ابني يختار حضن غيري

[ღ❤سـنــيـــڪـرز❤ღ]

السلام عليكم
كيفكم بنات ارجوكم ساعدوني بسرعه موضوعي جدا ماثر علي وعلى نفسيتي وعلى ابني
عندي ولد عمرة 3سنوات ونص مايبي بيتنا ابدا يبي بيت ام زوجيتخخ بلبدايه قلت معليش يحب جدتة ووالله اني فرحت بس تحول هشي لجنون خلاص مايبيني ابدا
تخيلو يقعد يومين اجي اقول تعال ببوسك مايرضى الالوسمحت له جدته مع اني احبه حب جنوني ابني وفلذة كبدي بس صدق احبه بشكل الكل يلومني على حبي له ايش اسوي ارجوكم ساعدوني وردو لي عندة العاب وكل شي بس مايبي يروح معاي البيت صرت اضربه من تصرفاته قلبي يحترق ارجوكم اسعفوني بحل واذا كان هاذا المكان مو مكان هلمشكله ارجوووووووكم لاتحذفوة اوتنقلوة الرجووووكم

 

[متيمة بالشعر]

​

الله يعيـنج حبيبتي ,
صج شي يعوّر القلـب

إن شاءالله البنآت يفيدونج إللي عندهم آعيآل آو اللي عندهم حل

حبيت آرفع الموضـوع .. ,
والله يفـرح قلبج ي الغلآ ..
​

 

[لمى الهاجري]

لا تعاندينه خليه يحبها بالعكس شجعيه هي جدته ومو غريبة مممكن جدته تلاعبه وتونسه وحنونه عليه ما تضربه

 

[تحت ظلك]

أستشيري مختص أفضل

 

[عيني عليه]

انتي تشتغلييين ؟؟

يمكن تقضيين وقت طوييل بعييد عنه عشاان كذااا ؟؟

 

[حنان الحربيه]

شوفي جدته كيف تعامله
وعامليه مثل ماتعامله
الطفل مع الانسان للي يسايره
واهم شي تتكلمين معه وتعلبين معه
مومهم كثر الالعاب عنده
المهم وجودك معه انتي

 

[ام الدرر]

حبوبة
الظاهر لانه بيت الجدة فيه اطفال غيره
او انه مايفضى يعني يوميا يمرونهم اطفال العايلة
فطبيعي ولدج يبي الونس واللعب
هو مو شين انه يقعد عندهم بس اكيد الجدة وراها التزامات وموفاضيه حتى لو تحبه وتحن عليه
حاولي شوي شوي تسحبينه منهم
وتقللين زيارتكم للبيت العود
اشتري لعبة يحبها جديدة وديها هناك شوي ورجعيها السيارة بدون مايحس واذا سال قولي له بابا وداها البيت وقولي له يلا بنروح بيعاند بيصيح
خلج حازمة انتي وابوه واقنعي الجدة اول شي عشان تساعدكم قوولي لها السنه الجاية وراه مدرسة لازم يتعود
واذا زرتو وحاول ينام قولي له برجع اللعبة
او بعطيها فلان (شخص ينافسه او يغارا منه )
او قولي له ما جبنا ملابس نروح البيت ونرجع
وقولي له انا ابجي بالليل ادورك ما اعرف انام (حاولي تكسرين خاطره وتحننين قلبه )
3 سنين صغير وبسرعه يقتنع
الغلط يمكن بالاول شجعتوه على هالشي
والحين لما تعود وتاقلم تحاولون تغيرون
حبوبة لازم يبكي ويعاند باول الايام بس تحملي
وان شالله ربي بيهديه​

 

[granted]

ليش مخليته هناك اصلاً
مفروض ولدج بحضنج لو قعد جم ساعه يبجي يقلب الدنيا يدورج
مهما كنتي عندج دوام او مشغوله لو شنو هذا ولدج مفروض يكون من اولوياتج
استغرب اتقولين قاعد يومين اببيت يدته ليش ؟
الله يفرج همج
اكيد في شي غلط

 

[سارونه السنيوره]

