخخخخخخخ
يعني انا بفهم لحين تحديد المرحله عند منو بالضبط مسؤولة الشؤون التوظيفيه و لا عند المراقب مال الثنويه
دخت
انزين تهقين متى يقولون لنه مداسنه او مراحلنه ؟؟؟
انتي متى قالولج ؟؟؟؟؟؟؟؟؟؟
احنه انا و الملاك قايلين لنه عقب الدوره معقوله طول ما احنه بدوره ماندري اي مدرسه
شنو هو سر و لا شنو
مادري ليش مايحددن من الحين و خلاص
ادري مارحمتج بلاسئله بس تمونين و امون عليج
خهخهخهخهخهخهخهه

 

[دلوعه كندا]

انا ليلحين طالبه ودي اصير ابله اقتصاد شي حلوو ولا لا ؟؟
وشكراااا

 

[بنات حواء2]

دلوعه شي وايد حلو و لا تتردين بتخصص راح ينعكس على حياتج وذوقج بعد
و مفيد وايد
عمومن لاحظي هشي في ابلات الاقتصاد تلقينهم دايمن ذويقات ولبسهم حلو و الوانهم حلوه
حتى في الورش و الحفلات تلقينهم اول ناس يتميزون لانه صج دراستنه تعلمج اشلون تلبسين و تختارين الالوان
حتى تصميم تصممين والله يوفقج

 

[miele]

دلوعه شي وايد حلو و لا تتردين بتخصص راح ينعكس على حياتج وذوقج بعد
و مفيد وايد
عمومن لاحظي هشي في ابلات الاقتصاد تلقينهم دايمن ذويقات ولبسهم حلو و الوانهم حلوه
حتى في الورش و الحفلات تلقينهم اول ناس يتميزون لانه صج دراستنه تعلمج اشلون تلبسين و تختارين الالوان
حتى تصميم تصممين والله يوفقج

اتفق معاااج 100٪

 

[دلوعه كندا]

مشكووووووووووووووره

 

[om3abod]

سمعي ام زنوووب وتحملي انتي بطلتي باب القرقه خخخخخخخ
شووفي تروحين المنطفه التعليميه الي صايره بستين الف داعووووس ههه
1-يعطونج ورقه الفحص الطبي
2- تروحين مستشفى الصباح يفتوحنلج ملف ويسوونلج جم تحليل
3-تروحين المستشفى الي تابعه لها (مستشفى مبارك) وتسوين ونتي بكرامه تحليل بول وبراز وجنه دم انا كان رمضان وحاشني امساك مزمن خخخخ تاخرت على ماسويته لووول
4-تطلع النتايج تاخذينهم تودينهم الصباح مره ثانيه ويكملون التحاليل وبعد اسبوع تستلمين النتايج
5- لمن تستلمينهم تودينهم المنطقه التعليميه بعدين يعطونج ورقه مالت التعيين حزتها روحي عند المراقب وصكي راسه وبس
واااااي تعبت خخخخخ عرفتي
شدي حيلج وعطيني الاخبار اول باول ومووووفقه
لمن تروحين المنطقه سالي عن مكتب رومي الهزاع اهو مراقب التعليم الثانوي اوووكي

 

[بنات حواء2]

ام عبود فديتج اقولج احب قرقتج ترى و الله احب سوالفج ودي تقعدين جدامي و تسولفين و انا اسمع لاني اثق في كلامج واحب رايج و لمن تنصحين تنصحين من قلب و هذا شي حلو فيج

تروحين المنطفه التعليميه الي صايره بستين الف داعووووس

على فكره ترى بيني و بينها دوار يم شقتي على يوم تعالي مريني

1-يعطونج ورقه الفحص الطبي
2- تروحين مستشفى الصباح يفتوحنلج ملف ويسوونلج جم تحليل
3-تروحين المستشفى الي تابعه لها (مستشفى مبارك) وتسوين ونتي بكرامه تحليل بول وبراز وجنه دم انا كان رمضان وحاشني امساك مزمن خخخخ تاخرت على ماسويته لووول
4-تطلع النتايج تاخذينهم تودينهم الصباح مره ثانيه ويكملون التحاليل وبعد اسبوع تستلمين النتايج
5- لمن تستلمينهم تودينهم المنطقه التعليميه بعدين يعطونج ورقه مالت التعيين حزتها روحي عند المراقب وصكي راسه وبس
واااااي تعبت خخخخخ عرفتي
شدي حيلج وعطيني الاخبار اول باول ومووووفقه

والي يقولج اني انا خلصت هذا كله
ترا اشق ملابسي يوزي عني لاتطفريني
ههههههههههههههههههههههههههه
كل هذا خلصته ورحت المنطقه وديت لهم النتيجه و اخر شي وديت ورقه حق الشؤون التعليميه بس ما حددولي اي مرحله و لمن سألتهم قالولي مو الحين عقب الدوره اشلون عقب الدوره مادري اصلن اهمه من يخلصون الدوره يقولون لنه روحي سوي مباشرة عمل
عبالهم احنه قواطي
و خذوا رقمي قالو احنه ندق عليج
انا هني انقهرت انا ابي اعرف وين بقطوني و اهمه راهيين

تنصحيني اروح هليومين المنطقه سيده حق الرومي و انخيه
حلوه هذي انخيه
عاد تدرين اليوم شحلمانه


حلمانه جنه معينيني ثنويه و بنفس مدرستج و بالحلم استانست
عاد انا احلامي ماتخون وحده بوحده
يارب يصير صج حاطيني وياج
يارب

 

[miele]

ان شااالله يتحقق حلمج يا ام زنووب تستااهلين كل خيير

وانا بعد بروح ادرعم علا مراقب الثانويه واقولة اشخطلي علا الورقه وبلا هذرة زايدة 

 

[om3abod]

اييي ام زنووب روحي هالجم يوم خليهم يحفظونج من حنتج لا تخلينهم ترى نايمين على عمرهم
ودشي على عالمراقب صكي راسي

 

[بنات حواء2]

ميلي الله يسمع منج يارب و مشكوره حبيبتي عدعوه الحلوه

ام عبود رحت المنطقه اليوم كل وحده تقطني على مكان و لمن وصلت عند المراقب مو مداوم و لا احد هناك بس وحده قالتلي تعالي باجر وسئلي الموظفه الي يمي لانه هي اليوم مو مداومه
ماني عارفه شسوي