ابو سليم

[<miss botamba>]

السلام عليكم و رحمه الله و بركاته




شلونكم و شخباركم

عساكم بخير ان شاء الله




اليوم المطعم الي بكتب لكم عنه مو مطعم تروحون له، لا مطعم تطلبون منه للبيت


ومثل ما انتوا شايفين من العنوان


مطعم " ابو سليم "


ومو متأكده بس اعتقد المطعم أردني



المهم ،،، ما أطول عليكم أخليكم مع الصور و طلبنا





البدايه الطلب يوصل لكم بالشكل هذا داخل صندوق وشغل مرتب













وهذا كان الطلب









فته ابو سليم ( حمص - بيديان - خبز - لوز - روب - كمون - سماق ) .. واايد لذيذه





فته أردنيه ( تقريبا نفس الي قبلها بس بدون بيديان ) .... عاديه





مسقعه ( لحم مفروم - بيديان ) ... حلوه بس حيييييل دسمه




متبل بيديان ... حلو بس طعم الطحينه شوي قوي






فلافل






وكل طلب معاه


مخلل جزر و زيتون اخضر





خبز






و طلع الطلب تقريبا 4 دنانير و 600 فلس




وهذا الرقم للي حاب يطلب








نسيت اقول لكم الطلب كان كله حجم صغير بس راهي يعني الي احنا طالبينه يكفي يمكن ٦ اشخاص مو يواعه


و ان شاء الله يعجبكم تقريري السريع الخفيف اللطيف :eh_s(7):

:eh_s(8)::eh_s(8)::eh_s(8):

 

[الفرفوشهـ]

عليج بالعافيه حبيبتي

اشتهيت الفلافل يممممي

 

[صمتي الـم]

توني اليووم ماكله منه احبه هالمطعم و المسقعه حلوه بس لو يخففون الدهن شوي

 

[بحر الذكريات]

عليكم بالعافيه حتى انا اشتهيت الفلافل

 

[ساندريلا]

بالعااافيه حبيبتي

 

[الرشا 2003]

بالعافيه بس غالي فلافل ومتبل وفته بس 4600

 

[مدام فاشن]

علييج بالف عافيه حبيبتي

 

[NIZQOO]

عوافي مس بوتمبا​

 

[أحلى همبه كويتية]

عوافي على قلوبكم


وعظم الله اجرك حبيبتي اخر الأحزان
مكانه الجنة ان شاء الله

 

[الدلال]

عليكم بألف عافيه

 

[منورة الكويتية]

شكله نظيف وايشوق
عليكم بالف عافيه

 

[lovely jojo]

بالعافيه..

 

[:: Diva ::]

أول مره اسمع عنه
شكله حيل حلوووووو حق السحور بعدين

فديتج مشكوره واااااايد



( عظم الله أجرج يارب )
:*

 

[Om_Ksha]

مشكوووره

 

[احساس السعوديه]

عليييييييييييييكم بالف عاااااااافية

وحقنا بالعافية

 

[أم حسون]

يمي بالعافيه

 

[أم@الحلوين]

عليج بالعافيه شكله لذييييذ

 

[D.asmaa]

ابو سليم طحنا عليه قبل لا يصير عنده خدمة توصيل نطرش سايقنا عشان الفته وصمونة المسقعه دمااار يمكن اول زباين عنده طحنا عليه بالصدفه وادمنا صار الزامي بزوارة الخميس اااااخ من يطولني ابو سليم هني

 

[om mishaal]

يشووووووووووق وشكله نظيف ومرتب
زين حق رمضان
يعطيك العافية

 

[ام حمد 85]

عليكم بالعافيه شكل المطعم يشوق