جدته تحبج او لا
شدعوا ليش مايبوسج الا لما تقوله بوسها حلوه هذي
لوانا منج ما اخلي يروح لهااا
لاتخلين ولدج يروح دايم بعدين يكرهج اكيد في احد يوزه عليج
هذا شي واضح

 

[حليلة نايف]

انا حاسه فيج ياختي انا نفس معاناتج بس ام زوجي وخواااته ياخذون ولدي مني ويقسون قلبه علي ويدلعونه بكل شي اةكي انا مابخل ع ولدي بشي بس مو لدرجة المصاخه عادي اي شي يطلب ييبون له عادي باليوم ٣او ٤ايسكريم يعطونه والولد يمرض علي وبالخير يقولون انتي ماتهتمين فيهانا كنت ارحم عماته انهم كبار وماتزوجوا بس حيل مصخوها *

 

[ديمــــــــــه]

اتركيه لاتضغطين عليه وبيكبر وبيتغير كل هالشي صدقيني
زين متعلق بجدته ولا بانسانه ثانيه عالاقل جدته تثقين فيها وبترتاحين انه ولدتس معها وهي حوله
انتي شكلك حساسه حييييل لاتدققين كثير على هالموضوع عشان هو ماينفر منتس اكثر ولا تطقينه مره ثانيه مهما صار
انا مالومك بس دام هذا وضعه خليه براحته ولا تستفزينه بضغطك عليه عشان مايعاند اكثر وحاولي توفرين له الاشياء اللي يحبها وتطلعين معاه لحالكم الاماكن اللي يحبها وتوصلينه انتي بنفسك لبيت جدته وصدقيني مع الوقت بيقولتس لا ابي اروح معك
ولدك عنيد وجالس يستمتع وهو يسوي الشي اللي يضايقك
طولي بالك واستعيني بالله وهذا بالاخير ولدك طال الزمن ولا قصر بيرجع لحضنك
موفقه يارب

 

[قمر بيت أبوها]

انا تربيت وعشت طفولتي عند أمي الله يرحمها (جدتي)
لاسباب كثيره ولا زلت اعتبرها هي امي وبس
و لان لقيت عندها اشياء مااتوقع الاقي ربعها عند امي
ولا تحسبين الالعاب ولا الاطفال يشدونه طفلك حب جدتها حب انسانيتها حب ريحتها وهالشي ترا للمصلحتك حريم اول تربيتهم تهبل وامينات ومايطلع من ايديهن الا الزين
لا تعبرين كلامي معناته انك مقصر معاه لا بس هو لقي شي روحي فيها مستحيل يلاقيه فيك
تلاقينها تنومه علي حضنها ويقوم الصبح من قومتها
وتلاقينها تتتركه ياكل علي راحته ماتنتقده وصخة ولااكل كذا
وتلاقين اشياء واشياء ماراح يعرفها غيره
والمفروض تفرحين ماتضايقين
وترا مو هو بس انا اللي مريت بهالتجربه
اعرف وحده اخوها بعد عايش عند جدها تقول نعطيه ونعطيه بس مايبي مرتاح عند جده شوفيه الحين حافظ القرآن ماشاء الله واخلاقه يضرب فيها المثل اخوانها الباقين عند امهم وابوهم ولهم الدلع والفلوس اخلاقهم زفت
وانا عندك شخصيآ افرق عن اخواني كثير
اذا جدته مو مريضه ويتعبها ولدك خليه عندها تربيه احسن تربيه ويونسها بعد وانتي اخذيه كل يوم وقت معين وخلاص



==>> أحس اني بانطرد من موضوعك بقووووووه

 

[ღ❤سـنــيـــڪـرز❤ღ]

