ابى احد يساعدنى عقب ماشلت التقويم ردت اسنانى شسوى ؟؟؟

[kuwaitya_zoGaa]

شلونكم بنات ؟؟؟

انا كنت حاطه تقويم اوكى

وبعد جم سنه اختربو ... شنو الحل ؟؟؟

واللى عدلتهم شنو سوت ؟؟؟ يصير يتعدلون بالمتحرك ؟؟؟ انا بس تحركو على خفيف يعنى مو مخربطين

وعند منو راحت ؟؟ واب واحد شاطر

يالله بنات همتكم ساعدونى ...

:ggdw: :ggdw: :ggdw:

 

[lollipops]

يتعدلون بالمتحرك
والحين العيادات الخاصه يحطون مثل المتحرك ماديري شلون صاير بس سمعت رفيجتي تقول حطوا لها
ان يكون مخفي ورا الاسنان

 

[kuwaitya_zoGaa]

مشكووووووووووووووره ياقلبى وماقصرتى

 

[أم منصور]

في دكتور اسمه الياس لبناني في مستوصف فيصل الطبي في عمارات شاكر الكاظمي عالبحر روحي استشيريه اهو استشاري تجميل الاسنان

 

[حبي كويتي]

الافضل تروحين لدكتورج الي سويتي عنده لانه هو الي عارف حالة اسنانج قبل محد يقدر يشتغل وهو مايعرف كيف وضع الاسنان الحقيقي يا تجيبين تقرير واشعتج القديمه والافضل تستشيرين دكتورج نصيحة مني لا احد يضحك عليج ويقول بنسوي ونحط وهو اصلا مو عارف وضعج الطبيعي .. موفقه حبيبتي

 

[الحور]

حبيبتي راجعي دكتورج احسن ..

 

[ايـــثـــار]

هلا يا قلبي

انا سويت تقويم كامل ولما شلته صار فيني نفسج بالظبط بس السبب الرئيسي مني لاني اهملت المتحرك وقطيته بعد شهر بس وسع اسناني فاظطريت احط مره ثانيه بس لمدة اقل 6 اشهر بس لان الغلط كان مني فنصيحتي لاتهملين المتحرك

 

[sweet barbi]

انا نفسج بس مااختربو وابد بس حسيت انهم قام شويه يتحركون معنه انا على طول لابسه المتحرك رحت حق دكتورى ضيجلى المتحرك فراجعى دكتورج الى سوالج التقويم وقوليله على فكره لازم تلبسين المتحرك على طوول

 

[miss_avocado]

اووووووووووووووووووووووووووووووووووووه
نفس حالتي انا الله وكيلج لبست المتحرك سنتين ماقطيته كلش لانهار و لا ليل و بعدين سويت تلبيس حق اسناني و سوالف حشوات و جذي خليته من شهر 1 لي 3 و الله الحين متحسفة احس القواطع اللي جدام متحركين و الانياب رجعو ورا مليت و الله مليت و ناويه اسوي تقويم مره ثانيه و الله يستر لان دكتورتي اللي عالجتني و سوتلي التلبيس قالتلي اسنانج و ايد تعبانه من التقويم و انا مصره اسوي

 

[kuwaitya_zoGaa]

مشكورين يا بنات على ردودكم ...

ومشكورين وايد وايد وايد

شوركم وهداية الله اروح حق طبيبي ... والله يستر .