ابو زوجي ولقافته

[احلام واقفه]

مرحبا كويتيات
كيفكم
انا عندي مشكله مع ابو زوجي وان شالله القى لها حل عندكم
واتمنى من الادراه ماتحذف الموضوع وفي موضوعين كتبتهم واحذفتهم الادراه مدري ليه

المهم


انا ابو زوجي يكون خالي

مشكلة ابو زوجي ملقوووف حده يعني من سكنت عندهم وانا ذايقه الويل ماعنده الا سالفة اني دواره ولا اجلس بالبيت وكل يقول ان عباتي على راسي
وانا والله مااطلع كل يوم اذا صرت جالسه انا وزوجي يقولي زوجي قومي نطلع نروح نتمشى وعسى مانحرك السياره يقول بس راحت بيت اهلها

تخيلو ماسك زوجي يقوله مرتك ودها بيت اهلها كل ثامنه يعني في الاسبوع مره
((وانا اروح بيتنا مرتين بالاسبوع بس بس

وقبل يومين ماسك ولدي جالس يلعبه يقوله مالت عليك وعلى امك

:bbbiu:انا سكت ماتكلمت ولا قلت شي ولا حتى طالعت فيه
اعطوني الحل تعبت وانا ساكته
وكل مشاكل مع زوجي بسبت هالموضوع

 

[بتبوتااا]

حياتي مواضيعج مو محذوفه موجوده بالقسم راجعي ملفج حوبي

وخالج ماعليه طوفي وطنشي ياقلبي

 

[أم ميميتو]

حبيبتي من جم يوم شفتلج موضوع عن ابو زوجج

 

[مهياوة^كندرية]

الله يعينج دام انه خالج كلمي امج يمكن تكلمه

 

[نانسي كويتيه]

مالوم الاداره لما يحذفون مواضيعج ؟؟

شوفي قظبي ارضج ولا تطلعين من البيت

اشكرره تهيتين وبعدين لما تصير المشاكل تعالوا ساعدووني ؟؟؟

 

[مطلقه وأفتخر]

هذا وهو خالج أخو أمج قلتي عنه ملقوف!!!

لو إنه أبو زوجج بس شبتقولين!!


مالومه فيج بصراحه أسلوبج مؤ شي

لسانك حصانك ان صنته صانك

 

[Gifts&Occaions]

هذا خالج وابو زوجج تحمليه ولا تتشكين عند زوجج ولا عند اهلج

 

[لوفيه]

اهم شي ولقافته !!!

انزين كلمي امج اخته تمون عليه

الله يهديكم

 

[ابي اصير ممثلة]

انا شايفة لج موضوع من قبل عنه عطيه طاف

 

[شوق الوليف]

الله يعينج عليه شبتسوين يعني ؟؟ مالج الا الصبر

 

[sosowaty]

اااااب

 

[دلوعة صلوح]

لقااااااافتة >>> خووووش حجى

 

[شادن33]

ساحلي هالشايب عشان ايفكج اذا انتي متضايجه من تعليقاته
معنه عادي
يبيله هديه شي يحبها علشان تسلمين من لسانه هاي خالج بعد يحليله

 

[aloooya]

تحمليه

 

[AL-DMERA]

عادي حبيبتي كل العواده والكباار جذي اسلوبهم بس يعلقون ,,
تعليقاته مافيها شي طنشي او ضحكي وقولي والله ياخالي ولدك اللي يطلعني غصب عادي اخذيها بنفس حلوه ,,
موفقه ,,

 

[أم علي الرفاعي]

كل العمام والخالات جذي
انا حتى امي وابوي ما اتحمل كلامهم

هذا الشي يصير مع التقدم في العمر
يصيرون حنانين ويعلقون وايد


كلهم جذي !!!

 

[ام كوثر2007]

حبيبتي مافي دخان من غير نار .. ما شاء الله انتي مبين عليج من اسلوبج انج مو هينه ..


عشان جذى تشوفينه مناشبج ..

ما عليه تحملي كلامي انا ابي مصلحتج الله يشهد ..


يعني اول شي اهو خالج يعني دمج ولحمج .. وثانيا ابو ريلج .. وثالثا يد عيالج ..


انا ماني عارفه انتو اشلون تحطون عقولكم بعقوول الناس الكبار بالسن ؟؟

حبيبتي ترا الام والابو لا كبروا يصيرون نفس اليهال .. حتي تصرفاتهم تصك علي تصرفات العيال الصغار ..


يعني انتي تقدرين تحطين راسج براس ياهل وتعادينه ؟؟

طبعا لا .. عشان جذى حاولي انج تاخذينه علي قد عقله .. وحاولي انج تحسسينه انه كلمته مسموعه ..


مو يقولج شي وعلي طول تروحين تشتكين حق ريلج مثل الياهل ..

لا يا قلبي خليج حكيمه .. ولا تعكرين مزاج زوجج عشان سوالف مثل جذى .

وعسى الله يهديج ويهديه .

 

[$$king moon$$]

يعتبر من ارحامج تحملي

 

[دلع العتبان]

شكلج انتي من النوع الجامد اعرف نظام خالج الي يقط كلام ماله معنى انتي بنفس الحزه الي يقط الكلام خلج جريئه معاه وردي عليه برد بنفس الوقت محترم بنفس الوقت يحسسه انج منه وفيه

مثال : خالج قال مالت عليك وعلى امك ردي عليه وقولي :

افا خالي هذا وانا بنت اختك شدعوه ترضاها لي مثلا

مثلا خالج قال : لاتودي مرتك لاهلها

قوليله براحتك خالي وانا مابي اروح مع ريلي ابيك انت توديني والخ

انتي لاتخلين نفسج جامده معاه يمكن انتي من النوع الي مايضحك او يتغشمر معااه ويداحر فيه بعض الشياب الله يهداهم يحبون المداحر انتي داحريه بس مثل ماداحرين ابوج عرفتي يحبون هالنظام

الله يوفقج

 

[زوجة عزيز]

الله يعينج لا اتهاوشين معا ريلج مسكين تصبري عليه فيه بعضهم يقولون أكثر من جذي