حبوبة
الظاهر لانه بيت الجدة فيه اطفال غيره
او انه مايفضى يعني يوميا يمرونهم اطفال العايلة
فطبيعي ولدج يبي الونس واللعب
هو مو شين انه يقعد عندهم بس اكيد الجدة وراها التزامات وموفاضيه حتى لو تحبه وتحن عليه
حاولي شوي شوي تسحبينه منهم
وتقللين زيارتكم للبيت العود
اشتري لعبة يحبها جديدة وديها هناك شوي ورجعيها السيارة بدون مايحس واذا سال قولي له بابا وداها البيت وقولي له يلا بنروح بيعاند بيصيح
خلج حازمة انتي وابوه واقنعي الجدة اول شي عشان تساعدكم قوولي لها السنه الجاية وراه مدرسة لازم يتعود
واذا زرتو وحاول ينام قولي له برجع اللعبة
او بعطيها فلان (شخص ينافسه او يغارا منه )
او قولي له ما جبنا ملابس نروح البيت ونرجع
وقولي له انا ابجي بالليل ادورك ما اعرف انام (حاولي تكسرين خاطره وتحننين قلبه )
3 سنين صغير وبسرعه يقتنع
الغلط يمكن بالاول شجعتوه على هالشي
والحين لما تعود وتاقلم تحاولون تغيرون
حبوبة لازم يبكي ويعاند باول الايام بس تحملي ه
وان شالله ربي بيهديه​

كلامج صح بس سوي عموما شكرا لك

 

[ღ❤سـنــيـــڪـرز❤ღ]

شكرا لكل الي ردو علي بس انا ما اشتغل بلعكس متفرغه تماما لعيالي انا الحين بديت افرغ نفسي والعب معهم اكثر وقت ممكن

 

[جلكسيه اس 3]

باجر صار ما صار. يقولون قاطته و لا يقولون ماتدري عنه احنا الي ربيناااه
عاقبيه و لا تخلينه يروح. اذا. من الحين جذي ما يخليج تبوسينه باجر اشلون عيل ؟

 

[بيلسسان]

حبيبتي عادي طفل يدور الشي اللي يفرحه ويوسع صدره
انتي اجذبيه لج ولاتبعدينه عن جدته
لعبي معاه
لو كل يوم تعطينه حلاوه وتقولين له هذا لك لانك اليوم شاطر بيفرح فيها لو عنده كرتووووون حلويات
انتي بشطارتج اكسبيه

 

[شوارفسكيه حمره]

الله يعينج الصراحه

شنوو هذااا والله الصراحه في شي غلط قلنا يددته وتحبه ويحبها بس انتي امه
اذا من هالعمر بيتعود يصير قاسي عليج ؟؟ لمن يكبر شنو ترى 3 سنين يفهم مو تقولين عمره سنه
يعني عارف انتي امه ما راح يضيع بينج وبينها يعني
مابي اظلم بس يمكن يكرهونه فيج
انا اللي اعرفه الولد اقرب حق امه من البنت لمن يكون صغير
البنت على قولتهم عند ابوها والولد لازق حق امه
شي غريب
خلي ولدج عندج وربيه
والله لمن تصير بينج وبين ريلج مشكله لا سمح الله بياخذونه منج يقولون ما تعبتي فيه
ادعيله وحاولي اتقربين منه
انا بنتي لمن توخر عني ما تبيني وتبي امي قلبي يعورني واقعد ابجي من القهر بنتي اللي تعبت فيها جذي تسوي
الله يكون بعونج ياارب ويخليه لج ويصلحه

 

[رجفة وهم]

الله يعينك ويصبر قلبك

بس دائما الاولاد الصغار يتعلقون بجداتهم اعرف وحده كذا تبي تاخذ بنتها من أمها

تصيح وتتنجن تبي عند جدتها وخالاتها

متعلق بجدتها بشكل مو طبيعي

بس أنتي حاولي تلاحظين جدتها أيش تسويلها كيف تتعامل معاه وكيف تلاعبه

وكيف توكلها تخليه يحوس بالأكل ولا توكل بأيده

وأستشيري أخصائية أطفال بهالموضوع

 

[روان المطيري]

مشاءالله عندج ولد والله حسبالي صغيره ..


حاولي تتقربين منه وتشترين له هدايا واشياء اللي يحبها
وقوليله تدري انك اغلا واحد عندي من اعيالي واحبك اكثر منهم
حاولي تتقربين منه او وديه عند طبيب نفسي راح ينفعج اكثر موفقه ♥

 

[Meeesh]

نفس معاناتي بس انا مو مع جدته لا مع ابوه
ومرات اصيح من القهر مايبيني وانا اموت فيه احبه اكثر من اي شي بالعالم