ابوي يطلب الصدقة من قبرة بكل الطرق .. سمعوا هالسالفة

[mi corazon]

اهلين يا حلوين

شلونكم؟

من يومين صارت سالفة غريبة عجيييبة .. أبي أعرف شنو تفسيرها ؟ وهل صح تفسيري لها ولا لأ؟

كنت نايمة الساعة 1 بالليل قعدت على صوت دعمة سيارة قوية جدام بيتنا .. حسيت جنه دعم سيارة من سياييرنا

رديت نمت لأني حسيت جنه حلم والناس اتدز السيارة

ثاني يوم اخوي قال لي الصبح تعالي شوفي .. ولا السيارة مالت شباب مادري شفيهم .. يقحصون الظاهر .. وافتلتت فيهم السيارة ولا يدعمون البرادة اللي جدام بيتنا

دعموها كسروا ريولها ... مع ان البراده يم السيايير بالضبط

سبحان الله اول شي يه على بالي ابوي .. لأن البرادة خربانه صارلها شهور والكل مكسل يصلحها وكل ما وقفت سيارة يشربون يروحون .. وابوي اكثر من مره اييلنا بالحلوم وشكله تعبان شوي .. ويفسرون لنا انه يطلب الصدقه .. ننام ونقعد وننسى

ليمن صارت هالسالفة .. والله بنات حسيتها قوية .. جنه يطلب هالمره بشكل اقوى من قبل .. يا حبيبي يا يبه ،، قلبي عورني

الحين طلعت له صدقات وبنصلح البراده

بس هل هالحادثة هاذا تفسيرها؟

 

[كيم كارداشيان]

حبيبتي صعب تربطين الحادثة بهالشيء


بس المفروض تصلحون البرادة وتسون لها عقد صيانة ..

في النهاية الله طيب لا يقبل الا الطيب .. والصدقة من برادة مكسورة موب طيبة


غير جيه صارت سالفة عندنا بالامارات .. ياهلة شربت من برادة الناس موب مسوين لها صيانة وقبضتها كهرباء وتوفت


المحكمة حكمت على أهل البيت بالدية الشرعية للبنية .. وعطوهم تهمة الاهمال المؤدي للوفاة .. فديروا بالكم

 

[الجااونيه]

تصدقي عنه وادعييله
الله يرحمه يارب ويرحم موتانا وموتا المسلمين اجمعيين يارب العالمين

 

[الفدنه]

يمكن الله يبي له الاجر
حبيبتي صلحوها واحتسبوا اجر كل من شرب منها
لبوج الله يرحمه
ولا تنسين في كل ذي كبد رطبه اجر
حطوا صحن ماي صغير يم البراده
حتى لو بس الطيور والقطاوه بالشارع تشرب
هم ابوج يؤجر​

 

[ترانيم القصيم]

هلا و غلا يا قلبي

الله يرحم أبوك يا قلبي و عسى ربي يجعل قبرهـ روضة من رياض الجنة

شوفي , أنـا سمعت مفسر أحلام يقول : إن حال الميت في المنام هو حاله في القبر و الله أعلم ,

ما أدري إذا ينطبق على أي منام أو لا من ضمنها منامك ,, الله أعلم حبيبة قلبي ,

فـ على هذا الأساس طلعي عنوهـ صدقة و سووي أي عمل خيري لأبوك عشان يدر عليه بالأجر و الثواب و هو في قبرهـ

أقلها ( الدعااااااااااااااااااااااااااااء له ) ,, ادعوا له ,,

الله يرحمه يا رب ,

احترامي و تقديري

ترانيم القصيم

 

[‏ڝڋٸ ٵڸڪٿہـآڻ]

سبحاااااان الله ........ الله يرحمـــــــه ويغفـــر لــــــــــــه ... يمكن لها علاقة باالأحـــداث الله أعلم

 

[Vous jamais]

الله يرحمه و يغفر له و يرزقه الفردوس الأعلى من الجنة

عليج ( بالصدقة - الدعاء ) للأبوج ..